Nga Kosova, Shqipëria, vende të ndryshme të Evropës e nga Shtetet e Bashkuara të Amerikës, shqiptarët janë nisur për të udhëtuar drejt Holandës. Sot në qytetin holandez do të mbahet një protestë masive në afërsi të ndërtesës së Gjykatës Speciale.

Në kohën kur pritet të nis dëgjimi i dëshmitarit të parë, shqiptarët nga vende të ndryshme të botës, me mbështetjen e Organizatës së Veteranëve të Luftës së UÇK-së, do të japin mesazhin e tyre për këtë proces.

Atje, ish-presidenti i Kosovës, Hashim Thaçi, ish-kryetarët e Kuvendit, Kadri Veseli dhe Jakup Krasniqi, si dhe ish-deputeti Rexhep Selimi ndodhen në një proces të tejzgjatur gjyqësor në Dhomat e Specializuara të Kosovës.

Ata akuzohen për krime të pretenduara të luftës dhe krime kundër njerëzimit. Të gjithë janë deklaruar të pafajshëm për të gjitha akuzat që Zyra e Prokurorit të Specializuar i ka vënë mbi ta.

Katërshja e UÇK-së ndodhet në paraburgim në Hagë prej nëntorit të vitit 2020, ndërkaq gjykimi ndaj tyre ka nisur në prill 2023.

Prokuroria e ka mbyllur çështjen e saj në prill të këtij viti ndërkohë, më 15 shtator do të nisë paraqitja e provave nga ekipet mbrojtëse. /Kosovapress/

Nga Naser Selmani, Gazetar- Analist

Ky është deputeti i Besës, Adnan Azizi, i cili në tubimin e Vlenit në Tetovë hodhi akuza të rënda kundër opozitës shqiptare, duke pretenduar se, bashkë me tifozët e Vojvodëve, ata kanë rrahur nxënësit shqiptarë.
Në një vend normal, ku funksionarët mbajnë përgjegjësi për fjalën publike, pritej që deputeti Azizi të denonconte në polici të dyshuarit e opozitës shqiptare, të cilët sipas tij, kanë frymëzuar dhe organizuar tifozët e Vojvodës për të sulmuar nxënësit e pafajshëm shqiptarë, për të nxirrë imazhin e Vlenit në qeveri.

Nëse këto akuza do të ishin të bazuara, ato do të ndihmonin shumë në zbardhjen e rastit nga organet e hetuesisë, duke nxjerrë para drejtësisë fajtorët dhe duke parandaluar incidente të ngjashme në të ardhmen.

Megjithatë, deri sot, Azizi nuk ka njoftuar për ndonjë denoncim para organeve të hetuesisë kundër opozitës shqiptare, as që organet e hetuesisë e kanë ftuar atë për bisedë, duke marrë parasysh seriozitetin e akuzave.
Atëherë, çfarë e shtyn deputetin Azizi të hedhë akuza të tilla kundër opozitës, ndërsa si deputet i partive në pushtet nuk përdor veglat institucionale për të vërtetuar këto pretendime?

E para, Azizi ndodhet në një situatë të sikletshme, pasi publikisht kryeministri Mickovski e poshtëroi duke i thënë se është shumë i vogël për t’u marrë me gjëra të mëdha në politikën e vendit. Ai beson se këtë nënçmim të Mickovskit mund ta mbulojë duke bërë shpifje të ulta kundër opozitës.

Azizi nuk shpif vetëm kundër opozitës, por ai gjithashtu fyen intelegjencën e shqiptarëve, sepse beson se ata do të pranojnë marrëzira të këtilla.

Njerëzit e dinë mirë se, sikur Vlen të kishte fakte për akuzat e pretenduara, do të arrestonte menjëherë të dyshuarit e opozitës. Nëse pushteti nuk ka bërë këtë deri tani, atëherë kjo flet se deklaratat e Azizit janë thjesht broçkulla, me të cilat nuk mund të mashtrohen shqiptarët.

Fatkeqësisht, ky rast tregon se Vlen po përvetëson metodat agresive të VMRO-së për të luftuar opozitën. VMRO vazhdimisht satanizon LSDM-në, duke i quajtur ata kriminelë dhe tradhtarë të vendit, për të fshehur dobësitë e qeverisjes.

Ky fjalor i ashpër politik ka për qëllim të shkaktojë përçarje politike dhe të minojë debatin e argumentuar para zgjedhjeve vendore, si dhe të përshkallzojë ambientin politik për të frikësuar dhe linçuar opozitën.

Edhe më e dhimbshme është se sjellja e papërgjegjshme e Azizit flet për politizimin e rastit të rrahjes së nxënësve shqiptarë, duke i lejuar autorët e vërtetë të dhunës të shmangen nga përgjegjësia.

Duket se Vlen nuk mund të këmbëngulë për dënimin e fajtorëve nga frika se do të revoltojë Mickovskin, për të cilin është e papranueshme të penalizohen Vojvodët para zgjedhjeve.

Të nderuar qytetarë,

Aleanca për Shqiptarët – Dega Tetovë ka kënaqësi të ju informoj që listës fituese të Besëlidhjes Aleanca Kombëtare për Integrim ti paraqet kandidatët e saj të cilët kanë marrë konfirmimin nga Kuvendi i Aleancës për Shqiptarët dhe janë përkrah kryetarit të ardhshëm të Tetovës Bajram Rexhepi në fitoren e madhe të 19 Tetorit:

Belinda Amiti – Profesoreshë e dalluar universitare, e specializuar në inxhinieri kimike. E njohur për profesionalizmin dhe përkushtimin e saj në arsim dhe shkencë, Belinda është gjithashtu anëtare e departamentit për arsim të Aleancës për Shqiptarët, ku kontribuon me ekspertizën dhe vizionin e saj për një sistem arsimor modern dhe cilësor.

Valdrin Islami – Aktivist i palodhur dhe besnik shumëvjeçar i Aleancës për Shqiptarët. Me përvojë të gjatë në mobilizimin e strukturave partiake dhe qytetare, ai sot është kryetar i nëndegës së Aleancës për Shqiptarët në lagjen Teqe, ku vazhdon të mbetet shembull i angazhimit të qëndrueshëm politik.

Ujkan Rahmani – Aktivist rinor i përkushtuar, i cili ka fituar respektin e të rinjve për energjinë dhe idetë e reja që sjell. Si kryetar i Forumit Rinor të Aleancës për Shqiptarët – Tetovë, Ujkani përfaqëson aspiratat dhe fuqinë transformuese të gjeneratës së re, duke u bërë urë lidhëse mes politikës dhe rinisë.

Lavdrim Huseini – Personalitet i respektuar në komunitet, i njohur për karakterin e tij të drejtë dhe përkushtimin ndaj vlerave të Aleancës për Shqiptarët. Angazhimi i tij si kryetar i nëndegës së Aleancës për Shqiptarët në Centiskë e bën një ndër figurat e rëndësishme që frymëzojnë bashkëpunim dhe solidaritet në mesin e aktivistëve dhe qytetarëve.

Imer Alili – Aktivist i dalluar dhe kryetar i nëndegës së Aleancës për Shqiptarët në Poroj. Imer Alili është shembull i liderit lokal që bashkon njerëzit me vizionin e tij dhe punon për t’i dhënë zë qytetarëve, duke forcuar rolin e politikës në terren dhe duke ndërtuar besim të qëndrueshëm mes qytetarëve dhe përfaqësuesve të tyre.

Bashkë për Tetovën, me këto emra profesionistësh në fitoren e madhe të 19 Tetorit!

Aleanca për Shqiptarët – Dega Tetovë.