Lajme

Afati i dytë i regjistrimit në shkollat e mesme më 30 qershor, të lira janë 16 000 vende

Published

14 hours ago

June 27, 2025

Admin01

Gjysmëmaturantët të cilët në afatin e parë në qershor para dhjetë ditëve nuk u regjistruan në shkollat e mesme për vitin shkollor 2025/2026, do të kenë mundësinë e dytë për t’u regjistruar në paraqitjen e dytë elektronike këtë muaj – të hënën, më 30 qershor. Dokumentacioni i nevojshëm në shkolla do të dërgohet ditën e ardhshme (1 korrik), ndërsa ranglista e nxënësve të regjistruar do të kumtohet më 2 korrik deri në orën 12:00.

Sipas të dhënave të Ministrisë së Arsimit dhe Shkencës nga shkollat, për paraqitjen e dytë të qershorit, të lira janë 16 034 vende – 10 758 për mësim në gjuhën maqedonase, 4781 në gjuhln shqipe, 474 në gjuhën turke dhe 21 vende të lira për mësim në gjuhën serbe. Për arsim të mesëm gjimnazial ka 3727 vende të lira dhe 12 307 për arsim profesional.

Pas aplikimit të parë, të mbajtur nga 14 deri më 17 qershor, gjithsej u regjistruan 13 712 nxënës nga 16 601 të paraqiturit. Prej tyre, 10 172 nxënës janë regjistruar për mësim në gjuhën maqedonase, 3 248 në gjuhën shqipe, 279 në gjuhën turke dhe 13 nxënës në gjuhën serbe.

Si edhe në disa vitet e fundit, arsimi profesional është më tërheqës për nxënësit, kështu që në afatin e parë të regjistirmit më shumë se dyfishi i nxënësve u regjistruan në shkolla profesionale (9469) se sa në gjimnaze (4243).

Për arsimin gjimnazial konkursi për regjistrim të nxënësve tashmë ka përfunduar në gjimnazet “Josip Broz Tito” në Manastir dhe “Nikolla Karev” në Shkup. Në paraqitjen e parë, MASH-i kumtoi informatë edhe për shkollat të cilat në Konkursin për regjistrim të nxënësve ka përfunduar në arsimin profesional për sektorë/kualifikime të caktuara.

Sipas kritereve nga Konkursi i MASH-it, u mbajt testim i kualifikuar për shkak të numrit më të madh të nxënësve të paraqitur me pikë të njejta nga vendet e lira të parapara – në SHMQSH “Dr. Pançe Karagjozov” – Shkup për profilet arsimore infermiere dhe teknik dhëmbësh në gjuhln mësimroe shqipe, në Shkollën e mesme “Gostivari” – Gostivar për infermiere në gjuhën mësimore shqipe dhe në gjimnazin “Georgi Dimitrov” – Shkup në gjuhën mësimore maqedonase.

Pas reagimeve të prindërve se në këto shkolla ka pasur provim “të jashtëzakonshëm” përkatësisht “pranues” për fëmijët e tyre, minsitrja e Arsimit dhe Shkencës, Vesna Janevska deklaroi se testimi kualifikues është ligjir dhe është paraparë në Konkursin e shpallur nëse ka më shumë nxënës me sukses të njejtë (të shkëlqyeshëm) nga numri i paraparë i vendeve të lira.

Ajo tha se problem në vendin tonë është vlerësimi dhe suskesi “me të gjitha pesëshe” dhe se shpesh mësimdhënësit i nënshtrohen presionit nga prindërit që fëmijët e tyre të jenë “të shkëlqyeshëm”. Kjo, tha aJanevska, çon drejt jo-cilësisë në arsim dhe porositi se vlerësimi duhet të ndryshojë, ndërkaq një prej veglave është risia në ligjin e ri – këshilli i mësimdhënësve të mos ketë kompetenca për përmirësim të notave.

Testimi kualifikues në paraqitjen e dytë në qershor, nëse ka nevojë, do të organizohet në shkolla më 4 korrik dhe ditën e njejtë do të kumtohen ranglistat prëfundimtare me rezultatet.

Për nxënësit të cilët në afatin e qershorit nuk do të regjistrohen në arsim të mesëm, mundësia e ardhshme është afati i gushtit në shkollat ku do të ketë vende të lira. Paraqitja elektronike do të jetë më 21 gusht, ndërsa ditën e njejtë do të duhet të dërgohet edhe dokumentacioni i nevojshëm në shkolla. Ranglista prëfundimtare me rezultatet nga regjistrimi do të shpallet më 22 gusht.

Lajme

Edhe Arben Fetai si Azir Aliu, nuk ia mbanë të garojë në Likovë

Published

4 hours ago

June 27, 2025

Admin01

Pasi u sfidua nga kryetari i ASH-së, Arben Taravari për të garuar në zgjedhjet lokale në Likovë, Arben Fetai nga koalicioni VLEN, iu shmangë përgjigjes konkrete nëse do mas forcat dhe peshën që posedon në vendlindjen e tij.

“Në vend se të sfidojnë dikë tjetër, është mirë që ta sfidojnë vetveten, është mirë që të dalin në Gostivar dhe kudo që ua merr mendja të dalin, por jo me votat e BDI-së. Të nxjerr BDI-ja kandidat, po të nxjerrin edhe ata kandidat në Gostivar dhe gjetiu dhe ta shohin veten se ku janë”, tha Fetai i cili para do kohe u përjashtua nga ASH-ja.

Në këtë prononcim për TV Shenja, Fetai duke refuzuar që të garojë në Likovë, dëshmon edhe një herë atë që tha Taravari se ai dhe shumë të tjerë që mbeten pjesë e kësaj qeverie diskriminuese ndaj shqiptarëve, nuk kanë asnjë peshë te elektorati dhe se pas tetorit u përfundon karriera politike.

Sfidën e mbrëmshme të Taravrit e ka refuzuar sot edhe Azir Aliu që të kandidohet në zgjedhjet lokale në Gostivar.

Tavari tha se nëse Aliu dhe Fetai marrin nga një mijë vota shqiptare në Gostivar dhe Likovë, ai nuk do merret më me politikë.

Mesazhi i Taravarit ndaj ish bashkëpartiakëve ishte që mos i varin pushkët te VMRO-ja, por të bëhen burra dhe të dalin në mejdan.

Lajme

Azir Aliut nuk ia mbanë të garojë në Gostivar, e quan garë pozitën e ministrit

Published

5 hours ago

June 27, 2025

Admin01

Pas ta përfundojë mandatin tim si ministër pas tre vitesh, mund të flasim për ndonjë garë tjetër. Këtë përgjigje e dha Azi Aliu pasi u sfidu publikisht nga kreu i ASH-së Arben Taravari që të garojë më tetor për kryetar komune në Gostivar. Aliu e quajti garë pozitën aktuale që e mbanë dhe tani për tani është i fokusuar në Ministrinë e Shëndetësisë të cilën e trashëgoi nga Taravari.

“Unë jam ministër i Shëndetësisë dhe nuk jam mësuar garat ti lë përgjysmë. Edhe tre vite kam mandat”, tha Aliu.

I pyetur nëse ai nuk do jetë kandidati, atëherë a ka caktuar VLEN emër tjetër për Gostivarin, Aliu tha se ende janë duke u në analiza.

Aliu i bëri këto komente gjatë një vizite që pati në Spitalin e Gostivarit, ku shoqërohej nga drejtori i Kinës Infektive në Shkup Fadil Cana, emri i të cilit poashtu është përmendur si një kandidatë i mundshëm i VLEN për Gostivarin. Aliu nuk u përgjigj pretpërdrejtë për emrin e Canës, por tha se kandidati i tyre do të jetë personalitet që do të zgjidhet ndër më të mirët nga sfera e shëndetësisë apo ndonjë sferë tjetër.

Ndryshe, mbrëmë nga një tubim partiak në Gostivar, Arben Taravari ka sfiduar Azir Aliun dhe Arben Fetain që të garojnë në Gostivar dhe Likovë për zgjedhjet lokale. Nëse ata marrin më shumë se një mijë vota shqiptare, Taravari tha se nuk do merret më me politikë.

Lajme

ASH: Diskriminimi ndaj shqiptarëve thellohet, nga 19 avancime dhe 23 vende të reja pune, asnjë shqiptarë!

Published

8 hours ago

June 27, 2025

Admin01

Lideri i Aleancës për Shqiptarët, Arben Taravari, ka reaguar ndaj deklaratave të fundit të Kryeministrit aktual për punësimet e realizuara gjatë 12 muajve të fundit.

“Kryeministri deklaron se janë punësuar 12 mijë njerëz. Po sa prej tyre janë shqiptarë? Më pak se 1 mijë. Të tjerët janë maqedonas. Kjo është gënjeshtra më e madhe që përsëritet çdo muaj: janar, shkurt, mars… dhe sot jemi më 26 qershor”, – deklaroi Taravari.

Këto deklarata nuk janë vetëm propagandë e zakonshme qeveritare, por fshijnë realitetin diskriminues që çdo qytetar shqiptar e ndjen në lëkurë: institucionet po mbyllen sistematikisht për shqiptarët, ndërkohë që po betonohen pozitat e një etnie të vetme – maqedonasve.

Faktet flasin vetë. Së fundmi, në Fondin për Sigurim Shëndetësor të RMV-së, së fundmi janë realizuar 19 avancime, prej të cilave: 18 për maqedonas, 1 për turk dhe 0 vende për shqiptarët

Në tri ditët e fundit, Agjencia për Administratë dhe Fondi Pensional dhe Invalidor i RMV-së kanë shpallur konkurse për 23 vende të reja pune, të gjitha në rajonin lindor të vendit, ku nuk jeton asnjë shqiptar.

Kjo nuk është rastësi. Kjo është politikë shtetërore e përjashtimit, e koordinuar mirë dhe me heshtjen e atyre që më parë flisnin në emër të shqiptarëve, por sot janë bërë pjesë e skemës qeveritare të diskriminimit dhe manipulimit.

ASH paralajmëron se nëse kjo qasje e njëanshme nuk ndalet menjëherë, si parti, do të përdorë të gjitha format demokratike për të ndërkombëtarizuar këtë diskriminim strukturor dhe për të kërkuar mekanizma ligjorë dhe kushtetues që garantojnë përfaqësimin real të shqiptarëve në institucionet shtetërore.