Kryetari i ASH-së, Arben Taravari ka reaguar përmes një statusi në Facebook mbi ndeshjet e fundit futbollistike të Ligës së Kombeve, ku thirrjet raciste kanë qenë të shpeshta ndaj reprezentacionit të Kosovës.

Tifozërisë serbe, rumune dhe çeke, Taravari u rikujton se Kosova është shtet i pavarur, autoktone shqiptare. Gjithçka tjetër, thotë Taravari, është problem i këtyre tifozëve.

“Disa fjalë për tifozët rumunë, çekë, serbë apo qoftë edhe të ndonjë planeti tjetër: Kosova është Shtet Sovran dhe i Lirë! E nëse pyesni edhe më shumë Kosova është autoktone Shqiptare banuar nga Shqiptarë Autoktonë! Pjesa tjetër është thjesht…problemi juaj!”, shkruan kreu i ASH-së, Arben Taravari.

Kujtojmë se ndeshja e Ligës së Kombeve mes Rumanisë dhe Kosovës është braktisur në kohën shtesë të premten vonë të kësaj jave, pasi futbollistët e Kombëtares kosovare e lëshuan fushën në Bukuresht duke u ankuar për thirrje raciste ndaj tyre nga tifozët rumunë.

UEFA, shtëpia e futbollit evropian, njoftoi në uebsajtin e saj se ndeshja është braktisur dhe se më vonë do të japë më shumë hollësi rreth saj.

Menaxheri i Kombëtares së Kosovës, Bajram Shala, tha se vendimi për braktisjen e ndeshjes u mor nga federata kosovare e futbollit, trajneri Franco Foda dhe vetë ekipi, pas “thirrjeve raciste” kundër Kosovës.

Kapiteni i Kosovës, Amir Rrahmani tha se kishte thirrje “Serbia, Serbia” dhe “Kosova është Serbi”, nga tifozët vendës, dhe se e kishte njoftuar gjyqtarin e ndeshjes “së paku tri herë” para se ekipi kosovar ta braktiste fushën.

Tani, UEFA pritet të hapë procedurë disiplinore për këtë ndeshje, që mund t’i kushtojë Kosovës me humbjen e saj me rezultat zyrtar për mospranimin për t’u kthyer në fushë.

Kjo është hera e dytë në dy vizitat e fundit të Kosovës në Bukuresht brenda një viti që ndeshja ndërpritet për shkak të thirrjeve të tifozëve vendës kundër Kosovës.

UEFA e gjobiti Federatën e Futbollit të Rumanisë me 52 mijë euro, si dhe e dënoi me një ndeshje pa tifozë, pas një hetimi për disa shkelje gjatë ndeshjes kualifikuese për Euro 2024 kundër Kosovës në shtator 2023.

https://www.facebook.com/share/9a5BjahBXEDwd9PP/?

Minsitri i Shëndetësisë, Arben Taravari i kontakuar nga TV21 për shqetësimin e u.d kryetar i Sarajit, Ilas Veseli për Poliklinikën në Saraj, ku ky i fundit tha se poliklinika nuk është në funksion të plotë, për këtë Taravari i tha TV21 se në Poliklinikën në Saraj për momentin është punësuar vetëm gjysma e stafit, por premtoi se pas vitit të ri do të ketë punësime të reja.

“Për momentin aty është punësuar vetëm gjysma e stafit që duhet ta mbulon komplet punën. Pas vitit të ri do të ketë punësime të reja dhe besoj se Poliklinika në Saraj do të mund të punojë në dy ndërrime. Për momentin funksionon vetëm ndërrimi i parë”, deklaroi për TV21, ministri i Shëndetësisë, Arben Taravari./tv21.tv

Kryetari Valbon Limani në një deklaratë flet ekskluzivisht për Lideri.mk. Ai kujton se në thirrjen e parë të qeverisë kjo komunë fitoi 2.7 milionë euro për projekte të ndryshme, kurse paralajmëron se në thirrjen e dytë në fillim të vitit të ardhshëm do të aplikon me shumë më shumë projekte.

“Do të ndërtojmë pishina shkollore në Gostivar, rrugë dhe shumë projekte tjera”, ka paralajmëruar Limani.

Deklaratën e plotë të tij mund ta përcillni në videon më poshtë: