Lajme

Mislimi: Arben Fetai më i spikaturi nga liderët, meriton të udhëheq VLEN-in

Published

9 hours ago

June 19, 2025

Admin01

Shkruan Rami Mislimi – Gazetarë

Arben Fetahu përballë Pandurit!

Nuk dua të komentoj largimin e Arben Fetahut nga ASH apo nga ndarja me Arben Taravarin nëse ka bërë mirë apo keq, por dua të ndalem te përballja e tij e fundit në TV Dukagjini, në debat me gazetarin Ermal Panduri.

Pavarësisht se Ermali u përpoq ta vë në siklet, me pyetje provokuese dhe krahasime të mprehta, Arben Fetahu me mjeshtëri të madhe jo vetëm që iu përgjigj qetësisht çdo pyetjeje, por doli nga debati me dinjitet dhe qartësi, përballë një moderatori me përvojë dhe njohuri të thella për politikën në Maqedoninë e Veriut.

Është e vërtetë, siç ka thënë edhe Arben Taravari, se shqiptarët në Maqedoni janë në pozitë më të keqe se kurrë në këto 35 vite të papunë, pa përfaqësim real dhe pa ndikim në vendimmarrje. Por Arben Fetahu, me një mënyrë të artikuluar dhe bindëse, i dha debatit një frymë ndryshimi. Ai përcolli mesazhin se situata mund të ndryshojë, dhe se ka zëra të arsyeshëm dhe të aftë në politikën shqiptare.

Në VLEN, për mendimin tim, nuk ka ndonjë politikan që mund të përballet me këtë nivel debati dhe të mbetet i paçmontueshëm. Arben Fetahu është një prej të paktëve që e arrin këtë.

Nëse ka dikush që mund ta udhëheqë VLEN-in drejt një rruge të re dhe më të fuqishme, ai është Arben Fetahu.

Ky status vlen vetëm për debatin që kishte sonte Arben Fetahu!

Lajme

Azir Aliu angazhon në kabinet ish-këshilltarin e Gruevskit dhe bashkëpunëtorë nga koha e tij

Published

1 hour ago

June 19, 2025

Admin01

Kabineti i ri i Ministrit të Shëndetësisë, Azir Aliu, po ngjall debat për përbërjen e tij të përzier me figura të lidhura si me ish-kryeministrin Nikolla Gruevski, ashtu edhe me Lidhjen Socialdemokrate të Maqedonisë (LSDM).

Sipas informacioneve të siguruara, shef i kabinetit të ministrit Aliu është emëruar një simpatizant i njohur i LSDM-së. Në rrjete sociale qarkullojnë fotografi ku ai shfaqet në aktivitete partiake përkrah ish-presidentit Stevo Pendarovski, si dhe në ngjarje të organizuara gjatë qeverisjes së ish-kryeministrave Zoran Zaev dhe Dimitar Kovaçevski.

Për më tepër, Azir Aliu ka përfshirë në ekipin e tij edhe Aleksandar Mitov, një ish-këshilltar i afërt i ish-kryeministrit Nikolla Gruevski, i njohur për rolin e tij në periudhën e qeverisjes së VMRO-DPMNE-së.

Ky kombinim figurash politike nga spektri i kundërt ka ngritur pikëpyetje në opinion për drejtimin që do të marrë Ministria e Shëndetësisë dhe prioritetet që do të ndjekë kabineti i ri. Ende nuk ka një deklaratë zyrtare nga ministri Aliu në lidhje me këto emërime.

Lajme

Ritet dukshëm çmimi i naftës në Maqedoninë e Veriut

Published

2 hours ago

June 19, 2025

Admin01

Çmimi i naftës pas mesnate do të rritet për 2,5 denarë, . Nga Komisioni Rregullator për Energjetikë njoftojnë se për 2,5 denarë rritet edhe çmimi i vajit ekstra të lehtë. Çmimet e benzinave mbetet të njëjta.

Çmimet sipas vendimit të fundit të KRRE-së:

Nafta – 70,0 den/l

Vaji ekstra i lehtë – 70,0 den/l

Benzina BS-95 – 76,0 den/l

Benzina BS-98 – 78,0 den/l

Lajme

Tensione në VLEN: Kujt i takon Tearca dhe kujt Saraji

Published

4 hours ago

June 19, 2025

Admin01

Partitë pjesë e VLEN-it duket që kanë mbetur në një ngërç që me gjasë do të jetë mollë sheri për ate nëse VLEN do të mbetet ose Jo. Burime për Top24 kanë bërë të ditur se në komunën e Tearcës po bëhet presion që Amir Elezi nga Alternativa të jetë kandidat i VLEN-it por që në fakt Daut Memishi nga Lëvizja Besa mbetet edhe më tej një favorit për Tearcën. Por nuk është vetëm Tearca! Komuna e Sarajit po ashtu është një pengesë ku të tre subjeketet në VLEN, Lëvizja Besa, Alternativa dhe LD-ja po pretendojnë se janë më të forta dhe se kandidati i Sarajit do të ju takon atyre, emrat që përmeden në këtë kombinim janë Orhan Murtezani, Muhamed Elmazi ose Hasim Murtezani. Në këtë mes në asnjë nga kombinatorikat brenda VLEN nuk përmendet grupi i Arben Fetaut të aratisur nga ASH-ja./Top24.mk/