Connect with us

Lajme

ASH: Skandal me përmasat e një afere kriminale në hapësirat e ish-Monopolit në Tetovë

Published

on

Sekretari organizativ i Aleancës për Shqiptarët, Gadaf Uzairi përmes press konferencës për media shpalosi për opinionin skandalim me përmasat e një afere kriminale në hapësirat e ish-Monopolit në Tetovë nga ana e kryetarit të Komunës së Tetovës, Bilall Kasami i cili sipas informacioneve zyrtare tha se fillimisht e ka shitur parcelën për vetëm 70 denarë për metër katror, ndërsa më pas ka ndërhyrë në planin detal urbanistik, duke e kategorizuar atë si zonë ndërtimore – çka ka rritur ndjeshëm vlerën tregtare të tokës dhe i ka hapur rrugë zhvillimeve komerciale në dëm të interesit publik.

Teksti i plotë i Uzairit:

“Ndodhemi sot para objektit të ish-Monopolit në Tetovë – një hapësirë me peshë të thellë historike dhe simbolike për shqiptarët, e cila, fatkeqësisht, po shndërrohet në shembull klasik të përvetësimit të pronës publike për motive të pastra korruptive.

Ky objekt nuk është thjesht një ndërtim industrial. Ish-Monopoli është një pikë referimi historik për popullin shqiptar: në nëntor të vitit 1944, mbi 10.000 shqiptarë u grumbulluan këtu dhe qindra prej tyre, u masakruan në një nga faqet më të errëta të historisë sonë kombëtare. Po këtu, dekada më vonë, nisi edhe rrugëtimi i arsimit të lartë shqip – Universiteti i Tetovës, që e pati Monopolin si një ndër strehat e parë të tij.

Por sot, ky objekt po fshihet nga faqja e dheut për t’i hapur rrugë interesave private. Procesi i prishjes së tij po realizohet në mënyrë të paqartë dhe jotransparente, duke neglizhuar standardet mjedisore dhe rreziqet për shëndetin publik – për shkak të pluhurit dhe materialeve të dëmshme që qarkullojnë në ajër pa asnjë masë mbrojtëse për qytetarët.

Ajo që e bën këtë situatë edhe më alarmante është mënyra se si është manipuluar prona publike. Sipas informacioneve zyrtare, kryetari i Komunës së Tetovës, Bilall Kasami, fillimisht e ka shitur parcelën për vetëm 70 denarë për metër katror, ndërsa më pas ka ndërhyrë në planin detal urbanistik, duke e kategorizuar atë si zonë ndërtimore – çka ka rritur ndjeshëm vlerën tregtare të tokës dhe i ka hapur rrugë zhvillimeve komerciale në dëm të interesit publik.

Kompania që bleu këtë hapësirë është, sipas të dhënave të publikuara, në gjendje të rëndë financiare dhe pranë falimentimit – fakt që vetëm forcon dyshimet për një aferë të mirëfilltë kriminale dhe për favore të dyshimta ndaj investitorëve të caktuar.

Për më tepër, dhe më skandaloze, është se ne kemi informata jozyrtare se gjatë punimeve në këtë hapësirë janë zbuluar edhe eshtra që dyshohet se i përkasin viktimave të masakrës së Monopolit. Kjo e rëndon edhe më tej situatën dhe e bën urgjente nevojën për ndaljen e punimeve, hetim të thelluar nga organet kompetente dhe verifikimin zyrtar të çdo gjetjeje në këtë vend memorial për kujtesën kolektive shqiptare.

Arsyetimet e Bilall Kasamit janë të papranueshme. Ai thotë se veproi njësoj si paraardhësit e tij. Por qytetarët i kanë dënuar me votë ata, dhe do ta dënojnë edhe atë në zgjedhjet e tetorit.

Bilall Kasami e kishte mundësinë ta parandalonte këtë krim, por veproi ndryshe. Vitin e kaluar, së bashku me votat e Lëvizjes Besa dhe VMRO-DPMNE-së në Këshillin Komunal të Tetovës, u dha dritë jeshile për ndryshim të Planit Detal Urbanistik.

Ne e pyesim publikisht:
A nuk do të ishte më e dobishme për qytetin që në këtë hapësirë të ndërtohej një qendër memoriale?
Një bibliotekë universitare, një park i gjelbëruar, një qendër rekreative moderne, një akua-park apo një garazh në kate me funksione publike?

Tetova ka nevojë për më shumë hapësira publike, gjelbërim, histori, frymë qytetare dhe vlera evropiane, e jo për më shumë beton dhe objekte shumëkatëshe private, që vetëm sa e ngulfatin qytetin dhe u shërbejnë grupeve të interesit, jo komunitetit.

Aleanca për Shqiptarët dënon fuqishëm këtë proces të dyshimtë dhe kërkon nga institucionet përkatëse hetim të menjëhershëm dhe përgjegjësi konkrete”, përfundoi Uzairi.

Continue Reading

Lajme

Kadriu: LEN-it i kanë mbetur dy zgjedhje – ose largohet nga qeveria, ose të përqafojë VMRO-në dhe Mickoskin edhe më shumë

Published

on

By

Nënkryetari i Aleancës për Shqiptarët, Gëzim Kadriu, ka reaguar ashpër ndaj injorimit të faktorit shqiptar në qeverinë aktuale, duke paralajmëruar se Lidhja Evropiane për Ndryshim (LEN) ndodhet përballë një udhëkryqi politik.

Në një status në Facebook, Kadriu ka theksuar se partnerët aktualë qeverisës po shpërfillin kërkesat dhe rolin e shqiptarëve në pushtet, duke mos reflektuar as respekt institucional, as partneritet real.

Sipas tij, në këtë situatë, LEN ka vetëm dy mundësi reale:
1️⃣ Të largohet nga qeveria, duke ruajtur identitetin e saj politik dhe dinjitetin përballë qytetarëve shqiptarë;
2️⃣ Të pranojë të bashkohet në lista të përbashkëta me VMRO-DPMNE-në në zgjedhjet lokale, gjë që sipas Kadriut, do të nënkuptonte humbjen e identitetit politik dhe zhgënjimin e 107 mijë votuesve që kishin besuar në ndryshim.

Kadriu: LEN-it i kanë mbetur dy zgjedhje – ose largohet nga qeveria, ose të përqafojë VMRO-në dhe Mickoskin edhe më shumë.

Continue Reading

Lajme

Azir Aliu angazhon në kabinet ish-këshilltarin e Gruevskit dhe bashkëpunëtorë nga koha e tij

Published

on

By

Kabineti i ri i Ministrit të Shëndetësisë, Azir Aliu, po ngjall debat për përbërjen e tij të përzier me figura të lidhura si me ish-kryeministrin Nikolla Gruevski, ashtu edhe me Lidhjen Socialdemokrate të Maqedonisë (LSDM).

Sipas informacioneve të siguruara, shef i kabinetit të ministrit Aliu është emëruar një simpatizant i njohur i LSDM-së. Në rrjete sociale qarkullojnë fotografi ku ai shfaqet në aktivitete partiake përkrah ish-presidentit Stevo Pendarovski, si dhe në ngjarje të organizuara gjatë qeverisjes së ish-kryeministrave Zoran Zaev dhe Dimitar Kovaçevski.

Për më tepër, Azir Aliu ka përfshirë në ekipin e tij edhe Aleksandar Mitov, një ish-këshilltar i afërt i ish-kryeministrit Nikolla Gruevski, i njohur për rolin e tij në periudhën e qeverisjes së VMRO-DPMNE-së.

Ky kombinim figurash politike nga spektri i kundërt ka ngritur pikëpyetje në opinion për drejtimin që do të marrë Ministria e Shëndetësisë dhe prioritetet që do të ndjekë kabineti i ri. Ende nuk ka një deklaratë zyrtare nga ministri Aliu në lidhje me këto emërime.

Continue Reading

Lajme

Ritet dukshëm çmimi i naftës në Maqedoninë e Veriut

Published

on

By

Çmimi i naftës pas mesnate do të rritet për 2,5 denarë, . Nga Komisioni Rregullator për Energjetikë njoftojnë se për 2,5 denarë rritet edhe çmimi i vajit ekstra të lehtë. Çmimet e benzinave mbetet të njëjta.

Çmimet sipas vendimit të fundit të KRRE-së:

Nafta – 70,0 den/l

Vaji ekstra i lehtë – 70,0 den/l

Benzina BS-95 – 76,0 den/l

Benzina BS-98 – 78,0 den/l

Continue Reading

TOP Lajme