Connect with us

Lajme

VLEN me kandidat-biznesmen për Strugën? Mendi Qyra demanton Kasamin -thotë se nuk i ka thënë “po” askujt

Published

2 months ago

on

 

Në zgjedhje lokale VLEN do të nxjerr edhe kandidatë për kryetar komune që nuk i përkasin asnjërës nga partitë që përbëjnë koalicionin. Një version të këtillë e kanë për Strugën, zbuloi Bilall Kasami në ClickPlus, duke treguar se bëhet fjalë për një biznesmen. Sipas tij, deri sa në koalicion ishte edhe ASH-ka, të gjithë liderët kanë qenë dakord me idenë, përveç Taravarit, për të cilin Kasami tha se më me rëndësi e kishte që kandidati të ishte i ASH-së.
-Në momentin kur u hap një emër, u diskutua konkretisht për Strugën, doli edhe çështja e ndarjes dhe këtu përsëri ai kandidat nuk është as i BESËS as i Alternativës, as i LD-së, por një biznesmen i suksesshëm, i cili shprehi gatishmëri që nëse e përkrah VLEN-i është i gatshëm të dal në zgjedhje.
-E tani ky biznesmen a do të del me Taravarin a do të rrijë me juve?
-Po ai biznesmen ka kërkuar përkrahjen e VLEN-it.

TV21 mësoi se biznesmeni me të cilën VLEN planifikon ta fitojë Strugën është Mendi Qyra, kryetar aktual i Odës ekonomike të Maqedonisë Veriperëndimore. Po Qyra thotë se askujt nuk i ka thënë “po”.

“Unë jam Kryetari I OEMVP si i tillë japi deklarata për biznesin dhe rreth tij. Në lidhje me pyetjen tuaj: Në koluare lakohet emri im, ka plot dashamirës, qytetarë , afaristë që e mendojnë një gjë të tillë, por askujt deri tani nuk i kam thënë një Po. Aq më shumë ku PO-në e parë do ta kishte ditur Kryesia e OEMVP-së. Kështu që nuk ka asgjë nga supozimi i juaj”, tha Mendi Qyra.
Duke folur në përgjithësi për zgjedhjet lokale, Kasami u shpreh se në VLEN mbizotëron ideja që të mos të nxjerrin vetëm kandidatë që do të dalin fitues, por duan menaxherë të mirë, që do t’i realizojnë projektet. Për kandidaturën e mundshme të Fatmir Limanit për Kërçovën, Kasami u shpreh se dy kandidaturat potenciale për këtë komunë, Shkodran Alilit dhe Fatmir Deharit nga BDI, e vështirësojnë fitoren e Limanit, gjersa shtoi se me tre kandidatë shqiptarë ka rrezik serioz që shqiptarët ta humbin këtë komunë. Sa i përket Gostivarit, do të vendosin përmes sondazheve dhe po fliten emra që janë nga subjektet politike dhe jashtë tyre. Në Tetovë, Çair dhe Zhelinë Kasami tregoi se do të rikandidohen kryetarët aktualë.

Related Topics:
Continue Reading

Lajme

Skandal në Kërçovë: Drejtori i shtëpisë së shëndetit largon nga puna 8 të punësuar për hakmarrje politike

Published

53 minutes ago

on

July 1, 2025

By

Drejtori i drejtori i shtëpisë së shëndetit të Kërçovës ka larguar nga puna tetë të punësuar nga ky spital përshkak të bindjeve politike të tyre. Tetë të punësuarit janë le larguar kanë kërkuar tu kthehen kontratat e punës në të kundërtën do të ndjekin rrugën ligjore dhe protestat, shkruan Top24

https://www.facebook.com/share/v/1ADZSWa5No/

Continue Reading

Lajme

Zeqirja Ibrahimi me “ultimatum”: Çairin ose Tearca, vendosni!

Published

4 hours ago

on

July 1, 2025

By

Nga burime brenda koalicionit VLEN, mësohet se janë shfaqur përplasje serioze mes partive partnere, sidomos me partinë Alternativa, e cila, sipas burimeve, u ka dhënë ultimatum partnerëve: në zgjedhjet lokale të ardhshme duhet të vendoset – ose Çairi, ose Tearca.

Sipas të njëjtave burime, kryetari i Alternativës, Zeqirja Ibrahimi, ka kërkuar që të përcaktohet qartë se cilën komunë do ta udhëheqë nAlternativ, duke paralajmëruar se në rast të mosmarrëveshjes, Alternativa mund të largohet nga VLEN.

Këto tensione vijnë në kohën kur koalicioni përballet me sfida të brendshme për ndarjen e pushtetit lokal dhe rikompozimin e rolit të partive në qeverinë e re të drejtuar nga VMRO-DPMNE.

Continue Reading

Lajme

Dy zyrtarë shqiptarë në takim gjysmë zyrtar, pa flamur shqiptar!

Published

6 hours ago

on

July 1, 2025

By

Nga Medai Shaholli

Dje Kryeministri i Kosovës Albin Kurti dhe zv.kryeministri i “Severnës” Izet Mexhiti, janë takuar me rastin e mbajtjes së samitit të liderëve të Ballkanit Perëndimor nën patronazhin e BE-së.

Ajo që ra në sy nga ky takim është se baba Bini dhe evgjiti i Çairit në këtë takim rasti, nuk kishin mbi tavolinë flamur shqiptar, por njëri kishte vënduar flamurin lara-lara, që nuk e dëshironte para se të bëhej kryeministër, por pasi u bë e flaku tutje shqiponjën dhe e mbanë atë me lara-lara si domosdoshmëri protokollare, ndërsa tjetri e mban një ventilator të “državës”!

Kush ia ndalon këtyre trimave të ndryshimit të mbanin edhe një flamur shqiptar mbi tavolinën e vockël të takimit gjysmë zyrtar?
Njeri hoqi dorë nga bashkimi kombëtar si sajesë për t’u treguar patriot ndërsa tjetri në emër të ndryshimit u bë vasal i despotit Micko.

Ja pra si duket përfaqësimi i shqiptarëve të “Severnës” dhe i atyre të Kosovës, pasi rrahën gjoks për bashkim kombëtar dhe për ndryshim, sot nuk guxojnë të vëndojnë një flamur shqiptar mbi tavolinë, pasi nuk e lejon despoti Micko që brenda territorit të “državës” nuk mund të përdoret tjetër flamur veç ventilatorit!

Këtu përfundon dhe rrëfenja për bashkim kombëtar dhe për ndryshim!

Ky ishte shpërblimi dhe kusuri që shqiptarët e “Severnës” morën nga baba Bini, qëkur u bë kumbar i miqësisë së re VREDI-VMRO, se me këtë qeveri do të vinte ndryshimi për shqiptarët dhe se tani e tutje me komitët në krye shqiptarët do të fitonin lirinë dhe barazinë e munguar.

Përfundimisht, këta dy politiqenë nuk përfaqësojnë interesat e shqiptarëve, por vetëm të mendereve të tyre!

Continue Reading

TOP Lajme