Lajme

Musa: Kur dallgët partiake trazojnë ujërat e skenës politike, ne duhet të jemi ura që lidhin, jo muret që ndajnë

Published

4 months ago

30.04.2025

admin

Deputetja e Aleancës për Shqiptarët, Mimoza Musa, ka reaguar me një mesazh reflektues në rrjetet sociale, duke theksuar rëndësinë e ruajtjes së marrëdhënieve njerëzore në skenën politike të trazuar.

“Kur dallgët partiake trazojnë ujërat e skenës politike, ne duhet të jemi ura që lidhin, jo muret që ndajnë”, shkruan Musa, duke ftuar për një klimë më të shëndetshme komunikimi dhe bashkëpunimi, pavarësisht bindjeve të ndryshme politike.

Ajo nënvizon se në një shoqëri me demokraci të brishtë si e jona, është përgjegjësi e secilit – së pari si njeri dhe pastaj si politikan – të ruajë respektin dhe raportet shoqërore.

“Mospajtimi është pjesë e demokracisë, por mungesa e respektit është plagë që e dëmton atë,” thekson Musa.

Sipas saj, brezi i ri i politikanëve ka detyrë të sjellë një qasje të re në jetën publike – duke qëndruar të palëkundur në parime, por të hapur për dialog e mirëkuptim.

Në përmbyllje të mesazhit të saj, Musa kujton se politika është kalimtare, por vlerat dhe mënyra se si sillemi me njëri-tjetrin janë ato që përcaktojnë të ardhmen e shoqërisë.

Lajme

Mesazhi i Taravarit për ish-partnerët në VLEN: Qetësi dhe reflektim

Published

1 hour ago

16.08.2025

Admin01

Pas ndarjes nga qeveria dhe koalicioni VLEN, Taravari u dërgon një mesazh të shkurtër por domethënës ish-partnerëve politikë.

“Qetësi dhe reflektim,” tha ai.

Ndërkohë, për zgjedhjet lokale që po afrohen, Taravari shfaqi bindje për fitore. “Pres dhe e di që do të kemi fitore. Jam gati të bashkëpunoj me çdo parti shqiptare që punon për shqiptarët e jo kundër tyre,” theksoi ai.

Lajme

Isen Shabani: Me intensitet të lartë po punohet për ndërtimin e furnizimit me ujë për fshatin Vrapçisht

Published

1 hour ago

16.08.2025

Admin01

Kryetari i komunës së Vrapçishtit, Isen Shabani njëherit dhe kandidat për kryetar komune nga BAKI, përmes një postimi nga ndarë pamje nga punimet me intestiet të shtuar në ndërtimin e ri të ujësjellësit të fshatit Vrapçisht, ku do të ketë burim të ri të ujit dhe rrjetë tërësisht të rij, shkruan Top24

Lajme

Taravari për Vox Media: Albin Kurti ishte kumbari i VLEN-it, por edhe i SVLEN-it

Published

2 hours ago

16.08.2025

Admin01

Arben Taravari kujtoi rolin e kryeministrit të Kosovës në lindjen e koalicionit shqiptar, por nuk fshehu zhgënjimin e tij me Albin Kurtin.

“Albin Kurti ishte kumbari i VLEN-it, ashtu siç ishte edhe kumbari i SVLEN-it,” tha Taravari.

Ai shtoi se Kurti dikur ishte figurë frymëzuese, por sot duket i lodhur nga pushteti dhe kjo po dëmton Kosovën.

Për Qeverinë e Shkupit, Taravari tha se Kurti nuk ka qëndrim serioz: “Nuk e di sa kohë e interes ka të merret me ne, kur vetë Kosovën e mban peng me kokëfortësinë e tij.”