Stambolli, një nga kryeqendrat botërore, ka mbledhur sërish të gjitha bashkitë nga mbarë bota ku jeton komuniteti turk. Kryetari i Komunës së Gostivarit, Valbon Limani, së bashku me kryetarin e Këshillit të Komunës, Namik Durmishi, ishin pjesë e kësaj asambleje dhe përfaqësuan me krenari këtë komunitet, i cili është kaq i rëndësishëm dhe i dashur për Gostivarin.

Në një status në Facebook, Limani theksoi se është i lumtur që kishte mundësinë të përfaqësonte këtë komunitet dhe se ishte një nder të ishte pjesë e një ngjarjeje kaq të rëndësishme për lidhjet ndërkombëtare dhe forcimin e bashkëpunimit ndërmjet komunitetit turk dhe qytetit të Gostivarit.

Sekretari organizativ i ASH-Taravari, Gadaf Uzairi përmes një postimi ka dërguar porosi ish partnerëve të koalicionit VLEN, duke shënuar se “Ne nuk u përkulëm, nuk u shitëm, nuk bëmë pazare dhe as eksperimente me shqiptarët”, shkruan Top24

Tradhtarë nuk janë ata që luftojnë për popullin, por ata që e përdorin popullin për të mbrojtur vetveten!Ata që sot shpifin, janë të njëjtit që dje thurnin vargje për Arben Taravarin.
Janë të njëjtit që sot e kanë hallin e pushtetit dhe karriges, jo të interesit të shqiptarëve.
Ne nuk u përkulëm, nuk u shitëm, nuk bëmë pazare dhe as eksperimente me shqiptarët.
Mos e lodhni veten me shpifje dhe propagandë.

Koha e mashtrimeve ka mbaruar!!

Në kuadër të Samitit të “Balkan Health Business Forum” në Edirne, Ministri i Shëndetësisë i Republikës së Maqedonisë së Veriut, Arben Taravari, zhvilloi një takim bilateral me Ministrin e Shëndetësisë së Turqisë, Prof. Dr. Kemal Memişoğlu.

Në fokus të bisedimeve ishte tragjedia e ndodhur në qytetin e Koçanit, ku Turqia ofroi ndihmë të menjëhershme dhe mbështetje të madhe për të lënduarit. Me këtë rast, ministri Taravari shprehu mirënjohje të veçantë për ndihmën e ofruar.

“Një falënderim të veçantë, në emrin tim dhe në emër të gjithë vendit, i shpreha ministrit turk të shëndetësisë prof. dr. Kemal Memişoğlu për ndihmën e madhe që na kanë dhënë, sidomos në tragjedinë e Koçanit. Miqtë e vërtetë shihen në ditë të vështira!”, tha Taravari.

Gjatë takimit, të dy ministrat diskutuan gjithashtu për avancimin e bashkëpunimit dypalësh në sektorin e shëndetësisë, shkëmbimin e përvojave profesionale dhe realizimin e projekteve të përbashkëta në të ardhmen.