Sekretari organizativ i ASH-Taravari, Gadaf Uzairi përmes një postimi ka dërguar porosi ish partnerëve të koalicionit VLEN, duke shënuar se “Ne nuk u përkulëm, nuk u shitëm, nuk bëmë pazare dhe as eksperimente me shqiptarët”, shkruan Top24

Tradhtarë nuk janë ata që luftojnë për popullin, por ata që e përdorin popullin për të mbrojtur vetveten!Ata që sot shpifin, janë të njëjtit që dje thurnin vargje për Arben Taravarin.
Janë të njëjtit që sot e kanë hallin e pushtetit dhe karriges, jo të interesit të shqiptarëve.
Ne nuk u përkulëm, nuk u shitëm, nuk bëmë pazare dhe as eksperimente me shqiptarët.
Mos e lodhni veten me shpifje dhe propagandë.

Koha e mashtrimeve ka mbaruar!!

Në kuadër të Samitit të “Balkan Health Business Forum” në Edirne, Ministri i Shëndetësisë i Republikës së Maqedonisë së Veriut, Arben Taravari, zhvilloi një takim bilateral me Ministrin e Shëndetësisë së Turqisë, Prof. Dr. Kemal Memişoğlu.

Në fokus të bisedimeve ishte tragjedia e ndodhur në qytetin e Koçanit, ku Turqia ofroi ndihmë të menjëhershme dhe mbështetje të madhe për të lënduarit. Me këtë rast, ministri Taravari shprehu mirënjohje të veçantë për ndihmën e ofruar.

“Një falënderim të veçantë, në emrin tim dhe në emër të gjithë vendit, i shpreha ministrit turk të shëndetësisë prof. dr. Kemal Memişoğlu për ndihmën e madhe që na kanë dhënë, sidomos në tragjedinë e Koçanit. Miqtë e vërtetë shihen në ditë të vështira!”, tha Taravari.

Gjatë takimit, të dy ministrat diskutuan gjithashtu për avancimin e bashkëpunimit dypalësh në sektorin e shëndetësisë, shkëmbimin e përvojave profesionale dhe realizimin e projekteve të përbashkëta në të ardhmen.

Sekretari i Përgjithshëm i Aleancës për Shqiptarët (ASH), Blerant Ramadani, ka reaguar pas publikimit të anketës së ditës së sotme, e cila tregoi se ASH ishte shumë më lartë në rezultatet krahasuar me partitë e koalicionit Vlen. Në një postim të tij në Facebook, Ramadani theksoi se numrat janë të paanshëm dhe nuk mund të manipulohet me to për të krijuar narrative të tjera.

“Numrat janë kokëfortë. Sado që dikush mund të ketë një këndvështrim emocional ndaj matematikës, shifrat nuk mund të ndryshohen me dëshirë, shpifje ose lakmi. Ato pasqyrojnë realitetin dhe janë objektivë,” tha Ramadani.