Connect with us

Lajme

Prokurori Kocevski është propozim i Grubit dhe Llogës – Ndaj mos manipuloni me ndjenjat e shqiptarëve!

Published

5 days ago

on

 

Koalicioni VLEN reagon fuqishëm ndaj përpjekjeve të shëmtuara të BDI-së për të politizuar drejtësinë dhe për të manipuluar me ndjenjat e qytetarëve shqiptarë në lidhje me tragjedinë kolektive në Koçan.

VLEN rikonfirmon qëndrimin e saj të shprehur publikisht: ne nuk dëshirojmë që asnjë shqiptar, cilido qoftë ai dhe nga cilado parti politike të vijë, të shpallet fajtor për tragjedi që kanë rezultuar me humbje jete njerëzish. E kundërta do të ishte një turp kolektiv dhe drejtësi selektive.
Reagimi i plotë:
Koalicioni VLEN rikonfirmon edhe një herë qëndrimin e shprehur publikisht. Nuk duam që asnjë shqiptar të jetë fajtor për tragjedinë kolektive në Koçan. Ne nuk duam që asnjë shqiptar, pavarësisht përkatësisë politike, të jetë fajtor për humbje jete njerëzish.
Urojmë sinqerisht që të gjithë zyrtarët aktualë dhe ish-funksionarët shqiptarë të provojnë pafajësinë e tyre, në një procedurë gjyqësore të drejtë, transparente, që do të bazohet ekskluzivisht në parimet kushtetuese të drejtësisë jo selektive, prezumimit të pafajësisë dhe barazisë para ligjit.
Ashtu siç kemi kërkuar dhe do të kërkojmë që të zbatohet e njëjta procedurë edhe për tragjeditë kolektive të ndodhura me spitalin modular në Tetovë, aksidentin e “Durmo Tours” dhe atë të “Besa Trans”. Drejtësia duhet të vlejë për të gjithë – ose përndryshe nuk kemi më shtet, por anarki për hir të fitimeve personale!
Sa i përket përpjekjeve të Ali Ahmetit dhe Zijadin Selës për të ndërtuar perceptimin se shqiptarët janë viktima të Qeverisë, duam t’ua themi troç: jeni të lexuar si abetare të klasës së parë!
Atyre fare nuk u interesojnë shqetësimet e popullit shqiptar, por vetëm se si të shkaktojnë krizë politike. BDI e di se në zgjedhjet lokale do të pësojë katastrofë dhe për këtë arsye avokon bojkotimin e tyre. Kësaj klike të korruptuar të BDI-së i duhen me çdo kusht zgjedhje të parakohshme parlamentare, vetëm e vetëm që të formohet një Qeveri teknike sipas modelit të Përzhinës, ku Ministria e Brendshme t’i takojë “vëllait të madh” – LSDM-së, që ai ministër t’i zhdukë provat për krimet e tyre.
Lotët e tyre fallco për shqiptarët janë hipokrizia më e madhe politike. E gjithë drejtësia është e mbushur me kuadro të kohës së tyre. Këtu është një tjetër dëshmi: më 15 janar 2024, Artan Grubi dhe Krenar Lloga propozuan Ljupço Kocevskin për prokuror publik.

Prandaj, në vend që të përpiqen të manipulojnë me ndjenjat e shqiptarëve, le të përgjigjen: a është e mundur që Ljupço Kocevski dhe Islam Abazi, të cilët janë propozime të tyre, tani po udhëheqin “gjueti shtrigash”, apo me këto pamflete politike që i shpërndajnë, po shënojnë autogola?

Related Topics:
Continue Reading

Lajme

Rijad Shaqiri: Nuk ka marrëveshje në errësirë – Aleanca ecën e vetme, me qytetarët përballë

Published

8 hours ago

on

April 17, 2025

By

Deputeti i Aleancës për Shqiptarët, Rijad Shaqiri, ka reaguar përmes një deklarate publike ku shprehet qartë se partia e tij nuk do të bëhet pjesë e marrëveshjeve politike të fshehta, duke vendosur theksin te transparenca, sinqeriteti dhe angazhimi i drejtpërdrejtë me qytetarët.

“Nuk kemi asgjë për të fshehur, dhe për këtë arsye nuk frikësohemi nga përballja me popullin,” shprehet Shaqiri, duke theksuar se legjitimiteti i vërtetë buron nga qytetari e jo nga pazaret e prapaskenave politike.

Në këtë frymë, Aleanca për Shqiptarët propozon një model të ri bashkëpunimi në skenën politike shqiptare në Maqedoninë e Veriut: lista të veçanta për partitë politike në zgjedhjet parlamentare, duke ruajtur individualitetin dhe transparencën, ndërsa për kandidatët për kryetarë komunash, kërkohet bashkim rreth figurave më të mira që përfaqësojnë qytetarët dhe jo vetëm interesat partiake.

“Komunat tona nuk kanë nevojë për militantë të emëruar, por për udhëheqës të zotë, vizionarë dhe të ndershëm,” shton deputeti, duke nënvizuar se modeli i propozuar nuk përjashton bashkëpunimin, përkundrazi, e bën më të ndershëm dhe më të dobishëm për qytetarët.

Në fund, Shaqiri e mbyll mesazhin me një qëndrim të prerë: nëse barazia dhe respekti nuk garantohet në marrëveshje të përbashkëta, Aleanca për Shqiptarët do të ecë e vetme, por me “kokën lart dhe me qytetarët përballë”.

“Kush nuk ka çka të fshehë, nuk frikësohet nga drita,” përmbyll ai, duke theksuar se rruga e Aleancës do të jetë gjithmonë në dritë – jo për të treguar superioritet, por për të dëshmuar sinqeritet.

Continue Reading

Lajme

Taravari: Shkrirja e VLEN-it në një parti ka filluar në korrik të vitit të kaluar, por ASH nuk ishte e njoftuar

Published

1 day ago

on

April 16, 2025

By

Kryetari i ASH-së, Arben Taravari sqaron se koordinimi për shkrihej të VLEN ka filluar që në korrik të vitit të kaluar, por pa të. Sipas tij, koordinimi ka qenë mes LD, Besa dhe Alternativa.
Ai këtë e bëri të ditur sonte në një intervistë për gazetën Lajm, ku sqaroi se edhe për fuzinonimin apo shkrirjen eventuale të përmendur së fundmi pra dy javësh, ai nuk ka qenë i ftuar në atë takim.
Pastaj, Taravari tha se përpos kësaj, me ultimatume vetëm për bashkëpunim nuk mund të bisedohet.
“Ne jemi shumë të ndjeshëm në ultimatume, sepse në bashkëpunime s’ka ultimatume. Në bashkëpunime ka vetëm kompromise, nuk ka në bashkëpuni me situata vin-vin, ka situata luz-luz. Kështu që humbin të gjithë apo të jemi të barabartë. Vetë fakti që ASH nuk u thirr sot në ora 14:00 në takim, është përjashtuese. Do ishte mirë që të thirret së paku që të jemi aty dhe ti themi argumentet tona të cilat edhe i kemi thënë edhe publiksht dhe kemi biseduar mes nesh. Paravësisht kësaj, unë mendoj përsëri se çdo parti e ka utonomimë, i kanë kryesitë e veta, vendosin më kuadër të tyre. Ideja e fuzioninit të tre partive na befasojë sepse ka pasur propozim në qershor ose në korrik që këto tre parti të fuzionohen. Kur dolën para dy apo tre javësh dhe thanë se fuzionohen, unë thash se gëzohem, dhe se është mirë të fillojë integrimi. Nëse fillojnë tre parti të integrohen, fazën tjetër mund edhe ASH të fillojë të integrohet”, deklaroi Taravari.
Ai tha se ndjehet i brengosi që ASH nuk u ftua aspak as në takimin e sotëm që patën në ora 14 tre liderët e tjerë të VLEN, Mexhiti, Kasami dhe Ibrahimi.
“Dhe kjo ishte një shenjë mosdurimi, përjashtimi, largimi, distancimi… kështu janë sinjalet, po them se politika është kjo dhe çdokush vazhdon në rrugë të vete dhe me strategjinë të cilën e ka në zgjedhjet lokale”, tha mes tjerash kryetari i ASH-së, Arben Taravari.

 

Continue Reading

Lajme

Taravari sqaron kronologjinë se si kanë qenë të koordinuar tre partnerët e koalicionit për ta larguar që në shkurt të këtij viti

Published

1 day ago

on

April 16, 2025

By

Kryetari i ASH-së, Arben Taravari ka sqaruar kronologjinë se si ka ardhur deri te garimi në zgjedhjet lokale me lista të veçanta si VLEN.
Në një intervistë të sotme për gazetën Lajm, Taravari tha se ideja e të gjithve pas formimit të Qeverisë ka qenë që të garojnë ndaras si katër parti.
“Nuk është se e kemi braktisur [VLEN-in], ideja e daljes me lista të veçanta nuk është prej tash. Me 23 qershor të 2024 u formua Qeveria aktuale dhe mbas dy-tre javësh, ne si kryetar të VLEN-it kemi pasur një takim dhe kemi biseduar a fuzionohemi tash apo si është ideja. Ideja e të gjithve ishte, bile insistim ka qenë që më mirë është të shkojmë si katër parti. Po në atë mbledhje unë u kam thënë se nëse vazhdojmë si katër parti, duhet të dalim me lista të veçanta në zgjedhjet lokale. Këtë ide e kam pasur vazhdimisht, deri para dy-tre javësh kur deputetët insistuan të bëjmë kompromis. U thash në rregull bëni kompromis dhe nëse pranohet, por nuk pati sukses”, sqaron Taravari.
Ai tha se pas asaj periudhe ka konsultuar shumë ekspertë që merren me këta punë, dhe të gjithë e kanë pasur mendimin dhe qëndrimin se mirë është çdokush ti ketë listat e veta. Sipas tij, kur e ka shpalosur sërish idenë për të garuar me lista të veçanta, tre liderët e tjerë të koalicionit, i kanë thënë atëherë dil edhe me kandidatë të veçantë, për çka Taravari u ka thënë se mos i bie kjo se po e dënojnë që në shkurt të këtij viti nga VLEN.
“Por, tre partitë tjera plus Vetëvendosja mendojnë se duhet të jenë bashkë. Unë sërish u kam thënë në mes të shkurtit këtë vit se insistoj për lista të veçanta. Kështu ka qenë qëndrimi ynë si ASH edhe në korrik të 2024 edhe tash. Më thanë se nëse dal me lista të veçanta të dal edhe me kandidatë të veçantë. U habit dhe ju thash se gjithçka kisha pritur, por këtë se kisha menduar asnjëherë që unë duhet të dalë me kandidatë të veçantë dhe lista të veçanta. Kjo i bie sikur ju më përzeni prej këtu”, shtoi më tej kreu i ASH-së, Arben Taravari.
Unë ndjesinë e kam pasur por edhe plotë anëtarë tanët që kanë punuar në grupe të përbashkëta të VLEN-it se tre janë të koordinuar dhe ASH nuk është, nënvizoi më tej në sqarimin e tij Taravari.
“Pasi biseduam edhe në Kuvendin Qendrorë dhe në Kryesinë e ngushtë të partisë, shumica dërmuese apo një ose dy mendonin se duhet të shkohet me lista të përbashkëta, të gjithë të tjerët ishin absolutisht të bindur se ASH duhet të garon me lista të veçanta. Të shihet a kemi 1000, 5000 apo zero vota, ose 20000 apo 50000 vota. Qëndrimi im ka qenë kështu pasi mendoj se sa më shumë lista ka, aq më shumë njerëz angazhohen, aktivizohen në fushatë. Por kandidatët ti kemi të përbashkët. Nëse kjo refuzohet, pasi kështu ma kanë thënë se nëse i ndajmë listat të shkoj edhe me kandidatë vetë, d.m.th ky ka qenë propozim prej tyre, unë asnjëherë as që e kisha menduar. Pastaj, e analizuam pasi qenka kështu të ketë bashkëpunim të ndërsjellë ose në komunat urbane ose ato rurale për raundin e dytë. Ja e marr shembull Likovën, aty kandidatë do të ketë BDI, VLEN dhe ASH. Në raund të dytë e them hipotetikisht se shkon BDI dhe ASH ose BDI dhe VLEN dhe ashtu të përkrahemi”, the krue i Aleancës për Shqiptarët, Arben Taravari.

 

Continue Reading

TOP Lajme