Kryetari i Alternativës dhe një nga liderët e VLEN-it, Zeqirija Ibrahimi, në intervistën e tij në RTM2, ka folur rreth pritshmërive nga zgjedhjet lokale. Ai tha se si Alternativë dëshiron që VLEN-i t’i fitoj zgjedhjet lokale, ndërsa si VLEN është i bindur se VLEN-i do t’i fitoj zgjedhjet lokale.

“Pavarësisht se kush do të jemi brenda koalicionit, VLEN-i tani më është bërë një brend politik i cili tani më e ka mbledhur fuqinë elektorale shqiptare që i beson një koncepti të ri politik dhe është ndërtuar mbi premisa të reja politike. VLEN-i përfaqëson një klasë të re politike që është ndërtuar mbi anti-podin e një klase politike që është identifikuar me elemente të larta të korrupsionit dhe listave të zeza”, tha Ibrahimi.

Kryetari Ibrahimi, shtoi se në momentin kur përmendet Spravia apo lista e zezë e SHBA-së është sinonim i BDI-së dhe VLEN-i është antipod e kësaj.

Kryetari i Alternativës dhe një nga liderët e VLEN-it, Zeqirija Ibrahimi, në intervistën e tij në RTM2, ka folur rreth atmosferës dhe bisedimeve mes VLEN-it për ndarjen e komunave. Ibrahimi tha se ata i kanë bërë një ofertë ASH-së, dhe ka qenë në funksion të asaj që ASH të mbetet në kuadër të Koalicionit VLEN.

“Ne duam që ASH të merr vendim që të mbetet brenda VLEN-it, dhe ne të tjerët jemi të vendosur që të gjejmë zgjidhje qoftë nëse edhe duhet njëri nga ne të tolerojmë një komunë të caktuar apo një listë zgjedhore. Gjithnjë duke u prirë nga ajo që VLEN-i duhet të mbetet unik për zgjedhje lokale dhe nëse ne jemi të bashkuar rreth këtij ideali, çështjet tjera janë temë sekundare”, u shpreh Ibrahimi.

Ai shtoi se nëse ndodhë shkrirja e VLEN-it para zgjedhjeve lokale, atëherë bëhet edhe më e lehtë, pasi çdo kryetar Komune është funksionar i VLEN-it dhe nuk është me rëndësi i cilës parti specifike është.

Kryetari i Komunës së Gostivarit, Valbon Limani, ka njoftuar që sot ka marrë pjesë në Konferencën e organizuar nga UNDP e të tjera organizata. Këtë pjesëmarrje ai e cilëson si përvojë që ndihmon dukshëm Gadishullin Ballkanik.

“Isha i nderuar të merrja pjesë sot në Konferencën Rajonale të organizuar në Ohër nga UN, UNFPA dhe UNDP.

Aty diskutuam për çështje të rëndësishme si Shtigjet e Rinisë, Paqja dhe Siguria për Gratë, Paqja dhe Siguria në Rajon dhe Prespektivat tona”, ka shkruar Limani.

Ai ka shtuar se në këtë Konferencë ka qenë bashkë me shumë pjesëmarrës tjerë nga i tërë Ballkani Perëndimor.

“Me shumë të ftuar nga Ballkani Perendimor kjo ishte një përvojë që ndihmon shumë Gadishullin tonë”, ka përfunduar Limani.