Bujar Osmani, kandidat për kryetar të komunës së Çairit, sot kritikoi ashpër pushtetin aktual lokal për keqpërdorim sistematik të buxhetit komunal dhe për trajtimin e Çairit si bankomat partiak, e jo si komunë e qytetarëve.

Sipas Osmanit, nga buxheti i përgjithshëm i Çairit prej rreth 20 milionë euro, vetëm 8 milionë euro realisht janë të disponueshme për projektet komunale, ndërsa pjesa tjetër janë mjete për çerdhe dhe shkolla që automatikisht ridestinohen.

“Edhe nga ato 8 milionë euro, çdo muaj shpenzohen 350 mijë euro për 720 kontrata fiktive. Këta janë njerëz që rrinë në shtëpi, dalin në tubime partiake dhe shkruajnë në rrjete sociale kundër kundërshtarëve. Me paratë e qytetarëve!”, paralajmëroi Osmani.

Kjo do të thotë se mbi 4 milionë euro në vit vidhen përmes punësimeve klienteliste, ndërkohë që Çairi po fundoset në vrima, papastërti dhe kolaps infrastrukturor. Një nga shembujt më ilustrues: një vrimë në rrugë e mbuluar me një shtresë asfalti, për të cilën komuna ka nënshkruar tender prej 720.000 denarë, krahasuar me 5.000 deri 6.000 denarë në Qendër për të njëjtën ndërhyrje.

“Çairin e kanë trajtuar tmerrësisht, po ia marrin edhe denarin e fundit qytetarëve. Kjo duhet të marrë fund. Nuk bëhet fjalë për ndërrim të politikanëve, por për ndryshim të gjithë kulturës së qeverisjes. Për ndershmëri. Për disiplinë. Për përkushtim ndaj njerëzve,” deklaroi Osmani.

Ai theksoi se kjo betejë nuk është vetëm për një funksion, por për kthimin e interesit publik në qendër të punës komunale.

“Qytetarët nuk kërkojnë mrekulli. Kërkojnë rrugë të shëndosha, pastërti dhe shërbim, jo propagandë, gënjeshtra dhe parazitë partiakë,” përfundoi ai.

Verifikimi publik në të dhënat e Listës zgjehdore për Zgjedhjet lokale 2025 përfundon nesër në mesnatë, ndërsa dy ditë më vonë më 13 shtator në mesnatë përfundon afati për parashtrim të listave për kandidatë për kryetarë të komunave dhe për këshilltarë. Më 29 shtator fillon fushata zgjedhore për zgjedhjet lokale të caktuara për më 19 tetor. Do të votohet në 80 komuna dhe Qytetin e Shkupit në 3480 vendvotime.

Qytetarët verifikimin publik mund ta bëjnë sot deri në orën 20 në njësitë dhe zyrat rajonale të KSHZ-së, ndërsa nesër më 11 shtator, dita e fundit e afatit, shërbimet e Komisionit do të punojnë deri në mesnatë.

Qytetarët, kërkesën për regjistrim, plotësim apo shlyerje të të dhënave në ekstraktet e Listës zgjedhore që është vënë për verifikim publik i parashtrojnë me shkrim drejt sektorit rajonal të KSHZ-së apo zyres lokale në rajonin ku jeton, apo përmes postës elektronike drejt KSHZ-së. Gjithashtu qytetarët mund ta bëjnë atë edhe në postën elektronike për parashtrim të kërkesës për regjistrim, plotësim apo shlyerje të të dhënave në Listën zgjedhore: upisis@sec.mk. Kërkesës i bashkangjiten edhe dëshmitë e nevojshme, ndërsa formularët mund të gjenden edhe në ueb-faqen e KSHZ-së (sec.mk).

Të burgosurve gjithashtu do t’u sigurohet qasje në Listën zgjedhore. Personat në paraburgim ose në burg duhet të paraqesin një kërkesë për regjistrimin, plotësimin ose fshirjen e të dhënave në certifikata të veçanta të Listës zgjedhore gjatë shqyrtimit publik përmes organit kompetent për ekzekutimin e sanksioneve në KSHZ, nga 23 gushti deri më 11 shtator.

KSHZ është e detyruar të vendosë për kërkesat dhe raportet e qytetarëve me një vendim brenda 24 orëve nga dita e marrjes së kërkesës. Kundër vendimit për refuzimin e kërkesës, qytetari mund të ngrejë padi në Gjykatën Administrative në mënyrë elektronike brenda 24 orëve nga marrja e vendimit. Në bazë të një padie, Gjykata Administrative duhet të vendosë brenda 24 orëve dhe menjëherë t’ia dorëzojë vendimin paditësit në mënyrë elektronike. Vendimi përfundimtar i Gjykatës Administrative i nxjerrë pas padisë për regjistrim, ndryshim dhe fshirje është pjesë integrale e Listës zgjedhore të nënshkruar nga KSHZ-ja.

KSHZ e nënshkruan Listën e mbyllur zgjedhore, përkatësisht ekstraktet nga Lista zgjehdore në të cilat votohet, më së voni më 3 tetor.

Kërkesa për dorëzimin e Listës zgjedhore duhet të dorëzohet nga partitë politike në KSHZ në mënyrë elektronike, jo më vonë se 11 shtatori.

KSHZ-ja në afat prej tre ditëve (jo më vonë se 14 shtatori) nga dita e përfundimit të shqyrtimit publik duhet t’ua dorëzojë Listën zgjedhore partive politike që kanë paraqitur kërkesën deri në ditën e përfundimit të shqyrtimit publik.

Partitë politike duhet të paraqesin një kërkesë për regjistrim, shtim ose fshirje të të dhënave në KSHZ brenda pesë ditëve nga data e marrjes së listës së votuesve (jo më vonë se 19 shtatori).

KSHZ-ja duhet të vendosë për kërkesën e paraqitur me një vendim brenda 3 ditëve nga data e marrjes së kërkesës, në përputhje me Rregulloren për metodologjinë për qasje të plotë, bërjen e ndryshimeve dhe fshirjen e të dhënave në Listën zgjedhore.

Kundër vendimit të KSHZ-së mund të ngrejë padi një parti politike në Gjykatën Administrative brenda 24 orëve nga marrja e vendimit. Gjykata Administrative duhet të vendosë brenda 24 orëve nga marrja e padisë.

Ministria e Punëve të Brendshme duhet të paraqesë, brenda një dite nga përfundimi i shqyrtimit publik më 12 shtator, një listë të qytetarëve që kanë paraqitur kërkesë për lëshimin e një karte identiteti ose dokumenti udhëtimi të ri mbi çfarëdo baze nga data e shpalljes së zgjedhjeve deri në datën e përfundimit të shqyrtimit publik dhe një listë të personave që do të mbushin 18 vjeç deri në Ditën e zgjedhjeve. KSHZ-ja i fut të dhënat për këta persona në listën e votuesve sipas detyrës zyrtare.

Organi kompetent për zbatimin e sanksioneve, jo më vonë se 30 ditë para ditës së caktuar për zgjedhje, duhet t’i paraqesë KSHZ-së të dhënat për personat që janë në paraburgim ose vuajnë dënim me burg bazuar në të dhënat e mbajtura nga ky autoritet. Të dhënat duhet të dorëzohen në një medium magnetik dhe domosdoshmërisht duhet të përmbajnë numrin e vetëm të identifikimit të qytetarit (EMBG). (jo më vonë se 18 shtatori)

Ministria e Politikës Sociale, Demografisë dhe Rinisë, jo më vonë se 30 ditë para ditës së caktuar për zgjedhje, bazuar në të dhënat e veta dhe në bazë të të dhënave të paraqitura nga personat përgjegjës në institucionet për kujdes jo-familjar, duhet t’i paraqesë KSHZ-së të dhënat për personat që janë regjistruar për të votuar në institucionet për kujdes jo-familjar. (jo më vonë se 18 shtatori)

Gjykatat themelore duhet t’i paraqesin KSHZ-së të dhënat për personat që janë privuar plotësisht nga aftësia e tyre ligjore ose pjesërisht nga aftësia e tyre ligjore me një vendim gjyqësor të formës së prerë, kur gjykata ka përcaktuar se personi nuk ka aftësi për të shprehur një vullnet juridikisht të rëndësishëm në zgjedhje, dhe të dhënat për personat që janë dënuar me paraburgim. (jo më vonë se 18 shtatori)

Lista zgjedhore në të cilën janë bërë të gjitha ndryshimet që kanë rezultuar nga shqyrtimi publik, KSHZ-ja e mbyll jo më vonë se 15 ditë pas përfundimit të shqyrtimit publik, deri më 26 shtator. KSHZ-ja do ta nënshkruajë Listën e përfunduar të zgjedhësve, përkatësisht ekstraktet nga Lista zgjedhore mbi të cilat zhvillohet votimi, jo më vonë se 15 ditë para ditës së zgjedhjeve, përkatësisht jo më vonë se 3 tetori.

Presidenti francez Emmanuel Macron tha se shkelja e hapësirës ajrore polake nga dronët rusë gjatë një sulmi në Ukrainën perëndimore është “thjesht e papranueshme”, duke shtuar se së shpejti do të flasë me Sekretarin e Përgjithshëm të NATO-s, Mark Rutte.

Macron shkroi në një postim në platformën e mediave sociale X:

“Ne nuk do të bëjmë kompromis për sigurinë e aleatëve tanë”.