Në drejtorinë e librave amë në Maqedoninë e Veriut, me të cilën udhëheq Faton Fazliu nga Alternativa, para disa ditësh u punësuan 38 shqiptarë. Por si ia doli Fazliu të këmbëngul në këtë mision për të punësuar shqiptarët në një ofansivë qeveritare për punësime etnike maqedonase.

Burime për Top24 jozyrtarish kanë bërë të ditur që Faton Fazliu para se të merte këtë detyre ka kërkuar ish kryetarit të partisë aktualisht kryeparlamentarit Gashi që ti qëndrojnë pas, po të njejtën kërkesë Fazliu ia kishte paraqitur edhe kryetarit Zeqirja Ibraimi nga ku edhe ka marrë garanca se do të këtë mbështetje të plotë. Burimi i njejtë më tej konfirmon për një përplasje mes qeverisë dhe Fazliut ku ky i fundit ka kërcënuar se nëse nuk pranohen 38 shqiptarët do ta mbyll konkursin dhe do të largohet nga detyra. VLEN me shumë pompozitet promovoi këto punësime duke mos përmendur aspak se kush qëndron pas kësaj sakrifice dhe se si Faton Fazliu nuk lejoi të nëpërkëmbet si drejtor gjenar duke treguar parimet dhe vijat e kuqe.

“Me kënaqësi dhe krenari njoftojmë opinionin publik se, për herë të parë pas shumë dekadash, 38 shqiptarë kanë nisur punë në sektorin e librave amë i cili është një hap i madh drejt barazisë, përfaqësimit të dinjitetshëm dhe integrimit real institucional të shqiptarëve në Maqedoninë e Veriut, thuhej në njoftimin e VLEN-it.

Pas largimit të Aleancës për Shqiptarët nga Qeveria e drejtuar nga e djathta me Hristijan Mickoskin në krye, për shkak – siç deklaruan nga kjo parti – të diskriminimit sistematik institucional ndaj shqiptarëve dhe mospërputhjes mes funksionarëve të partive të ndryshme në institucione, një grup funksionarësh nga kjo parti megjithatë zgjodhën të qëndrojnë përkrah Mickoskit në vend se ta lënë Qeverinë, shkruan Frontline, përcjell PressOnline.al

Ata e akuzojnë Aleancën për Shqiptarët dhe liderin e saj Arben Taravari se janë larguar nga Qeveria për të bashkëpunuar me BDI-në e Ali Ahmetit në zgjedhjet lokale. Nga ana tjetër, vetë Taravari disa herë ka deklaruar se zgjedhjet lokale janë administrative dhe jo politike dhe se në to sheh bashkëpunim me të gjitha partitë politike, varësisht nga nevojat që kanë mes vete partitë në komuna të caktuara.

Ndërkohë, po shtohen zërat për një bashkim serioz mes dy krahëve të Aleancës për Shqiptarët, atij të Ziadin Selës dhe Arben Taravarit.

“E mbaj peshën e përgjegjësisë si njeriu që e krijoi këtë organizatë politike dhe sigurisht ndjej peshë – jo faj. Çdokush që nuk ka asnjë lidhje me gjenezën e Aleancës për Shqiptarët po merr të drejtën të përgojojë dhe të përmendë. Si i tillë, ndjej përgjegjësi për ta bashkuar dhe forcuar Aleancën për Shqiptarët dhe për të mbyllur gojën e atyre që e keqpërdorin atë për pushtet (grupi që mbeti në pushtet nga krahu i Taravarit)”, deklaroi Ziadin Sela në takimin me strukturat e tij në fshatin Debresh të Gostivarit.

Arben Taravari gjithashtu ka dhënë sinjale të buta, por të qarta për marrëdhëniet e tij me ish-bashkëpartiakun Ziadin Sela.

– Me një buzëqeshje të lehtë, Taravari u shpreh: “Nuk jam pajtuar me Selën”, duke lënë të kuptohet se, edhe pse nuk ka një pajtim formal, tensionet mund të jenë zbutur.

Por çfarë ndodh me grupin e funksionarëve të Aleancës për Shqiptarët që mbetën në Qeverinë e Mickoskit?

Sipas njohësve të zhvillimeve politike në vend, ata janë thuajse një hap larg bashkimit me Lëvizjen Demokratike të Izet Mexhitit. Ata udhëhiqen nga zëvendëskryeministri Arben Fetai, i cili vjen nga fshati Sllupçan – Kumanovë, jeton dhe punon në Belgjikë, por më parë ka qenë aktiv në Lëvizjen Vetëvendosje të Albin Kurtit, ku së bashku me Daradan Moliqin krijuan fraksione dhe një parti të re – Partinë Socialdemokrate të Moliqajt. Pas dështimit atje, Fetai u inkuadrua në Aleancën për Shqiptarët dhe që nga ajo kohë, sipas burimeve partiake nga të dy krahët e Aleancës për Shqiptarët (ASH), ai ka rekrutuar njerëz të afërt me të, dhe sot thuajse të gjithë ata janë në anën e Mickoskit.

Në një reagim ndaj zhvillimeve të fundit në Aleancën për Shqiptarët, analisti politik Zudi Xhelili ka kritikuar ashpër përpjekjet për të përkufizuar partinë nga “një grusht funksionarësh të privilegjuar dhe pa merita”, duke e cilësuar këtë si një padrejtësi të rëndë ndaj kontributit të strukturave të sinqerta brenda ASH-së.

“Si ka mundësi që ASH, me në krye Arben Taravarin, që kreu një mision të guximshëm dhe solli ndryshimin e shumëpritur, tani të përpiqet të përkufizohet nga një grusht funksionarësh të privilegjuar e pa merita?”, ka pyetur Xhelili në një deklaratë publike.

Ai ka shprehur habinë dhe zhgënjimin e tij ndaj asaj që e quan “riformatim të qëllimshëm të realitetit”, duke theksuar se:

“Si ndodhi që ata që nuk i joshi pushteti dhe qëndruan në krah të së drejtës, sot shpallen si ‘devijim’, ndërsa të tjerët si ‘themelorë’?!”

Xhelili i quan këto veprime “marëzira të shpifura” që sipas tij, shkelin mbi sakrificën dhe kontributin e qindra aktivistëve të ndershëm të Aleancës për Shqiptarët.

“E vërteta nuk mund të mbulohet me propagandë,” përfundon ai reagimin, duke kërkuar që historia dhe qëndrimet parimore të mos shtrembërohen për interesa të ngushta politike.