Në kuadër të angazhimit të tij për rritjen e efikasitetit dhe krijimin e një mjedisi pune më të përshtatshëm për stafin, drejtori Nexhmedin Sadiku ka ndërmarrë hapa të rëndësishëm për modernizimin dhe përmirësimin e kushteve të punës në Drejtorinë e Rezervave të Naftës.

Përmirësimet përfshijnë:

Ndryshimi i lokacionit dhe marrja e zyrave të reja tek ministria e Energjetikës ofron hapësira më të rehatshme dhe të pajisura me teknologji të avancuar.

Investimin në infrastrukturë për të siguruar mbarëvajtjen e punës dhe për të përmirësuar shërbimet ndaj qytetarëve dhe palëve të interesuara.

Krijimin e hapësirave të reja për bashkëpunim, duke nxitur një kulturë të punës ekipore dhe inovacionit.

Këto iniciativa janë pjesë e një strategjie afatgjatë për ta bërë Drejtorinë e Rezervave të Naftës një model të menaxhimit efikas dhe një institucion të orientuar drejt rezultateve.

“Ky hap reflekton përkushtimin tonë për të ofruar kushte të mira pune për ekipin dhe për të përmbushur detyrimet tona me profesionalizëm dhe përgjegjësi,” theksoi drejtori Nexhmedin Sadiku.

Ky projekt është një dëshmi e vizionit të drejtuesit dhe përkushtimit të tij për zhvillimin e qëndrueshëm të sektorit.

Sot Qeveria bëri një hap të rëndësishëm drejt përmirësimit të bashkëpunimit me mediat – rekomanduam që NP Gazeta Zyrtare të shqyrtojë mundësinë e ofrimit të qasjes elektronike falas në buletinin zyrtar për mediat dhe gazetarët.

“Ne besojmë se qasja në informacionet relevante përkatës është themeli për një shoqëri të fuqishme dhe të informuar. Prandaj, në një dialog të hapur me shoqatat e gazetarëve, punonjësit e medias dhe sindikatat, ne së bashku zhvillojmë zgjidhje që do të sjellin qasje dhe transparencë më të madhe”, ka informuar zëdhënësja e Qeverisë, Venera Azizi.

Ajo më tej ka shton: “Vizioni ynë është i qartë – një nivel i ri bashkëpunimi dhe besimi me median, me qëllim që çdo qytetar të ketë informacione të sakta dhe në kohë!”

Azizi ka shtuar se po punojnë me përkushtim për komunikim më të mirë dhe menaxhim më të përgjegjshëm.

Sonte, Komuna e Gostivarit, nën udhëheqjen e kryetarit Valbon Limani, shënon Ditën e saj, një ngjarje e rëndësishme që mbledh qytetarë dhe personalitete të shquara në një atmosferë festive.

Në këtë datë simbolike, tradicionalisht shpallet “Qytetari i Nderit” dhe nderohen personalitete, shoqata dhe grupe që kanë dhënë kontribut të çmuar për qytetin, si në nivel vendor ashtu edhe ndërkombëtar.

Në kuadër të këtij organizimi, pas shumë vitesh ribashkohet grupi muzikor gostivaras “Shëndija” me këngëtarin e njohur Amet Azizi. Gjithashtu, do të dekorohet edhe grupi tjetër i njohur muzikor, “Area,” për kontributin e tyre në promovimin e kulturës dhe artit.

Komuna e Gostivarit ka organizuar një eveniment madhështor, që pritet të mbetet gjatë në kujtesën e çdo pjesëmarrësi.

Programi ka nisur në ora 19:00 në Qendrën për Kulturë të Gostivarit, ku marrin pjesë personalitete të shumta nga fusha të ndryshme të jetës shoqërore dhe kulturore. Atmosfera festive dhe pjesëmarrja masive e qytetarëve dëshmojnë për rëndësinë dhe vlerën që kjo ngjarje ka për komunitetin gostivaras.