Skandali me skemat e VMRO-DPMNE në Erasmus+ me vlerë miliona euro duhet të sqarohet plotësisht nga Prokuroria dhe duhet të pasohet llogaridhënia, thonë nga LSDM
“Qeveria ka emëruar një person nën hetim aktiv nga Zyra Evropiane Kundër Mashtrimit (OLAF) si drejtor të përkohshëm të Agjencisë Kombëtare.

Kjo tregon qartë qëllimin e qeverisë për të mbrojtur interesat partiake dhe të biznesit me çdo kusht, për të provuar të ndikojë në çështjen që është në Prokurorinë Publike pasi OLAF dorëzoi raportin me të gjitha gjetjet.

Raporti zyrtar i OLAF nga viti 2023 deklaron ekzistencën e një dyshimi të bazuar për keqpërdorimin e mbi 2.2 milionë eurove të parave evropiane gjatë qeverisjes së Gruevskit, duke filluar nga viti 2016.

Qeveria duhet të shkarkojë menjëherë Ana Mihajllovan, ndërsa Prokuroria Publike duhet të veprojë pa vonesë mbi gjetjet e OLAF”, thonë nga LSDM.

Komiteti Olimpik i Maqedonisë së Veriut përfaqësim thuajse zero sa i përket përfshirjes së shqiptarëve.

Sipas të dhënave të siguruara, nga gjithsej 117 anëtarë, vetëm 4 janë shqiptarë. Edhe më alarmante është mungesa e plotë e shqiptarëve në organet kyçe:

• Bordi Drejtues: 0 shqiptarë nga 11 anëtarë.
• Këshilli Olimpik: 0 shqiptarë nga 11 anëtarë.
• Gjykata e Arbitrazhit Sportiv (SAS): 0 shqiptarë.
• Komisioni i Etikës: 0 shqiptarë.
• Komisioni i Sportistëve: vetëm 1 shqiptar nga 6 anëtarë.
• Komisioni i Marketingut: vetëm 1 shqiptar nga 6 anëtarë.
• Drejtoria Sportive: vetëm 1 shqiptar nga 5 anëtarë.
• Kuvendi i KOK: vetëm 1 shqiptar nga 25 anëtarë me të drejtë vote.

Në shumicën e komisioneve të tjera: juridike, disiplinë, përfaqësi gjinore, lojëra paraolimpike, shkencë dhe sport, antidoping, financa, e-sport, bord mbikëqyrës dhe komitet për diasporën, përfaqësimi shqiptar është zero.

Lidhur me këtë ka reaguar opozita shqiptare duke kritikuar mospërfaqësimin dhe diskriminim e shqiptarëve. Bashkimi Demokratik për Integrim (BDI) përmes një komunikate shpreh indinjatën dhe kundërshtimin e fuqishëm ndaj përbërjes së re të Komitetit Olimpik të Maqedonisë së Veriut, ku shqiptarët janë pothuajse tërësisht të përjashtuar nga strukturat drejtuese dhe vendimmarrëse. “Kjo nuk është vetëm neglizhencë, por pasqyrë e një mentaliteti përjashtues që bie ndesh me frymën e Marrëveshjes së Ohrit, me parimet e barazisë dhe me standardet e shteteve demokratike. Sporti duhet të bashkojë, jo të ndajë; të ndërtojë ura, jo barriera etnike. BDI kërkon rishikim të menjëhershëm të kësaj përbërjeje dhe garantimin e përfaqësimit proporcional të shqiptarëve në çdo nivel të Komitetit Olimpik. Çdo vonesë apo shmangie është goditje ndaj të drejtave të barabarta dhe hap i rrezikshëm prapa për stabilitetin ndëretnik në vend”. reagon BDI. Ndërkohë kanë reaguar edhe sportistë, organizata dhe klube sportive shqiptare.(INA)

Aleanca për Shqiptarët shpreh shqetësimin e thellë për gjetjet e Raportit të Departamentit Amerikan të Shtetit për të Drejtat e Njeriut për vitin 2024, i cili ekspozon kufizimet serioze të lirisë së shprehjes dhe medias në vendin tonë.

Raporti konstaton se, pavarësisht garancive kushtetuese, liria e shprehjes është minuar nga paditë kundër gazetarëve, presioni i tepërt mbi ata që hetojnë korrupsionin, sjellja e papërshtatshme e zyrtarëve publikë, dezinformimi dhe vetëcensura. Veçanërisht shqetësues janë të dhënat për dhunë dhe kërcënime ndaj gazetarëve, si dhe rritja e ngacmimeve dhe dhunës ndaj gazetareve femra.

Raporti dëshmon edhe një herë se vendimi i Aleancës për Shqiptarët për të braktisur këtë qeveri ka qenë parimor, i drejtë dhe plotësisht në përputhje me vërejtjet e faktorit ndërkombëtar.

Në këtë kontekst, Aleanca për Shqiptarët e konsideron si hap prapa ndryshimet e miratuara në Ligjin për Shërbimet Mediatike Audio-Audiovizuale, që mundësojnë financimin e reklamave të qeverisë te transmetuesit komercialë nën justifikimin e “interesit të lartë publik”. Shoqatat e pavarura të medias me të drejtë e kanë cilësuar këtë si rikthim në praktikat e korrupsionit dhe klientelizmit.

Kërkojmë që ndërpriten menjëherë praktikat ligjore dhe politike që cënojnë pavarësinë e medias.

Qeveria të garantojë mbrojtjen efektive të gazetarëve nga dhuna, kërcënimet dhe presionet, dhe të rritet transparenca në financimin publik për median dhe të ndalohet përdorimi i parave të taksapaguesve për propagandë politike.

Liria e medias është themeli i çdo demokracie funksionale. Çdo cënim i saj është sulm ndaj të drejtës së qytetarëve për t’u informuar. Aleanca për Shqiptarët do të vazhdojë të mbrojë fuqishëm këtë të drejtë themelore dhe të kërkojë përgjegjësi nga ata që e shkelin.

Aleanca për Shqiptarët