Lajme

Taravari: Problemi me balancerin daton që nga viti 2018

Published

10 months ago

04.11.2024

Admin01

Kryetari i ASH-së dhe një nga liderët e VLEN-it, sonte në Click Plus në TV21, deklaroi se puna e balncerit dhe kontestuesit e ligjit për gjuhën shqipe është problem që nga vitit 2018, atëherë kur kryetar i Gjykatës kushtetuese ka qenë Salih Murat, tani deputet i BDI-së. Ai tha se Sali Murat nuk ka lidhje as me parti turke si TDP dhe as me ndonjë shoqatë turke. Murat është individë i përzgjedhur dhe i pëlqyer vetëm nga Ahmeti.

“Ne nuk kemi qenë kundër balancerit, por kemi thënë se keqpërdorej nga individë të ndryshëm ku deklaroheshin si pjesëtarë të etnive tjera për të marrë një punësim. Ne jemi marr vesh nga VMRO-DPMNE, që këtë mekanizëm ta ndryshojmë, por jemi vonuar në krijimin e grupit punues dhe përgatitjes së Ligjit. Ne kemi krijuar një grup punues dhe janë duke punuar në krijimin e ligjit për përfaqësim të drejtë dhe ai do të jetë në debat publik. Ne kemi pasur një tekst fillestar dhe mundeshin ta lëshojmë menjëherë në debat publik. Pro konstatimi ynë i përbashkët ishte që na duhet një konsolidim i përbashkët dhe pastaj ta dërgojmë deri te partitë opozitare dhe të marrim përkrahje më të gjerë”, tha Taravari.

Lajme

Faton Ahmeti nga Teqeja: 19 Tetori do t’i japë fund poshtërimit, fillon rruga e re e zhvillimit

Published

41 minutes ago

15.09.2025

Admin01

Shefi i shtabit zgjedhor dhe njëherit sekretar i përgjithshëm i Bashkimit Demokratik për Integrim (BDI), Faton Ahmeti, sonte në takimin me banorët e lagjes Teqe në Tetovë, falënderoi secilin veçmas për mbështetjen, duke theksuar se 19 tetori do të jetë dita kur zëri i qytetarëve do të dëgjohet fuqishëm.

“Dita e diell e 19 Tetorit do të jetë dita kur zëri juaj do të dëgjohet fuqishëm për t’i thënë jo poshtërimit, nëpërkëmbjes dhe për të kthyer Tetovën në rrugën e zhvillimit, progresit dhe të ardhmes së merituar”, deklaroi Ahmeti.

Ai shtoi se bashkë me Bajram Rexhepin dhe dr. Asafin po dëshmojnë se “me këta njerëz, Tetova e Re do të jetë ndryshimi që kemi pritur”.

Lajme

Blerant Ramadani takohet me banorët e Shishovës, prezanton projektet zhvillimore

Published

54 minutes ago

15.09.2025

Admin01

Kandidati per kryetar të komunes së Sarajit Blerant Ramadani, së bashku me kryetarin aktual Iljas Veseli dhe shefin e shtabit komunal Senehat Murtezani, zhvilloi një takim me banorët e Shishovës, ku u diskutuan hapur projektet konkrete që do të ndryshojnë fytyrën e fshatit.

Ramadani theksoi tri projekte madhore:

Rekonstruktimi i shkollës për të siguruar kushte moderne mësimi për fëmijët.
Asfaltimi i rrugës përgjatë Treskës, duke lehtësuar dhe siguruar qarkullimin e banorëve.
Ndërtimi i një ure për këmbësorë mbi lumin Treska, që do të lidhë më shpejt dhe më lehtë banorët e dy anëve.
Ai theksoi se me vizion të qartë dhe projekte të realizueshme, së bashku me mbështetjen e qytetarëve, po ndërtohet rruga drejt fitores më 19 tetor.

Takimi u mbyll me zotimin për vazhdim të bashkëpunimit të ngushtë me qytetarët dhe përkushtim ndaj zhvillimit të Shishovës dhe të gjithë komunës./shprehja.com

Lajme

Pas Sellcës, Bajram Rexhepi ju bën selam nga lagja Teqe e Tetovës, tetori për Tetovën e Re

Published

1 hour ago

15.09.2025

Admin01

Kandidati për kryetar komune nga radhët e AKI-së në Tetovë, Bajram Rexhepi sonte së bashku me shefin e shtabit të përgjithshëm Faton Ahmeti dhe përfaqësuesit e AKI-së kanë takuar banorët e lagjes Teqe ku ka marrë një mbështetje të jashtëzakonshme për fitoren e madhe të tetorit. Pas tubimit madhështor në Sellcë Bajram Rexhepi theksoi se kjo mbështetje që marrim gjithëandej po tregon se tetori do të jetë për Tetovën e Re,shkruan Top24

Sonte lagjja Teqe ishte zjarr! 🔥
Qindra qytetarë dhanë mesazhim e qartë për një të ardhme të re për Tetovën. Përkrahja që po marrim, për çdo ditë e më shumë jep mesazhin e zëshëm se Tetova së shpejti do të fillojë të frymojë e lirë e me dinjitet.