Bashkëpunëtori i ngushtë dhe analisti Latif Arifi përmes një postimi ka fyer ambasadorin Shqiptarë në Shkup Denion Meidani duke e linçuar ate. Arifi në postimin e tij shkruan:

Shqiponjat s’fluturojnë nëpër ceremoni të BDI-së, z. ambasador. Ato nuk zbresin në katin e propagandës.
Krahët e tu, sado që i hap në foto, nuk të shpëtojnë nga e vërteta!
Je kthyer në sorrë politike që imiton shqiponjën.
Dhe kur thua “ju dua shumë”, ndoshta e ke fjalën për strukturat e BDI-së, jo për shqiptarët./Top24.mk/

Valon Bela nga Partia Demokratike Evropian, në rrjetet sociale ka reaguar për Komunën e Çairit se nuk ka lëshuar asnjë leje ndërtimi të ndërtesave shumëkatëshe, ndërsa në anën tjetër ka mbi 20 objekte që po ndërtohen tani pa leje ndërtimi, këtë ai e ka quajtur koalicion “Lidhja Demokratike me Lidhjen e mafisë urbane.

“Fakti që Komuna Çair nuk ka lëshuar ASNJË leje ndërtimi të ndërtesave shumëkatëshe, a në anën tjetër kemi mbi 20 objekte që po ndërtohen tani (pa leje ndërtimi) i bie se krimi po lulëzon dhe ekonomia gri ka rrënjët e thella përskaj paralajmërimeve nga shteti.

Siç e dini, Ganiu dhe Mexhiti e kanë emëruar partinë e tyre “Lidhja Demokratike” dhe bazuar në gjendjen faktike të ndërtimeve pa leje, të krimit galopant në këtë Komunë të vogël, i bie se ata më mirë ta quajnë partinë e tyre lidhja e mafisë urbane. Pse? Sepse demokracia është sistem politik ku sundon ligji me të cilën nënkuptohet se individët, organizatat, organet dhe institucionet e shtetit, (përfshi në këtë rast edhe komunën Çair) u nënshtrohen ligjeve të vendit, të cilat ligje në formë të prerë kanë caktuar kushte që duhet plotësuar (11 sosh) për t’u ndërtuar një objekt shumëkatësh banesor.

Pra, ata mund të jeni shembulli më i keq i anti-demokracisë. Në rastin konkret, pavarësisht se ata thirren në demokraci, ata në fakt jeni kanceri i demokracisë!!!

Shtrohet pyetja, fakti që nuk kemi akoma kallëzime penale nga Prokuroria dëshmon shumë mirë se shërbëtor të cilës anë janë sepse kemi shqiptarë që pa bërë asnjë krim po dergjen burgjeve ndërsa këta mafiozë me gjithë këto krime (që gjenerojnë miliona) akoma gëzojnë lirinë. Madje kanë edhe guxim të na mashtrojnë se sa demokratik janë …”, shkruan Bela.

Vetëm katër muaj më parë, Zëvendëskryeministri i Maqedonisë së Veriut, Arben Fetai, doli fuqishëm në mbështetje të Ambasadorit të Republikës së Shqipërisë, Denion Meidani, në kohën kur qarqe të caktuara politike, përfshirë eksponentë të koalicionit VLEN, nisën ta sulmojnë publikisht ambasadorin për rolin e tij aktiv në skenën politike në Shkup, transmeton Flaka

Në një reagim të asaj kohe, Fetai e cilësonte Meidanin si “një diplomat me përgatitje të jashtëzakonshme, që imponon respekt dhe vendos standarde të reja në diplomacinë shqiptare”. Ai shtonte se sulmet ndaj ambasadorit buronin nga “shqetësimi i atyre që nuk janë mësuar me një ambasador që punon pa u ndalur dhe me vizion të qartë.”

“Ne kemi shprehur publikisht mbështetjen tonë për të dhe e ritheksojmë edhe sot: Ambasadori Meidani ka mbështetjen tonë të plotë! Ai është një model dinjiteti për diplomacinë shqiptare në rajon,” shkruante Fetai në mars.

Por sot, kur Ambasadori Meidani sërish është bërë shënjestër e akuzave nga të njëjtat struktura politike, këtë herë në kontekstin e angazhimit të tij për legalizimin e shkollës shqipe në Nerovë, zëri i Arben Fetait mungon.

Pavarësisht jehonës publike dhe përpjekjeve për të relativizuar rolin e ambasadorit në këtë sukses të rëndësishëm për komunitetin shqiptar, Fetai, që më herët kishte qenë në ballë të mbrojtjes së tij, nuk ka reaguar. Heshtja e tij ka ngjallur reagime në opinion, duke ngritur pyetjen nëse në lojë janë kalkulime politike të brendshme, apo një ndryshim qëndrimi brenda vetë koalicionit VLEN.

Dilema publike: Parim apo pragmatizëm?

Në kohën kur ambasadori Meidani po vlerësohet nga shumë qytetarë, prindër dhe figura publike për përkushtimin e tij ndaj të drejtave të shqiptarëve – veçanërisht në fshatra si Nerova, që shpesh harrohen nga institucionet – mungesa e zërave të njëjtë që më parë e mbronin, lë shije të hidhur.

Në politikë, qëndrueshmëria dhe koherenca janë vlera që nuk falen lehtë kur mungojnë. Ndaj, pyetja që sot shtrohet me të drejtë është:

Pse Arben Fetai po hesht kur sulmohet sërish ai që dje e quante “model dinjiteti për diplomacinë shqiptare”?