Lajme

Arben Fetai i kujton Ali Ahmetit poshtërimin 22 vjeçar ndaj shqiptarëve

Published

7 months ago

October 4, 2024

Admin01

Shqiptarët nuk ndjehen të poshtëruar pasi BDI u largua nga Qeveria. Kjo është përgjigja nga zv.kryeministri Arben Fetai për liderin e BDI-së, Ali Ahemti i cili sot ftoi VLEN-in ta lëshojë qeverinë, pasi siç ai theksonte, shqiptarët janë të poshtëruar nga VMRO-DPMEN.

“Ali Ahmeti na paska bërë thirrje ta lëshojmë qeverinë dhe të bëhemi bashkë me të për ta ndalur gjoja poshtërim që po u bëhet shqiptarëve. Jo ore zotëri, shqiptarët nuk ndjehën të poshtëruar sepse ju jeni larguar. Ata ju larguan me votë dhe sot ndjehen të çliruar nga presionet dhe shantazhet e juaja”, shkruan Fetai në rrjetet sociale.

Poshtërimin e nëpërkëmbjen, shton Fetai, shqiptarët e kanë provuar në lëkurën e tyre nën qeverisjen tuaj 22 vjeçare që do mbahet mend si periudha më e errët e tranzicionit. Ai thekson se ajo kohë nuk do kthehet më kurrë.

Fetai i numëron disa nga poshtërimit siç thotë ai, që u kanë ndodhur shqiptarëve kur ata i përfaqësonte BDI:

Rasti Sopoti
Rasti Monstra
Vrasja e Harun Aliut me shokë
Vrasja e Nuri Mazarit – Komandant Struga
Rasti Alfa
Rasti i Almirit
Lagja e Trimave
Vrasja e komandant Shqiponjës
Burgosja e Fetah Alimit
Sulmi terrorist i 27 prillit kur ministër i brendshëm ishte kuadër i BDI-së dhe amnistimi i sulmuesve
Arratisja e Nikolla Gruevskit përmes Zajazit
Mos rregullimi i statusit të ish luftëtarëve të UÇK-së
Ligji për “Branitellat”
Përkulja para “branitellave” të deputetëve të BDI-së
Qindra mijëra euro për Johan Tarçullovskin
Fushatë të përbashkët me kriminelin e luftës Lube Boshkovskin
Enciklopedia që ofendoi shqiptarët
Tekstet shkollore me përmbajtje anti-shqiptare.
Shkupi 2014
Car Dushani
Rrahja në Kala dhe burgosja e të rinjve shqiptarë
Kisha në Kala të Shkupit
Kushtëzimi i administratorëve për mbledhje votash
Politizimi i arsimit dhe degradimi i universiteteve
Dështimi dhe pastaj kurdisja e regjistrimit të popullsisë
Emrat maqedon të shkollave shqipe dhe rrugëve ku jetojnë shqiptarët
Imponimi i stemës me luan si simbol gjoja shqiptar
Republika Ilinditase e Artan Grubit
Sharja e 700 mijë nënave shqiptare
Llotaria dhe licensat e paligjshme të bixhozit të Artan Grubit
Soravia dhe pasurimi i familjes së Ali Ahmetit
Migrimi i mbi 300 mijë shqiptarëve.

Lajme

Vdiq Papa Françeksu

Published

20 hours ago

April 21, 2025

I N

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Lajme

MPB: Ndalohen gjashtë persona, kapen me marihuanë

Published

20 hours ago

April 21, 2025

I N

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

20 hours ago

April 21, 2025

I N

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.