Sot në komunën e Sarajit, kandidatët për kryetar komune, Blerant Ramadani dhe Muhamed Elmazi, dhanë një shembull të rrallë të kulturës politike. Të dy u panë bashkë duke zhvilluar një bisedë miqësore teksa po merrnin pjesë në një varrim, duke treguar se gara politike nuk duhet të shoqërohet me fyerje dhe akuza personale.

Ky gjest i dy kandidatëve është pritur pozitivisht nga qytetarët, të cilët shpeshherë janë dëshmitarë të fushatave të mbushura me tensione, akuza dhe përplasje të ashpra, siç ndodh rëndom në skenën politike në Maqedoninë e Veriut.

Ramadani dhe Elmazi me praninë e tyre dhanë një mesazh të qartë: konkurenca politike nuk duhet të prishë respektin dhe kulturën mes kundërshtarëve, duke e kthyer garën zgjedhore në një proces demokratik të shëndetshëm.

Katër vjet më parë humbi nënën në tragjedinë e spitalit modular në Tetovë. Mumin Ismaili nga Nerashti, i cili natën e kobshme ishte vet prezent në hapësirat e këtij spitali, sot kërkon drejtësi. Thotë se besimi në drejtësinë është pothuajse zero.

“Neve na bëjnë përkujtimore për viktimat, por nuk bëjnë gjë për zgjidhjen e rastit që drejtësia të del në vend dhe të dënohen fajtorët. Sot po bëhen katër vite nga rasti, por për ne nuk pati në këtë shtet. Më e rëndësishme për ne do ishte shërimi i plagës më të madhe tonës, që të ishin dënuar ata që duhet, e përshëndesim Ministrin për përkujtimoren që bën, por ne e duam drejtësinë në këtë shtet ku drejtësi asnjëherë nuk pati. Me rastin e kocanit u hapën ca dyer për modularin, por u mbyllën shpejtë. Ndërmorën gjoja se diçka por asgjë s’u bë. Më habit fakti se për kocanin u bë dhe pati arrestime, ndërsa për modularin asnjë përgjegjësi aspak, përveç që dha dorëheqje zëvendës ministri i asaj kohe dhe lënda mbeti”, tha Mumin Ismaili, Familjar.

Pas insistimit të familjarëve të 14 viktimave të spitalit modular, komuna e Tetovës bashkë me Ministrinë e Shëndetësisë, nisën ndërtimin e parkut memorial

Kështu do të duket parku memoraial, këtu në qytetin e Tetovës, apo tek vendi ku humbën jetët 14 persona, sot e katër vite më parë. Disa familjarë, shprehen falënderues për këtë park memorial në shenjë ndërrimi për familjarët që humbën jetët këtu, por shprehen se ende më falenderues do të ishin, sikur Qeveria dhe organet e drejtësisë të çonin drejtësinë në vend dhe katër vite më vonë, të hapje një lëndë për atë se çka ndodhi në Spitalin Modular të Tetovës./Alsat.mk

Pasi i ofendoi dhe ju tregoi realitetin e fuqisë politike kryeministri Hristijan Mickoski ndaj Adnan Azizit, aktivistët e Bilall Kasamit, gjegjësisht stafi i kabinetit dhe njerëz të afërt të Kasamit, janë demotivuar dhe nuk bëjnë aktivitete në rrjetet sociale.

Sipas një bisede të siguruar nga portali TS, shihet se shefi i shtabit të VLEN-it për Tetovë, Besar Durmishi, i ka qortuar të gjithë punonjësit e Bilall Kasamit se nuk shpërndajnë foto me kryetarin Kasami. Këto biseda janë bërë në grupet e Viber-it dhe WhatsApp-it.

Pas stories së parë ku i qortonte punonjësit e Bilall Kasamit për të bërë foto dhe statuse me kryetarin, në storien e dytë, Besar Durmishi ju thotë se keni ra në gjumë na mbyten mediumet.

“Keni ra nē gjumē të gjithë… na mbyten mediumet..” shihet se ka shkruar Besar Durmishi shef i shtabit të VLEN-it për Tetovën.

Nga ana tjetër, portali TS mëson se kjo rënie e madhe e mbështetjes është pikërisht sepse Bilall Kasami shpreson në votat e VMRO-së, duke shkelur mbi vullnetin e shqiptarëve. Por, kur kryeministri Mickoski tregoi qartë dhe në formë publike se nuk i mbështet ata, ata mundohen të tregojnë fuqinë e tyre duke kërkuar nga forumi rinor dhe punonjësit me kontrata që të bëjnë statuse dhe të shpërndajnë foto me Bilall Kasamin sa më shumë.

Pas këtij demotivimi, Bilall Kasami mundohet që me anë të kontratave të rrejshme, pa i nënshkruar, të mashtrojë disa qytetarë se pas 18 tetorit do të punësohen, vetëm e vetëm që të marrin pjesë në takime me qytetarë.

Vlen të theksohet se kontratat në institucionet publike komunale janë antiligjore sepse bëhen pas datës së shpalljes së zgjedhjeve që pas 19 tetorit mund të ketë përgjegësi penale.

Ndryshe, në anketat e fundit të agjencive vendore, si dhe në anketën e IRI-it, VLEN ka rënie drastike, ndërsa në Tetovë, Bilall Kasami humb zgjedhjet.