Maqedonia e Kosova me një pikë të përbashkët kufitare
 
Të hënën Qeveria e re Maqedonisë mbledhjen e parë jashtë kufijve do ta mbajë në Prishtinë, përkatësisht mbledhje ndërqeveritare me Qeverinë e Kosovës të drejtuar nga Albin Kurti. Siç informoan zëvendëskryeministri Arben Fetai, kjo mbledhje mes dy qeverive është një hap historik drejt forcimit të marrëdhënieve tona të shkëlqyera bilaterale dhe thellimit të bashkëpunimit rajonal!

“Në përgatitje për këtë ngjarje të rëndësishme, sot Qeveria e Maqedonisë së Veriut miratoi informacionet për tre marrëveshje që do të nënshkruhen me Republikën e Kosovës: Protokolli për pika të përbashkëta kufitare (one stop shop) në Bllacë-Hani i Elezit dhe Jazhincë-Glloboçicë, për të lehtësuar qarkullimin midis popujve dhe bizneseve tona. Marrëveshje energjetike, për shfrytëzimin racional të resurseve natyrore dhe forcimin e sigurisë energjetike, si përgjigje ndaj sfidave të tranzicionit energjetik dhe krizës energjetike në rajon. Memorandum për arsim, shkencë dhe inovacion, që fokusohet në arsimin profesional dhe trajnimin për të rriturit, si dhe këmbim përvojash, literaturash dhe projekte arsimore mes dy vendeve”, ka njoftuar Fetai.

Edhe zëvendëskryeministri i parë Izet Mexhiti në një paraqitje televizive tha se mbledhja e përbashkët do të jetë e frytshme ku si pikë e parë e mbledhjes do të jetë rregullimi i sistemit në kufijtë Bllacë dhe Jazhincë, Shkup-Tetovë, të cilat sipas tij janë pika tejet të rëndësishme për lëvizjen e qytetarëve në dy shtete.Kurse pika e dytë e diskutimit sipas tij do jetë për bashkëpunimin në sferën e energjetikës për të ndihmuar njëri tjetrin në rastet kur ka nevojë. Ndërsa pika e tretë Mexhiti tha se ka të bëjë me rrugën Tetovë – Prizren. “Së shpejti do të hapet tenderi i tunelit i cili është 6.2 kilometra pak më i gjatë se tuneli i Kalimashit në Shqipëri dhe më i gjati në rajon. Përveç këtyre tre pikave do të ketë edhe pika të tjera të cilat në interes të dy shteteve dhe qytetarëve”, tha Mexhiti.

Përndryshe, këto vendime janë edhe një dëshmi se Maqedonia e Veriut dëshiron të thellojë edhe më shumë bashkëpunimin me Republikën e Kosovës në shumë fusha, por edhe lëvizjen e lirë të qytetarëve tanë.  Kosova dhe Maqedonia janë shembull se si dy shtete fqinje tregojnë marrëdhënie të mira dhe partneritet të mirë ekonomik dhe politik dhe ky shembull duhet të shërbejë edhe për vendet tjera të rajonit, në mënyrë që në Ballkan të ketë paqe të qëndrueshme.

https://www.facebook.com/share/p/SZMKgbhyx3MSxg8j/?mibextid=WC7FNe

Pavarësisht presioneve të shumta, Bordi i Parkut Kombëtar “Mali Sharr” ka vendosur të shkarkojë nga detyra Ibrahim Deharin, kuadër i Bashkimit Demokratik për Integrim , i cili ushtronte funksionin e drejtorit të këtij institucioni që nga emërimi i tij më 30 korrik 2021. Edhe përskaj lutjeve të Deharit ndaj kryeministrit Hristijan Mickovski për mos largim nga pozita, ai u shkarkua sot nga Bordi udhëheqës.

Në vend të tij, pritet të emërohet Emir Huseini, një afarist i dalluar dhe sipërmarrës i ri nga Tetova, i njohur për menaxhimin e suksesshëm të projekteve dhe sekretar i degës së Tetovës i Aleancës për Shqiptarët. Huseini ka një përvojë të gjerë në sektorin privat dhe është vlerësuar për aftësitë e tij menaxheriale dhe vizionin për zhvillimin e qëndrueshëm të zonave të mbrojtura. Emërimi i tij shihet si një hap drejt përmirësimit të menaxhimit dhe mbrojtjes së pasurive natyrore të Parkut Kombëtar “Mali Sharr”.

Bujare Abazi dëshmoi se kur ke vullnet pozitiv për t’i ndryshuar gjërat e pamundura nuk ekziston. Prandaj, Abazi me gjithë kapacitetin intelektual, me një ekip pune të përsosur arriti të bëjë ndryshime drastike në Postat e Maqedonisë së Veriut.

Parimi bazë i udhëheqjes së Abazit në Postat e Maqedonisë së Veriut ka qenë, ullja e humbjeve, vlerësimi i punës të secilit punëtorë, pastrimi i grumbullimit të paketave me vite, me fjalë të tjera vendosja në binarë të funksionimit. Sepse, deri në atë kohë gjithçka kishte funksionuar jashtë sistemit e për qëllime tjera.

Kujtojmë që, për dallim nga drejtori paraprak i cili në vitin 2022 ka rezultuar me humbje 3.7 milion euro, në vitin 2023 edhe pse behet rritja e pagave humbja bie ne 2.2 milion euro, kjo falë menaxhimit të suksesshëm të ish drejtoreshës, Bujare Abazi.

Se Abazi ka pasur qeverisje të suksesshme e të përgjegjshme në Postë dëshmojnë faktet si në vijim:

– Para Bujare Abazit Postat ishin në humbje 3.7milion euro , me Abazin humbja bie në 2.2 milionë euro
– Rritje e pagave për 10%
– Rritje e të hyrave për 500 mijë euro
– Mbi 300 milionë euro larje të borxheve ndaj komintëntëve
– Stabilizim i Ndërrmarrjes pas kaosit
– Paga të rregullta K15
– Sigurimi i uniformave për postierët që ishin lënë në harresë për 15 vite

Kujtojmë që, rritja e pagës së drejtorit gjeneral të postave është bërë në atë nivel si rritja më e ulët që ka ndodhur nga viti 2008 e këndej. Publiku është dëshmitarë i funksionimit të Postës gjatë mandatit të Bujare Abazit dhe para kësaj periudhe.

Figura e Bujare Abazit mbetet model e identifikimi të një personi që dha gjithçka prej vetes për ta menaxhuar atë institucion ashtu siç duhet dhe ashtu siç i ka hije.