Si çdo funksionarë tjetër, edhe ministri i Shëndetësisë dhe kryetari i ASH-së, Arben Taravari në Komisionin Shtetëror për Parandalim të Korrupsionit (KSHPK) ka dorëzuar fletë ankëtimin mbi pasurinë e tij, gjë e cila është detyrim ligjor për çdo person të zgjedhur apo të emëruar.

Ndryshe nga flet-anekta e vjetër, në këtë të fundit, z. Taravari ka deklaruar një shtëpi shtesë në emrin e tij, të cilën e potencën që e ka dhuratë nga prindërit, gjegjësisht babai i tij tashmë i ndjerë me vendndodhje në Gostivar.

Megjithatë, disa media të afërta dhe nën kontrollë të BDI-së dhe Artan Grubit, shkruajnë se Taravarit i qenka bërë dhuratë një shtëpi e re prej 700 mijë euro, vlerë të cilën po ashtu e ka potencuar në fletë-anketë vetë z. Taravari e jo që e kanë zbuluar këta media.

Për korrektësi të opinionit, në vazhdim ua sjellim gjithë pasurinë së Taravari ka deklaruar në KSHPK:

– një shtëpi banimi në Gostivar prej 503 metrash katrorë në vlerë prej 43.050.000 (dyzet e tre milionë e pesëdhjetë mijë denarë) ose 705.737 euro, të cilën e ka marrë dhuratë nga prindërit në vitin 2023;

– një banesë në Karposh me sipërfaqe prej 94 metrash katrorë, në vlerë prej 5.771.600 denarë ose 94.616 euro, i cili është blerë në vitin 2014;

– një është një shtëpi në Karposh, me sipërfaqe prej 261 metrash katrorë, në vlerë prej 9.254.250 denarë ose 151.709 euro. Kjo shtëpi, sipas të dhënave në fletën e anketimit, është blerë në vitin 2021;

– një tokë ndërtimore në Tetovë me sipërfaqe prej 469 metrash katrorë, në vlerë prej 8.841.600 denarë, e cila është në pronësi të prindërve të Taravarit, dhe bazë për përvetësim është trashëgimia;

– një veturë Volvo në vlerë prej 3.070.000 denarë, e blerë në vitin 2016.

Taravari jep edhe detaje të depozitave bankare, të tij dhe të familjarëve të tij. Ka deklaruar edhe një kredi prej pak më shumë se 4,5 milionë denarë të marrë në vitin 2021.

Si pronë tjetër, Taravari ka deklaruar se posedon bizhuteri ari, në pronësi të bashkëshortes së tij, e cila i ka marrë dhuratë në vitin 1998, në vlerë prej një milion e treqind e pesëdhjetë mijë denarë, si dhe piktura artistike të vitit 2018 në vlerë prej 245 mijë denarë.

Këto deklarime mbi pasurinë e tij, ku Taravari specifikon me saktësi se si është arritur prona apo pasuria, janë të rrallë zyrtarë që e praktikojnë.

Media, para se të publikojë diçka, duhet tu drejtohet burimeve të informacionit, nëse nuk e dinë se si bëhet kjo, veç media nuk mund të quhet. Nëse e ka ditur, por i është kërkuar të shpif, atëherë nëse tekstin nuk e përmirëson/jnë, do të përballe me drejtësinë.