Komisioneri i Lartë i OKB-së për të Drejtat e Njeriut, Volker Türk, shprehu shqetësim të thellë për përshkallëzimin e fundit ushtarak midis Izraelit dhe Iranit, duke bërë thirrje për përmbajtje dhe kthim në diplomaci, raporton Anadolu.

“Përshkallëzimi ushtarak midis Izraelit dhe Iranit është thellësisht shqetësues”, tha Türk ndërsa paraqiti raportin e tij vjetor në Këshillin e 59-të të të Drejtave të Njeriut në Gjenevë.

Ai u bëri thirrje të gjitha palëve të angazhohen në “negociata urgjente diplomatike për t’i dhënë fund këtyre sulmeve dhe për të gjetur një rrugë përpara”.

Türk theksoi gjithashtu nevojën që të dyja palët të respektojnë ligjin ndërkombëtar, veçanërisht në lidhje me mbrojtjen e civilëve në konflikt.

“Unë bëj thirrje për respekt të plotë të ligjit ndërkombëtar nga të dyja palët, në veçanti mbrojtjen e civilëve në zonat me popullsi të dendur”, tha ai.

Komentet e tij vijnë mes përshkallëzimit të fundit, pas sulmeve izraelite të premten në objektet bërthamore dhe raketore iraniane, duke bërë që Irani të hakmerret me raketa balistike që shkaktuan viktima në Izrael dhe dëme materiale.

Ministri i Jashtëm bullgar, Georg Georgiev, foli sot mbi temën e Maqedonisë së Veriut dhe marrëdhënieve fqinjësore midis dy vendeve. Ai deklaroi se “po përshkallëzohen fjalimet” nga RMV.

“Jemi të shqetësuar për përshkallëzimin në fjalimeve të fqinjëve tanë nga Republika e Maqedonisë së Veriut, sepse kjo tregon mungesë të të kuptuarit të proceseve evropiane dhe një shmangie të mundshme të përgjegjësisë. Sofja dhe Shkupi nuk kanë një çështje të hapur”, theksoi Ministri i Jashtëm, raportojnë mediat bullgare.

Ai tha se “gjithçka që kërkohet prej tyre po bëhet, si dhe nga anëtarët e Parlamentit Evropian”.

“Shqetësimet e Bullgarisë janë marrë në konsideratë. Përmbajtja diplomatike nga ana jonë nuk duhet të ngatërrohet me mosveprimin”, shtoi Georgiev, duke shprehur mendimin se Bullgaria nuk duhet të sillet si një “shtet histerik”.

Dje, para ambasadës së RMV-së në Sofje u mbajt një protestë, e organizuar nga krahu rinor i partisë joparlamentare bullgare OBRM-BND. Protesta ishte për dënimin me burgim me kusht prej një viti për kryetarin e klubit të shuar bullgar “Ivan Mihajlov”, Ljupço Gjorgievski.

Protestuesit vendimin e Gjykatës Themelore në Manastir e quajtën “ekskluzivisht politik” dhe kërkuan një “përgjigje adekuate” nga shteti bullgar kundër fqinjit të tij dhe kandidatit për anëtarësim në Bashkimin Evropian.

Kryetari i Kuvendit të Republikës së Maqedonisë së Veriut, me ftesë të kryetares së Kuvendit Kombëtar (Milli Mexhlis), Sahiba Gafarova, nga 17 deri më 19 qershor 2025 do të zhvillojë vizitë zyrtare në Republikën e Azerbajxhanit.

Me Gashin do të udhëtojnë edhe deputetët Petar Markov, Imërlije Saliu-Fetai, dhe sekretarja e përgjithshme e Kuvendit, Marina Dimovska.

“Kryetari Gashi, përveç takimit me kolegen e tij, kryetaren Gafarova, do të takohet edhe me Presidentin e Republikës së Azerbajxhanit, Ilham Aliev.

Do të takohet edhe me ministrin e Energjetikës, Parviz Shahbazov, si dhe me ministrin e Ekonomisë në Qeverinë e Republikës së Azerbajxhanit, Mikail Xhabarov. Kryetari Gashi do të marrë pjesë edhe në sesionin pranveror të Asamblesë së 65-të të Përgjithshme të Asamblesë Parlamentare të Bashkëpunimit Ekonomik të Detit të Zi (PABSEK), që po mbahet në Baku të Azerbajxhanit, ku, ndër të tjera, do të mbajë edhe fjalim”, thonë nga Kuvendit.