Në një reagim ndaj zhvillimeve të fundit në Aleancën për Shqiptarët, analisti politik Zudi Xhelili ka kritikuar ashpër përpjekjet për të përkufizuar partinë nga “një grusht funksionarësh të privilegjuar dhe pa merita”, duke e cilësuar këtë si një padrejtësi të rëndë ndaj kontributit të strukturave të sinqerta brenda ASH-së.

“Si ka mundësi që ASH, me në krye Arben Taravarin, që kreu një mision të guximshëm dhe solli ndryshimin e shumëpritur, tani të përpiqet të përkufizohet nga një grusht funksionarësh të privilegjuar e pa merita?”, ka pyetur Xhelili në një deklaratë publike.

Ai ka shprehur habinë dhe zhgënjimin e tij ndaj asaj që e quan “riformatim të qëllimshëm të realitetit”, duke theksuar se:

“Si ndodhi që ata që nuk i joshi pushteti dhe qëndruan në krah të së drejtës, sot shpallen si ‘devijim’, ndërsa të tjerët si ‘themelorë’?!”

Xhelili i quan këto veprime “marëzira të shpifura” që sipas tij, shkelin mbi sakrificën dhe kontributin e qindra aktivistëve të ndershëm të Aleancës për Shqiptarët.

“E vërteta nuk mund të mbulohet me propagandë,” përfundon ai reagimin, duke kërkuar që historia dhe qëndrimet parimore të mos shtrembërohen për interesa të ngushta politike.

Ministri i ri i Shëndetësisë, Azir Aliu në konferencën e fundit për shtyp theksoi mungesën e karrigeve në spitale.

“Nuk kemi ulëse për t’u ulur”, tha Aliu duke premtuar zgjidhje të këtyre problemeve.

Ministri Aliu shtoi se nuk është mjek, por menaxher i mirë dhe se do të zgjidhen problemet me karriget në spitale.

Ministri Aliu po ashtu se puna e ministrit është me vepra dhe se kanë energji për t’i zgjidhur problemet e shëndetësisë në Maqedoninë e Veriut.

Gazetari i portalit TS ësht[ kërcënuar me jetë dhe me metoda të tjera nga pushteti akutal gejgësisht nga Lëvizja BESA. Ai në një status n[ Facebook ka thekësuar se i di emrat e kërcënuesve dhe rastin do të lajmëroj në të gjitha organet e rendit dhe ambsadat e huaje në Maqedoni.

“Qarqe të caktuara politike, të lidhura me pushtetin aktual, kanë vënë në lëvizje një fushatë të rrezikshme kundër meje — me kurthe të ulëta morale dhe kërcënime të natyrës fizike, përfshirë edhe inskenime që prekin kufirin e atentatit.

Emrat i di. Veprimet po i dokumentoj.
Për këtë çështje do të njoftoj zyrtarisht Ambasadën e Shteteve të Bashkuara, Ambasadën e Gjermanisë, përfaqësuesit e Bashkimit Europian në Shkup, si dhe Shoqatën e Gazetarëve të Maqedonisë (SHGM).

Liria e fjalës dhe siguria personale nuk janë për t’u negociuar.
Askush nuk do të më frikësojë me skema të pista dhe kërcënime që i përkasin mafies, jo politikës.

Ky nuk është vetëm sulm ndaj meje si individ, por një sinjal i qartë se si trajtohen zërat e lirë në këtë vend. Por të më heshtni, duhet të më ndalni gjallë.
Dhe kjo nuk do të ndodhë!” ka shkruar Nevrij Ademi.