“Sarandina” përsëri humb edhe me Nevzat Bejtën: Debakëll 2:1 në vendvotimin e saj

Saranda Imeri ka pësuar një tjetër humbje të thellë në vendvotimin e saj, kësaj radhe në zgjedhjet e 11 janarit, ku bashkë me kandidatin Nevzat Bejta u mposhtën me rezultat 2:1. Kjo disfatë vjen pas zgjedhjeve të 19 tetorit, kur Imeri pësoi një humbje të rëndë duke siguruar vetëm 30 vota.

Deputetja, e njohur për komentet dhe postimet e shpeshta në rrjetet sociale, edhe kësaj here është përpjekur ta relativizojë rezultatin përmes reagimeve publike online. Megjithatë, shifrat nga vendvotimi i saj flasin qartë për mungesën e mbështetjes elektorale.

Analistët vlerësojnë se ky rezultat konfirmon trendin rënës të mbështetjes për Saranda Imerin në terren, pavarësisht prezencës së saj aktive në rrjetet sociale. Sipas tyre, komunikimi online nuk po përkthehet në vota reale, ndërsa elektorati po shpreh qartë qëndrimin e tij përmes kutive të votimit.

Zgjedhjet e fundit tregojnë se sfidat për Imerin dhe ekipin e saj mbeten të mëdha, ndërkohë që rezultatet në vendvotimin personal konsiderohen si tregues i rëndësishëm i besimit të qytetarëve.