Limani në avantazh të fortë në votimin e personave të pamundur, 116 ndaj 28

Burime nga shtabet zgjedhore bëjnë të ditur rezultatet nga votimi i personave të sëmurë dhe të pafuqishëm që votuan sot në Gostivar. Nga gjithsej 146 votues, 116 vota kanë shkuar për Valbon Limanin, 28 për Nevzat Bejtën, ndërsa 2 persona nuk kanë votuar.

Nga Komisioni Shtetëror i Zgjedhjeve (KSHZ) informojnë se në territorin e Gostivarit janë regjistruar 146 persona të sëmurë dhe të pafuqishëm që kanë votuar në shtëpi. Ndërkohë, sipas të njëjtave burime, 81 persona pritet të votojnë në burgje.

Rezultatet nga votimi në shtëpi japin sinjal të qartë politik dhe përforcojnë epërsinë e Valbon Limanit që në fazat e hershme të procesit zgjedhor.