Zv.kryeministri, Arben Fetai përmes një postimi në rrjetet sociale, ka njoftuar se sot Qeveria miratoi programin vjetor për ndërtimin dhe rinovimin e shkollave për vitin 2025. Me këtë, Kumanova po bëhet me një godinë të re dhe moderne për Gjimnazin Sami Frashëri, për të ndërtimin e së cilës kemi ndarë 118 milionë denarë.

Më poshtë mund ta lexoni të plotë njoftimin e Fetait.

Super lajm për Kuman vën – 118 milionë denarë për ndërtimin e objektit të ri të Gjimnazit Sami Frashëri
Jam krenar të njoftoj se për Kumanovën, e lënë në harresë për dy dekada, më në fund po realizohen projekte që do të ndryshojnë jetën e qytetarëve.
Sot, Qeveria miratoi programin vjetor për ndërtimin dhe rinovimin e shkollave për vitin 2025. Me këtë, Kumanova po bëhet me një godinë të re dhe moderne për Gjimnazin Sami Frashëri, për të ndërtimin e së cilës kemi ndarë 118 milionë denarë.
Ky është vetëm një nga projektet e shumta në programin tonë vjetor, ndër të cilat janë edhe:
Ndërtimi i shkollës fillore “Rilindja” në fshatin Sellcë, Tetovë.
Ndërtimi i një objekti të ri shkollor në fshatin Banjicë, Çashkë.
Rikonstruksioni i shkollës fillore “Mirko Mileski”, Kërçovë.
Rikonstruksioni i shkollës “Lirija”, fshati Zhitozhë, Dollnen.
Rikonstruksioni i shkollës “Nuri Mazari”, fshati Dellogozhdë, Strugë.
Rikonstruksioni i shkollës fillore “Fan Noli”, fshati Trebosh, Zhelinë.
Pas vendimit historik për investimin prej 34.5 milionë euro për ndërtimin e kampusit universitar Nënë Tereza, Qeveria e ndryshimit po tregon çdo ditë se është e përkushtuar për të sjellë ndryshime të prekshme në arsim dhe në çdo sektor tjetër, me qeverisje të ndershme, transparente dhe të orientuar drejt mirëqenies së qytetarëve.

Sekretari organizativ i Aleancës për Shqiptarët, krahu i Taravarit, Gadaf Uzairi gjatë ditës së sotme ka vizituar Kërçovën ku ka takuar strukturat e kësaj partie. Uzairi në postimin e tij shkruan se ASH në Kërçovë është si gjithmonë unike dhe e gatshme për sfidat e radhës, shkruan Top24

Nrdyshe dy ditë më parë në rrjetet sociale qarkulloi një lajm ku një anëtarë i degës së ASH-së, krahu i Taravarit ishte tërhequr nga strukturat e kësaj partie.

Ziandin Sela sonte kishte paralajmëruar takim me banorët e Gostivarit, por këta të fundit nuk e mirëpritën për të kuvenduar me të. Takimi i cili u zhvillua në Qendrën për Kulturë, banorët e Gostivarit mund të numëroheshin në gishtat e njërës dorë.

Kjo fiasko bëri që të kthejnë moton dhe nga kuvendojmë me gostivaras, e shtuan edhe me ata nga Komuna e Vrapçishtit pasi pjesa dërmuese e të pranishmëve vinin nga kjo komunë.

Numri i madh i fëmijëve dhe të rinj nën moshën me të drejtë vote, poashtu binte në sy, numri i të cilëve ishte gati 40 përqind nga të pranishmit.

Për ta vulosur dështimin e tij në Gostivar, nga fjalimi i lodhur i Selës që asgjë me pesh nuk thuhej, një pjesë e të pranishmive e lëshuan sallën.

Takimi i Selës në Gostivar sonte, në fakt i dha atij një leksion që gostivarasit e kanë birin e vetë që i besojnë dhe mbështesin, Arben Taravarin i cili ua solli fillimisht ndryshimin në qytetin e tyre pastaj edhe në nivel qendrorë.