Halil Snopçe, deputet nga radhët e VLEN ka replikuar partinë politike LEVICA të cilët kanë qenë të zëshëm kundër propozimit që kandidati shqiptar Afrim Gashi të jetë kryetar i Kuvendit të Maqedonisë së Veriut.

“Mendoj që është i papritur fjalimi i z. Amar, në lidhje me kryetarin e propozuar të Parlamentit. Fjalimi juaj ishte i sofizëm i pastër, i thjeshtë, nuk përmbante asgjë tjetër. Kur Sokrati iu drejtua Sofistëve me pyetje, çfarë është puna e juaj? Ata iu përgjigjën: “I nderuari sokrat ne po tentojmë ta shesim gënjeshtrën tonë më shtrenjt se sa e vërteta e juaj”. Pra çka është e vërteta? E vërteta është që edhe ju si grup si Levica ishit kundër Qeverisë së kaluar, por edhe kundër kryetarit të Kuvendit. Por e vërteta është që në këtë shtet të bëhet një ndryshim substancial dhe jo vetëm formal, të bëhet ndryshim cilësor jo vetëm sasior. Që të bëhet ky ndryshim e patjetërsueshme është të bëhet ndryshimi formal. Ky ndryshim është instalim i atyre vlerave. Menjëher të dalish dhe të konstatosh një propozim për kryetar parlamenti, për një personalitet me vlera, të dëshmuar, qoftë moralisht qoftë profesionalisht është e pakuptimtë. Si do ta çlirojmë shtetin nga pushteti nëse nuk i bëjmë ndryshimet substanciale? Si do e bëjmë çlirimin pa e bërë ndryshimin?”

Kryetari i BDI-së Ali Ahmeti tha se nuk ka arsye për të shkarkuar Artan Grubin, Fatmir Besimin e Nazim Bushin nga postet partiake.

I pyetur nëse do të shkarkojë këta emra për shkak të përgjegjësisë për rezultatin zgjedhor, Ahmeti tha se ata do të vazhdojnë në BDI sepse nuk ka arsye për shkarkimin e tyre.

Nga Saranda Imeri Stafai, depuete e koalicionit VLEN

Nga kjo distancë kohore, duket qartë që BDI çdo punë e ka bërë me skenar me qëllim që punët e tyre të duken madhore, madje duke e rrezikuar edhe jetën e njërit prej partnerëve të koalicionit të tyre. Atë kohë skandali u orkestrua mes BDI-së dhe VMRO-së së Gruevskit, ndërsa sot po kjo BDI “patriote”, braktis seancën dhe nuk e votoi propozimin që Afrim Gashi të jetë kryeparlamentar.

Kujtojmë që të revoltuarit e seancës ishin vetëm deputetët e Levicës ultranacionaliste dhe deputetët e Frontit Evropian.
Afrim Gashi u zgjodh në formë paqësore dhe qytetare, pa asnjë incident dhe pa shumë rrahje gjoksi se ja çfarë bëjmë ne, me një mbështetje prej 76 kuvendarëve të cilët ishin pro propozimit që Gashi të jetë kryeparlamentar.