Lajme

Kryeziu Hyseni: Osmani nuk meriton votën shqiptare për president, po qëndron përkrah Serbisë! “Taravari i vetmi kundër shtrirjes së ndikimit ruso-serb në rajon

Published

1 year ago

April 15, 2024

Admin01

U dëshmua përfshirja e Serbisë në sulmin në Banjskë, por Bujar Osmani nuk e rishqyrtoi pjesëmarrjen në Ballkan të Hapur, madje përkundrazi sipas Kryetares së Komisionit për Politikë të Jashtme të Kuvendit të Kosovës, Arbëreshë Kryeziu Hyseni ai as që u interesua për hetimin e Policisë së Kosovës, e relativizoi situatën dhe nuk e dënoi sulmin në Banjskë të Zveçanit asnjëherë.

“Hetimi i Policisë së Kosovës është përshëndetur nga partnerët ndërkombëtarë, përfshirë sa u përket dëshmive që i ndërlidhin sulmuesit me shteti serb. Është për keqardhje që Bujar Osmani si Ministër i Jashtëm i Maqedonisë së Veriut asnjëherë nuk e dënoi sulmin e Banjskës por mbajti vazhdimisht pozicion neutral dhe relativizues. Ai madje as nuk ka shfaqur ndonjë interesim për rezultatet e hetimit të Policisë së Kosovës që dëshmojnë përfshirjen shtetërore serbe. Rrjedhimisht, Maqedonia e Veriut ka ngelur e vetme në Ballkanin e Hapur bashkë me Serbinë” shkruan Kryeziu Hyseni në facebook.

Ajo shton më tej se Osmani si mbrojtës dhe përfaqësues i Ballkanit të Hapur nuk meriton votën e shqiptarëve në garën presidenciale të 24 prillit.

“Arben Taravari është rreshtuar përkrah Kosovës e kundër shtrirjes së ndikimit ruso-serb në rajon.
Me këto zgjedhje, vëllezërit tanë në Maqedoninë e Veriut duhet ta mbyllin faqen e Ballkanit të Hapur dhe të hapin faqen e ndryshimit duke hapur një rrugë të re kombëtare, që vlen”, theksohet në postimit e Kryetares së Komisionit për Politikë të Jashtme të Kuvendit të Kosovës.

Ky reagim i Arbëreshë Kryeziu Hysenit vjen pasi disa ditë pas sulmit paramilitar në Banjskë të Zveçanit, ish-Ministri i Jashtëm i Maqedonisë së Veriut, Bujar Osmani pati deklaruar se Serbia duhet të dëshmojë se nuk kishte përfshirje shtetërore, përndryshe Maqedonia e Veriut do të rishqyrtonte pjesëmarrjen në nismën Ballkani i Hapur, ndërsa më 24 prill bëhen 6 muaj nga ky sulm.

Lajme

BDI: VLEN vegël e VMRO për të sulmuar regjistrimin dhe gjuhën shqipe

Published

2 hours ago

June 30, 2025

Admin01

Bashkimi Demokratik për Integrim ka reaguar ashpër ndaj, siç e cilëson, një strategjie të re të orkestruar nga partitë maqedonase VMRO-DPMNE dhe ZNAM, përmes bashkëpunimit me partitë e vogla shqiptare të mbetura nga koalicioni VLEN, me qëllim që të zhbëhet barazia ndëretnike në Maqedoninë e Veriut.

Në një komunikatë për media, BDI shpreh “shqetësim të thellë” për atë që e quan një “fushatë të rrezikshme dhe të paprecedentë” kundër procesit të regjistrimit të popullsisë – një element kyç për funksionimin demokratik dhe multietnik të shtetit.

“Po shohim një model të rrezikshëm që po përsëritet me një skenar të qartë,” thuhet në reagimin e BDI-së, duke kujtuar rastet e mëparshme kur, sipas partisë, sulmet ndaj institucioneve që burojnë nga Marrëveshja e Ohrit kanë ndjekur një logjikë të përsëritur: fillimisht relativizim nga partitë shqiptare të vogla, më pas anulim nga partitë maqedonase.

BDI përmend shembuj konkretë si Balancuesin administrativ, përdorimin e gjuhës shqipe dhe tashmë regjistrimin e popullsisë – të gjitha, sipas tyre, nën shënjestër për të dobësuar themelet e barazisë.

“BDI e denoncon me forcë këtë qasje si një strategji të mirëkoordinuar për të dobësuar themelet e barazisë në këtë shtet,” thekson komunikata, duke i bërë thirrje qytetarëve shqiptarë dhe të gjithë faktorëve të përgjegjshëm ta kuptojnë rrezikun e këtij modeli të ri që prodhon ndasi, mohim dhe tension.

Partia thekson se do të vazhdojë të qëndrojë në mbrojtje të barazisë, përfaqësimit dhe vlerave të Marrëveshjes së Ohrit, e cilësuar si themeli i paqes dhe bashkëjetesës ndëretnike në vend.

Lajme

Nafta më e lirë nga 1 Korriku – Ulen çmimet e të gjitha derivateve!

Published

2 hours ago

June 30, 2025

Admin01

Komisioni Rregullator për Energjetikës (KRRE) solli vendim, me të cilin bëhet ulja e çmimeve të shitjes me pakicë të derivateve të naftës, mesatarisht për 2,30 % në raport me vendimin e datës 27.06.2025.

Nga data 01.07.2025 nga ora 00:01 çmimet maksimale të derivateve të naftës do të jenë:

EUROSUPER BS – 95 75,50 (denarë/litër)
EUROSUPER BS – 98 77,50 (denarë/litër)
EURODIZEL BS (D-Е V) 69,50 (denarë/litër)
Vaj për djegie Ekstra i Lehtë 1 (EL -1) 69,50 (denarë/litër)
Mazut М-1 SU 39,583 (denarë/kilogram)

Çmimet e shitjes me pakicë të benzinës EUROSUPER BS – 95 dhe EUROSUPER BS – 98 ulen për 2,00 den/litër.
Çmimi i shitjes me pakicë të EURODIZEL (D-E-V) ulet për 1,00 den/litër.

Çmimi i shitjes me pakicë të Vajit Ekstra të Lehtë për amvisëri (EL-1) ulet për 2,50 den/litër.
Çmimi i shitjes me pakicë të Mazut М-1 SU ulet për 0,605 den/kg dhe tani do të jetë 39,583 den/kg.

Theksojmë se këto janë çmimet maksimale të derivateve të naftës që nga ora 00:01 e datës 01.07.2025.

Lajme

Halili nga ASH: Investimet anashkalojnë zonat shqiptare – Pabarazi dhe dështim

Published

2 hours ago

June 30, 2025

Admin01

Deri më sot nuk ka asnjë investim të huaj në komunat me shumicë shqiptare – një dështim i qartë i politikës ekonomike, vuri në dukje
Arben Halili në konferencën për media.

“Ministri i Ekonomisë bën propagandë me vetëpunësim, por asnjë investim nuk ka shkuar në vendbanimet shqiptare. Kjo është fyerje për rajonin dhe për votuesit.”, shtoi Halili nga Aleanca për Shqiptarët.