Lajme

Qoku nga Kumanova: Erdhi dita Ali opozita

Published

1 year ago

April 14, 2024

Admin01

Deputeti nga radhët e Vetëvendosjes në zonën numër 6, Bekim Qoku mbrëmë në Kumanovë deklaroi se 24 prilli e 8 maji do të jetë fitore të mëdha për VLEN dhe të gjithë qytetarët e vendit, përcjell agjencia e lajmeve INA.

“Koalicioni VLEN nuk ka dyshim se do të fitoj. Këtë e kemi parë kudo përgjatë këtyre 20 ditëve fushatë, në hapjen e shtabeve tona në të gjithë zonat i kemi shëndrruar në tubime masive dhe evente festive.

24 prilli e 8 maji do të jetë fitore të mëdha për VLEN që do të thotë fitore për qytetarin, për bujkun për punëtorin, mjekun, studentin, mësuesin për të gjithë, sepse shteti është i gjithve dhe duhet të jetë i gjithve.

Të njëjtën gjë po e shohim edhe këtu në Kumanovë sonte. Këtu nga Kumanova po shohim se fryma e ndryshimit po ndjehet shumë fort prej jush dhe këtu po shihet drita e shpresës. Këtë shpresë e besim e kemi parë edhe ne si anëtarë të Vetëvendosjes në Kosovë në shkurtin e vitit 2021.

Pyetja është e thjeshtë a jemi për frontin e Vuciqit apo jemi për vlerat dhe parimet e Albin Kurtit?
A jemi për hajninë apo jemi për investim dhe zhvillim?
A jemi për krimin apo për moralin dhe drejtësinë?

Vota jonë kësaj herë nuk do të jetë votë vetëm për shqiptarët e Maqedonisë por për gjithë rajonin, sepse më 24 prill dhe 8 maj ne do të votojmë për Evropën e hapur dhe jo për Ballkanin e hapur ndaj serbëve dhe rusëve. Ali Ahmetin gjithmon e tmerron dhe e ka tmerruar ideja e opozitës. Ai ka reaguar me forcë sa herë që dikush I ka përmendur se duhet të shkoj në opozitë. Kjo e ka detyruar gjithmon Aliun që të bëjë pakt me djallin.

Në sonte nga Kumanova do ti themi: Erdhi dita Ali opozita”, është shprehur Qoku. (INA)

Lajme

BDI: VLEN vegël e VMRO për të sulmuar regjistrimin dhe gjuhën shqipe

Published

23 minutes ago

June 30, 2025

Admin01

Bashkimi Demokratik për Integrim ka reaguar ashpër ndaj, siç e cilëson, një strategjie të re të orkestruar nga partitë maqedonase VMRO-DPMNE dhe ZNAM, përmes bashkëpunimit me partitë e vogla shqiptare të mbetura nga koalicioni VLEN, me qëllim që të zhbëhet barazia ndëretnike në Maqedoninë e Veriut.

Në një komunikatë për media, BDI shpreh “shqetësim të thellë” për atë që e quan një “fushatë të rrezikshme dhe të paprecedentë” kundër procesit të regjistrimit të popullsisë – një element kyç për funksionimin demokratik dhe multietnik të shtetit.

“Po shohim një model të rrezikshëm që po përsëritet me një skenar të qartë,” thuhet në reagimin e BDI-së, duke kujtuar rastet e mëparshme kur, sipas partisë, sulmet ndaj institucioneve që burojnë nga Marrëveshja e Ohrit kanë ndjekur një logjikë të përsëritur: fillimisht relativizim nga partitë shqiptare të vogla, më pas anulim nga partitë maqedonase.

BDI përmend shembuj konkretë si Balancuesin administrativ, përdorimin e gjuhës shqipe dhe tashmë regjistrimin e popullsisë – të gjitha, sipas tyre, nën shënjestër për të dobësuar themelet e barazisë.

“BDI e denoncon me forcë këtë qasje si një strategji të mirëkoordinuar për të dobësuar themelet e barazisë në këtë shtet,” thekson komunikata, duke i bërë thirrje qytetarëve shqiptarë dhe të gjithë faktorëve të përgjegjshëm ta kuptojnë rrezikun e këtij modeli të ri që prodhon ndasi, mohim dhe tension.

Partia thekson se do të vazhdojë të qëndrojë në mbrojtje të barazisë, përfaqësimit dhe vlerave të Marrëveshjes së Ohrit, e cilësuar si themeli i paqes dhe bashkëjetesës ndëretnike në vend.

Lajme

Nafta më e lirë nga 1 Korriku – Ulen çmimet e të gjitha derivateve!

Published

30 minutes ago

June 30, 2025

Admin01

Komisioni Rregullator për Energjetikës (KRRE) solli vendim, me të cilin bëhet ulja e çmimeve të shitjes me pakicë të derivateve të naftës, mesatarisht për 2,30 % në raport me vendimin e datës 27.06.2025.

Nga data 01.07.2025 nga ora 00:01 çmimet maksimale të derivateve të naftës do të jenë:

EUROSUPER BS – 95 75,50 (denarë/litër)
EUROSUPER BS – 98 77,50 (denarë/litër)
EURODIZEL BS (D-Е V) 69,50 (denarë/litër)
Vaj për djegie Ekstra i Lehtë 1 (EL -1) 69,50 (denarë/litër)
Mazut М-1 SU 39,583 (denarë/kilogram)

Çmimet e shitjes me pakicë të benzinës EUROSUPER BS – 95 dhe EUROSUPER BS – 98 ulen për 2,00 den/litër.
Çmimi i shitjes me pakicë të EURODIZEL (D-E-V) ulet për 1,00 den/litër.

Çmimi i shitjes me pakicë të Vajit Ekstra të Lehtë për amvisëri (EL-1) ulet për 2,50 den/litër.
Çmimi i shitjes me pakicë të Mazut М-1 SU ulet për 0,605 den/kg dhe tani do të jetë 39,583 den/kg.

Theksojmë se këto janë çmimet maksimale të derivateve të naftës që nga ora 00:01 e datës 01.07.2025.

Lajme

Halili nga ASH: Investimet anashkalojnë zonat shqiptare – Pabarazi dhe dështim

Published

46 minutes ago

June 30, 2025

Admin01

Deri më sot nuk ka asnjë investim të huaj në komunat me shumicë shqiptare – një dështim i qartë i politikës ekonomike, vuri në dukje
Arben Halili në konferencën për media.

“Ministri i Ekonomisë bën propagandë me vetëpunësim, por asnjë investim nuk ka shkuar në vendbanimet shqiptare. Kjo është fyerje për rajonin dhe për votuesit.”, shtoi Halili nga Aleanca për Shqiptarët.