A mendon ende kryeministri Hristijan Mickoski se Izet Mexhiti, partneri i tij i koalicionit nga VLEN, si kryetar i Çairit ka marrë provizion prej 450 mijë eurosh për sheshin “Skënderbeu”, ashtu siç akuzonte VMRO-DPMNE kur ishte në opozitë? Publikonin shifra, skandale e afera për shpërdorimet në pushtetin lokal, ndërsa sot janë partnerë besnikë të qeverisë. Nëse Mickoski ka harruar, opinioni e mban mend mirë kur deputeti i VMRO-DPMNE-së, Antonio Miloshoski, publikisht shpaloste akuza kundër Mexhitit për korrupsion, abuzime, krime dhe provizione të rënda prej 450 mijë eurosh. Mickoski dhe VMRO-DPMNE duhet t’u përgjigjen pyetjeve që janë të pashmangshme dhe të interesit publik: • A heq dorë Mickoski nga deputeti i tij Antonio Miloshoski dhe pretendimet e tij, vetëm për ta shpëtuar Mexhitin? • A beson ende VMRO-DPMNE në akuzat e veta ndaj Mexhitit, apo atëherë kritika ishte vetëm populizëm i lirë? • A është gati kjo parti t’i mbyllë sytë para të gjitha atyre pretendimeve për krim, vetëm për të qëndruar në pushtet? Dhe më e rëndësishmja: a është flijuar interesi i popullit për karriget dhe funksionet e tyre? Aleanca për Shqiptarët rikujton: lufta kundër korrupsionit nuk është objekt pazari. Nuk ka kompromis me krimet e dyshuara, as alibi për dyfytyrësi politike. Ka ardhur koha që VMRO-DPMNE të zgjedhë qartë: sundim të ligjit apo mbrojtje të rehatisë së koalicionit. Qytetarët nuk do të pranojnë standarde të dyfishta – një gjë të flisni kur jeni në opozitë, dhe krejt tjetër të bëni sapo të uleni në pushtet. Nëse VMRO-DPMNE vërtet do të paraqitet si bartëse e ndryshimeve, duhet publikisht dhe pa kalkulime të tregojë: a do të qëndrojë në anën e drejtësisë apo do të mbetet bashkëfajtore në praktikat korruptive që vetë i denonconte. Aleanca për Shqiptarët

VIDEO LINK NGA DEKLARATA E MILLOSHOVSKIT: https://wetransfer.com/downloads/293903f41a359828b4c466506b23882c20250904074808/eb0f4decf459b9a362add3444382d88720250904074809/2c85f7?t_exp=1757231289&t_lsid=396598c5-0560-40c8-8b14-7422e3a152bd&t_network=email&t_rid=Z29vZ2xlLW9hdXRoMnwxMTEwOTk4MjkwNjc5NzYzNTY4OTM=&t_s=download_link&t_ts=1756972089

Sekretari i Aleancës për Shqiptarët, Blerant Ramadani, ka reaguar pas sulmit ndaj dy nxënësve shqiptarë në Tetovë, të cilët u dhunuan brutalisht nga një grup huliganësh të organizuar, të njohur si pjesëtarë të grupit “Vojvoda”.

“Dënojmë me ashpërsinë më të madhe sulmin barbar ndaj dy nxënësve shqiptarë në Tetovë. Ky akt i shëmtuar është dhunë me motive etnike dhe një sinjal alarmi për sigurinë e qytetarëve shqiptarë në vend. Dy të rinj sot ndodhen në spital si pasojë e këtij akti kriminal,” ka deklaruar Ramadani.

Ai ka kërkuar reagim të menjëhershëm nga institucionet e rendit dhe drejtësisë, duke theksuar se “heshtja ose relativizimi i këtij rasti është bashkëfajësi”.

“Shteti nuk mund të lejojë që grupe paramilitare dhe ekstremiste të shëtisin lirshëm e të rrahin fëmijët tanë,” shtoi ai.

Ramadani theksoi se Aleanca Kombëtare për Integrim do të qëndrojë pranë familjeve të viktimave dhe do të përdorë të gjitha mjetet demokratike për të kërkuar drejtësi. “Siguria e qytetarëve tanë nuk është opsion, është detyrim i shtetit,” përfundoi ai.

Bit Pazari nuk është vetëm një treg. Ai është zemra e Çairit dhe simbol i Shkupit. Prej dekadash aty takohen breza, aty ushqehen familje dhe aty njerëzit me punën e tyre të përditshme sigurojnë jetesën. Mirëpo, dihet se kushtet në të cilat punojnë tregtarët nuk janë të denja për mundin që ata japin. Është koha që kjo të ndryshojë. Kështu ka thënë sot gjatë një vizite në Bit Pazar, Bujar Osmani, kandidati i Aleancës Kombëtare për Integrim, ndërsa ka prezantuar Programin për kushte më të mira për tregtarët në këtë treg më të madhin në Shkup.

Një nga hapat e parë, ka thënë Osmani, është zgjidhja e problemit të parkimit. “Në afërsi të tregut do të ndërtohet një garazh me kate, me një çmim simbolik për tregtarët dhe kushte të përballueshme për blerësit. Kjo do të sigurojë qasje më të lehtë, më shumë vizitorë dhe qarkullim më të madh. Po ashtu, do të investohet në higjienë dhe siguri. Do të ketë pastrim të rregullt, ndriçim modern dhe video-mbikëqyrje. Bit Pazari duhet të jetë njëkohësisht i pastër dhe i sigurt – kjo është në interes të tregtarëve, të blerësve dhe të gjithë qytetarëve. Bit Pazari do të shndërrohet edhe në një atraksion turistik. Me një plan të përgatitur nga arkitekti botëror Michel Rojkind, do të hartohet një projekt që do të ruajë shpirtin dhe trashëgiminë e tregut, por do ta forcojë atë me kushte të denja për shekullin XXI”.
Më e rëndësishmja, ka shtuar ai, është se çdo ndryshim do të bëhet me transparencë dhe në konsultim me palët e interesuara.

“Do të formohet një këshill i tregtarëve që do të jetë partner i Komunës në procesin e vendimmarrjes dhe mbrojtjes së interesave të përgjithshme. Jam i bindur se me këto masa konkrete, Bit Pazari do të bëhet krenari e Çairit dhe e tërë Shkupit. Këto nuk janë fjalë boshe, por pjesë e një programi të qartë, me afate të caktuara dhe projekte konkrete. Së bashku do të ndërtojmë një Bit Pazar me të cilin do të krenohemi të gjithë: tregtarët, Komuna dhe Shkupi si shtëpia jonë e përbashkët”, u shpreh Bujar Osmani.