Lajme

Në BDI e Tetovës shpërthen revola, as Faton Ahmeti në kombin për deputet

Published

1 year ago

25.03.2024

Admin01

Në qytetin më të madh të shqiptarëve, BDI nga radhët e veta në Tetovë, nuk do nxjerr asnjë deputet.

Në Njësin e Gjashtë Zgjedhore, siç bëjnë të ditura informacionet tona, listën do ta kryesojë vetë lideri i BDI-së Ali Ahmeti, ndërsa pas tij do të jetë Talat Xhaferi. Vendin e tretë e kanë të rezervuar për gjininë femëror që ende emri nuk është caktuar, por me gjasë ajo do ti takojë Ilire Dautit të Ziadnin Selës që pritet poashtu të bëhet pjesë dhe të garojë me listat e BDI-së.

Në pozitën e katërt do të jetë lideti i PDSH-së, Mendu Thaçi, kurse pas tij do të jetë lideri i partisë turke, PDT, Bejxhan Iljaz.

Nga qyteti i Tetovës në pozitat fituese nuk pritet të ketë kandidat për deputet nga radhët e BDI-së, as edhe për kryetarin e Degës dhe Sekretarin Gjeneral Faton Ahmeti. Kjo gjë ka shkaktuar pakënaqësi dhe shprëthim të revoltës e cila në ditët në vijm, siç thotë burimi jonë, do të eskalojë edhe më tej.

Nga Dega e BDI-së në Tetovë thonë se lideri Ahemti duke anashkaluar kuadrot e partisë nga Tetova po i pozicionon liderët e partive të tjera politike të cilat kanë siç shprehen, një grusht vota.

Mbetet për tu parë ditëve në vijim se si do zhvillohen ngjarjet dhe nëse Ahemtit do i del apo jo për hajr i ashtuquajturi fronti i tij evropian.

Lajme

Aleanca për Shqiptarët dënon ashpër sulmin ndaj gazetarit Naser Selmani

Published

4 hours ago

03.09.2025

Admin01

Aleanca për Shqiptarët shpreh indinjatën më të thellë dhe dënon fuqishëm sulmin e fundit ndaj gazetarit Naser Selmani.

Ky akt i shëmtuar është përpjekje e drejtpërdrejtë për ta frikësuar zërin e lirë dhe për ta heshtur mendimin kritik në shoqërinë tonë.

Dita ditës po shohim rritje të presionit dhe të dhunës ndaj gazetarëve, ndërkohë që kjo qeveri vazhdon të mbyllë sytë dhe të qëndrojë pasive para këtyre fenomeneve të rrezikshme. Heshtja institucionale është e barabartë me bashkëfajësi.

Liria e shprehjes dhe e medias është themel i çdo shoqërie demokratike. Sulmet ndaj gazetarëve nuk janë vetëm kërcënim ndaj individëve, por sulm ndaj të gjithë qytetarëve dhe të drejtës së tyre për t’u informuar lirshëm e pa frikë.

Aleanca për Shqiptarët kërkon hetim të shpejtë, transparencë të plotë dhe përgjegjësi ligjore ndaj autorëve dhe urdhërdhënësve të këtij akti kriminal. Ne shprehim solidaritet të plotë me gazetarin Naser Selmani dhe do të qëndrojmë gjithmonë në mbrojtje të fjalës së lirë dhe demokracisë në vendin tonë.

Aleanca për Shqiptarët

Lajme

Ambasadori Denion Meidani i jep mbështetje Naser Selmanit

Published

4 hours ago

03.09.2025

Admin01

Ambasadori i Shqipërisë në Maqedoni të Veriut, Denion Meidani, ka shprehur solidaritet me gazetarin Naser Selmani pas aktit të dhunës ndaj automjetit të tij në Shkup, njofton Top24

“Solidaritet me gazetarin Naser Selmani. Dhuna dhe kërcënimet ndaj gazetarëve janë sulm ndaj fjalës së lirë dhe demokracisë. Organeve hetimore u takon ta zbardhin rastin pa vonesë. Falenderoj Unionin e Gazetarëve Shqiptarë për reagimin!”, ka theksuar Meidani në reagimin e tij publik.

Lajme

Taravari dënon ashpër sulmin ndaj gazetarit Naser Selmani

Published

5 hours ago

03.09.2025

Admin01

Kryetari i Aleancës për Shqiptarët, Arben Taravari, ka dënuar ashpër sulmin ndaj gazetarit Naser Selmani, duke e cilësuar atë si një akt që i shtohet dhunës së rritur ndaj medias së lirë në vend.

“Dënoj ashpër sulmin ndaj gazetarit Naser Selmani, sulm i cili i shtohet dhunës që është rritur ndjeshëm ndaj medias së lirë. Kjo dhunë jep dy mesazhe të qarta: së pari, jetojmë në diktaturë – fatkeqësisht; së dyti, kjo diktaturë i ka ditët e numëruara. Edhe pse pushteti merret me Naserin, prapë fiton Naseri”, ka deklaruar Taravari.

Ai ka theksuar se liria e medias është vlerë themelore e demokracisë dhe se çdo tentim për ta mbytur atë përbën sulm ndaj qytetarëve dhe së drejtës së tyre për informim.

https://www.facebook.com/share/p/16CrNZLa4j/?mibextid=wwXIfr