Lajme

Snopçe: Nëse BDI për 22 vjet është në pushtet, kush është përgjegjës për përfshirjen e Rusisë në Maqedoni?

Published

2 years ago

26.02.2024

Admin01

Deputeti nga radhët e Aleancës për Shqiptarët, Halil Snopçe në emisionin “ClickPlus” tha se BDI po flet si parti opozitare dhe është pikërisht kjo parti e cila duhet të japë llogari për përfshirjen e Rusisë në partitë politike, mediat, shoqërinë e Maqedonisë, infrastrukturën dhe në ekonominë e vendit.

“Ali Ahmeti tha se Rusia është prezente në partitë politike në vendin tonë, në mediat tona, në shoqërinë tonë, në infrastrukturë dhe në ekonominë tonë. BDI po flet si parti opozitare dhe jo si parti që për 22 vjet është në pushtet”, tha Snopçe.

Sipas tij, në qoftë se Rusia është prezente aq thellë në instanca shtetërore, parashtrohet pyetja se çka ka bërë Ali Ahmeti dhe BDI-ja.

“BDI nuk është opozitë, ata janë bashkfajtorë të përfshirjes së Rusisë në vend. Nëse Rusia ka hyrë aq thellë në vendin tonë, qytetarët janë ata që duhet ta bëjnë ndryshimin për një parti tjetër, për një front tjetër që do ta ndalojë përfshirjen e Rusisë”, thotë Snopçe.

Snopçe shtoi se BDI-ja në pushtet ka bërë që të mos vendosen sanksione ndaj Rusisë, dhënien e pasaportës për narkodilerin rus Onisçenkon rritjen e shkëmbimin tregtar me Rusinë, rastin Daka – Davidkoviç dhe se Bujar Osmani ka bërë të mundshme ardhjen e Lavrovit në Shkup.

Lajme

Ambasada e SHBA-së në Prishtinë – Deklaratë për Njoftimin e Ndërprerjes së Dialogut Strategjik me Kosovën

Published

25 minutes ago

12.09.2025

Admin01

Ambasada në Prishtinë – Deklaratë për Njoftimin e Ndërprerjes së Dialogut Strategjik me Kosovën

Shtetet e Bashkuara kanë pezulluar në mënyrë të pakufizuar Dialogun e planifikuar Strategjik me Kosovën për shkak të shqetësimeve lidhur me veprimet e qeverisë kujdestare, të cilat kanë rritur tensionet dhe paqëndrueshmërinë, duke kufizuar aftësinë e Shteteve të Bashkuara për të punuar në mënyrë produktive me Kosovën mbi prioritetet e përbashkëta.

Ne mbetemi të përkushtuar për të avancuar interesat e përbashkëta që ndajnë Shtetet e Bashkuara dhe populli i Kosovës. Marrëdhënia jonë me Kosovën bazohet në një qëllim të përbashkët: forcimin e paqes dhe stabilitetit si bazë për prosperitet ekonomik të ndërsjellë. Fatkeqësisht, veprimet dhe deklaratat e fundit të Kryeministrit kujdestar Kurti kanë sjellë sfida për progresin e arritur gjatë shumë viteve.

Dialogu strategjik kishte për qëllim forcimin e lidhjeve ekonomike dhe diplomatike për përfitim të popullit amerikan dhe atij kosovar. Shpresojmë të ndjekim këto përpjekje në të ardhmen, kur të jetë e përshtatshme. Ne e dimë se ky është një qëllim i prioritet i popullit të Kosovës.

https://www.facebook.com/share/p/17GZJkHUJS/?mibextid=wwXIfr

Lajme

Qoku -Mislimit: Je militantē i BDI-sē, Mislimi: Më mirë i BDI-së se Serbisë

Published

31 minutes ago

12.09.2025

Admin01

Pas publikimit të mbrëmshëm nga Bekim Qoku se komuna e Tetovës ka marrë donacion prej një kompanie serbe për ndërtimin e kishës në Tetovë një debat në rrjetet sociale ka plasur mea gazetarit Rami Mislimi dhe deputetit Bekim Qoku. Në reagimin e tij Qoku i shkruan Mislimit se ke militant i BDI-së pasi Mislimi i reagoi në një arsyetim të Qokut. Pas këtij komenti reagimi i gazetarit Mislimi ishte i nenjëhershëm duke i shkruar Qokut se më mirë militant i BDI-së se sa një militant i Serbisë, shkruan Top24

Lajme

Blerant Ramadani premton Saraj 100% të pastër brenda 100 ditëve

Published

36 minutes ago

12.09.2025

Admin01

Kandidati i AKI-së për Komunën e Sarajit, Blerant Ramadani, ka premtuar se brenda 100 ditëve të para të mandatit të tij do të zgjidhë problemin e papastërtisë në komunë.

“Një Saraj 100% i pastër, pa asnjë deponi ilegale”, ka shkruar Ramadani në një postim në rrjetet sociale, duke theksuar fokusin e tij në pastërtinë dhe mirëqenien e qytetarëve.