Connect with us

Lajme

Shaqiri: Këto zgjedhje i fiton opozita shqiptare

Published

7 months ago

on

Ish nënkryetari i Kuvendit, Hysni Shaqiri, beson se bashkimi i opozitës shqiptare i ka rritur mundësitë për mposhtjen e BDI-së në zgjedhjet e 8 majit.

Në intervistën, në lajmet qendore të televizionit Alsat, Shaqiri tha se bashkërendimi i aktiviteteve politike të opozitës shqiptare është hap shumë pozitiv.

“Shqiptarët do të duhet të bëjmë çmos, kudo që jetojnë që ta luftojnë përçarjen mes vete. Këtë hap që e bëri Aleanca në krye me Arben Taravarin, e mori guximin që ta formojë një bllok opozitar, ky është një hap shumë pozitiv si në rrafshin kombëtar, ashtu edhe në rrafshin politik. Ka krijuar premisa që këto zgjedhje të fitohen nga opozita. Unë këtë bindje e kam. Kë do ta fitojnë? Do ta fitojnë një të keqe, ajo është BDI-ja”, tha Shaqiri.

Sa i përket zgjedhjeve presidenciale, Shaqiri, tha se partitë shqiptare as këtë herë nuk arritën të dalin me një kandidat të përbashkët. Sipas tij, kandidati Arben Taravari meriton mbështetjen e të gjithë shqiptarëve.

“Sa i përket kandidaturave për president, shqiptarët asnjëherë nuk janë koordinuar. E them këtë në aspektin historik. Edhe këtë radhë ndodhi ashtu. Grumbullimi i votave për një kandidat ka qenë në interes të të gjithë procesit zgjedhor, edhe për të bërë diçka më tepër që do të tregonte në njëfarë forme se shqiptarët mund të koordinohen dhe mund të jenë faktor serioz edhe në organizimin e procesit zgjedhor. Unë mendoj se meqë doli i pari Arben Taravari, ai duhet të mbështetej nga të gjithë shqiptarët, pavarësisht përkatësisë partiake”, tha Shaqiri në intervistë në Alsat.

Related Topics:
Continue Reading

Lajme

Mexhiti: Shumë deputetë të opozitës duan të jenë pjesë e qeverisë, kjo do të ndodhë!

Published

16 hours ago

on

September 22, 2024

By

Zëvendëskryeministri i parë i Maqedonisë së Veriut, Izet Mexhiti në një intervistë për Radion Evropën e Lirëka komentuar edhe zërat e rritjes së shumicës parlamentare.

Radio Evropa e Lirë: Si ju ashtu edhe kryeministri shpallni një rritje të mazhorancës parlamentare, por asnjë deputet nuk ka kaluar në anën tjetër. Keni hequr dorë nga ideja për të bindur deputetët?

Izet Mexhiti: Jo, ka komunikim. Më shumë deputetë nga opozita po komunikojnë dhe duan të jenë pjesë e mazhorancës së re. Mendoj se, nuk e di datën, por do të ndodhë.

Continue Reading

Lajme

Vendosja e tabelës me mbishkrimin edhe në gjuhën shqipe, Gadaf Uzairi: Pak fjalë e shumë punë!

Published

3 days ago

on

September 20, 2024

By

Sekretari organizativ i Aleancës për Shqiptarët, Gadaf Uzairi përmes një postimi në profilin e tij në facebook njofton se sot është vendos tabela me mbishkrimin edhe në gjuhën shqipe në vendkalimin kufitar Bllacë.

“Pak fjalë e shumë punë!!”, ka shkruar Uzairi.

Kujtojmë që para disa ditëve në këtë vendkalim ishte hequr tabela me mbishkrimin në gjuhën shqipe dhe ishte vendosur vetëm ajo në gjuhën maqedonase.

Continue Reading

Lajme

Taravari: Unë z.Selën dhe z.Ahmetin nuk i kuptoj pse tash ju kujtohet se në Gjykatën Kushtetuese duhet të ketë badenter

Published

3 days ago

on

September 20, 2024

By

Kryetari i Aleancës për Shqiptarët,Arben Taravari nga koalicioni VLEN në një dalje për media foli edhe për vendimin e Gjykatës Kushtetuese për pauzimin e balancuesit, përcjell TV21. Taravari theksoi se ai, por askush tjetër nuk mund të përzihet në vendimet e Gjykatës Kushtetuese, por shtoi se vendimi duhej tëprolongohet dhe të sillej para ligji.

Në lidhje me këtë lexo: https://tv21.tv/pauzimi-i-balancuesit-reagojne-partite-shqiptare-pushtet-e-opozite/

“Unë nuk përzihem dhe askush nuk mund të përzihet në vendimet e Gjykatës Kushtetuese por në momente të caktuara, mendoj se duheshte të prolongoheshte pak ky vendim dhe të sillet paraligji. Por sidoqoftë, ne tani e kemi inicuar, ekspertët tonë e përgatisin ligjin. Janë nga përfundimi, vetëm duhet të ulemi me partnerët e koalicionit ta sinkronizojmë dhe ta nxjerrim në Parlament.

Unë z.Selën dhe z.Ahmetin nuk i kuptoj pse tash ju kujtohet se duheshka në Gjykatën Kushtetuese të ketë badenter. Z.Sela si mik i afërt i z.Ahmetit, 22 vjet kanë pushtet absolut, lokal e qendror. Pse nuk e sollën një ligj si duhet për gjuhën shqipe? Pse nuk e sollën që me badenter të votohet edhe në Gjykatën Kushtetuese? A tash iu kujtua? A duhet t’u japim edhe 22 vite që ta bëjnë një gjë të tillë? Pse nuk e bënë deri tash? Të shesësh mjegulla dhe filozofi është shumë lehtë”, tha Arben Taravari – ministër i Shëndetësisë – VLEN.

Continue Reading

TOP Lajme