Kryetari i Aleancës për Shqiptarët Arben Taravari, në fjalimin e tijë që po mbahet në Konventën Promovuese të Aleancës Kombëtare për Integrim, në fjalimin e tjë ka theksuar se Ne jemi bërë bashkë sepse vendi ynë mbeti i bllokuar në rrugën Europiane.

Në tubimin madhështor të Frontit Europian, të mbajtur në sallën “Boris Trajkovski” në Shkup, një nga fjalimet më të fuqishme ishte ai i Skender Rexhepi-Zejdit.

Ai kujtoi zhvillimet politike të vitit 2008, kur shqiptarët rrëzuan qeverinë e atëhershme PDSH-VMRO, duke e krahasuar me pushtetin aktual.Shkruan Top24

“Historia po përsëritet. Tetëmbëdhjetë muaj zgjati qeveria VMRO-PDSH antishqiptare dhe qeveria pa legjitimitet. Ndërsa sot, po ju përgëzoj, sepse pikërisht po aq do të zgjasë edhe kjo qeveri pa legjitimitet, antishqiptare e VMRO-së,” theksoi Zejdi.

Ai shtoi se shqiptarët, njësoj si në vitin 2008, do të dinë të japin përgjigjen e merituar, duke e cilësuar këtë moment si një kthesë vendimtare për të ardhmen politike të vendit.

“Ata të cilët e sollën ndryshimin në vitin 2008, të cilët e flakën atë qeveri të qenurit shërptor të PDSH-së përballë Gruevskit, sot pikërisht jeni ju që do ta flakim këtë pushtet të qenurit shërptor i VLEN-it përballë pasardhësve të Gruevskit-Mickoskit,” tha Zejdi.

Me këtë mesazh, ai theksoi se historia po përsëritet dhe se shqiptarët përsëri janë në prag të një vendimi të madh politik, për ta ndalur, siç tha ai, një qeveri që nuk i shërben interesave të tyre kombëtare.

“Ju faleminderit, Zoti ju bekoftë të gjithëve,” përfundoi fjalimin e tij Zejdi, i shoqëruar nga duartrokitjet e zjarrta të të pranishmëve në sallë.

Në tubimin madhështor të AKI-së që sonte mbushi sallën “Boris Trajkovski” në Shkup, ka folur edhe shefi i shtabit qendror, Faton Ahmeti.

Në fjalimin e tij para mijëra mbështetësve, Ahmeti u shpreh i bindur se kandidatët e paraqitur nga kjo forcë politike janë “kandidat të shkëlqyer që do të sjellin fitoren e madhe të 19-tetorit”. Ai theksoi se shtabi në të gjitha nivelet është shembull i organizimit, bashkëpunimit dhe disiplinës.

“Çdo zë i juaj ka rëndësi, çdo hap i juaj është pjesë e fitores së madhe. Me përkushtim dhe energji, ne do të realizojmë fitoren e besëlidhjes sonë,” tha Ahmeti, duke i bërë thirrje të gjithë aktivistëve që të veprojnë si një trup i vetëm “para flamurit dhe idealit kombëtar”.

Ky mesazh u prit me entuziazëm të madh nga të pranishmit në sallën “Boris Trajkovski”, në një atmosferë festive e mobilizuese që dëshmon fuqinë organizative dhe mbështetjen masive që gëzon Aleanca për Shqiptarët./Top24/