Connect with us

Lajme

VLEN: Nesër fillon mbledhja e nënshkrimeve për Arben Taravarin

Published

7 months ago

on

Opozita shqiptare të hënën fillon grumbullimin e nënshkrimeve për kandidaturën e Arben Taravarit për president. Nga koalicioni VLEN thonë se janë tejkaluar të gjitha procedurat ligjore dhe programore brenda subjekteve për fillimin e nënshkrimeve. Ohran Muretezani deklaroi se nga dita e hënë do të vërehet se kush ka mbështetjen e qytetarëve, duke akuzuar BDI-në për grumbullimin e nënshkrimeve nëpër zyra partiake.

“Si fillim kemi tejkaluar të gjitha procedurat e brendshme brenda partive të koalicionit VLEN për aprovimin e kandidaturës së Taravarit. Pastaj i kemi respektuar të gjitha normat ligjore dhe e kemi deponuar kandidaturën në KSHZ. Ndërkohë kemi pasur si koalicion një qëllim që ta lëmë BDI-në që të bëjnë teatër politik dhe të shihet ndër ta paniku aq i madh për këto zgjedhje parlamentare dhe presidenciale duke filluar të mbledhin nënshkrime edhe nëpër selitë e partive të tyre. ndërsa neve u themi se nga nesër, ditë e hënë do të jenë dëshmitarë se si populli i mbledh nënshkrimet për kandidatin e opozitës, Arben Taravarin”, tha Orhan Murtezani, Koalicioni VLEN.

Thirrja për mbështetje i adresohet qytetarëve pa dallim të përkatësisë etnike dhe përcaktimeve politike. Kandidatura e Taravarit për president mbështetet nga Lëvizja Demokratike, Lëvizja Besa, Alternativa dhe përfaqësues të Lëvizjes Vetëvendosje në Maqedoni të Veriut. Ndërkohë kandidatët tjerë kanë vazhduar me grumbullimin e 10 mijë nënshkrimeve të nevojshme për të marrë pjesë në garën presidenciale edhe pse deri tani asnjëri prej tyre nuk ka siguruar firmat e mjaftueshme. Afati për dorëzimin e tyre në KSHZ përfundon më 8 mars.

Nga 13 kandidat sa janë paraqitur, vetëm dy prej tyre janë propozuar nga deputetët. Lista e kandidatëve të paraqitur mund të tkurret nga fakti se disa nga kandidatët mund të mos grumbullojnë nënshkrimet e nevojshme për të hyrë në garë./Alsat.mk

Related Topics:
Continue Reading

Lajme

Mexhiti: Shumë deputetë të opozitës duan të jenë pjesë e qeverisë, kjo do të ndodhë!

Published

12 hours ago

on

September 22, 2024

By

Zëvendëskryeministri i parë i Maqedonisë së Veriut, Izet Mexhiti në një intervistë për Radion Evropën e Lirëka komentuar edhe zërat e rritjes së shumicës parlamentare.

Radio Evropa e Lirë: Si ju ashtu edhe kryeministri shpallni një rritje të mazhorancës parlamentare, por asnjë deputet nuk ka kaluar në anën tjetër. Keni hequr dorë nga ideja për të bindur deputetët?

Izet Mexhiti: Jo, ka komunikim. Më shumë deputetë nga opozita po komunikojnë dhe duan të jenë pjesë e mazhorancës së re. Mendoj se, nuk e di datën, por do të ndodhë.

Continue Reading

Lajme

Vendosja e tabelës me mbishkrimin edhe në gjuhën shqipe, Gadaf Uzairi: Pak fjalë e shumë punë!

Published

2 days ago

on

September 20, 2024

By

Sekretari organizativ i Aleancës për Shqiptarët, Gadaf Uzairi përmes një postimi në profilin e tij në facebook njofton se sot është vendos tabela me mbishkrimin edhe në gjuhën shqipe në vendkalimin kufitar Bllacë.

“Pak fjalë e shumë punë!!”, ka shkruar Uzairi.

Kujtojmë që para disa ditëve në këtë vendkalim ishte hequr tabela me mbishkrimin në gjuhën shqipe dhe ishte vendosur vetëm ajo në gjuhën maqedonase.

Continue Reading

Lajme

Taravari: Unë z.Selën dhe z.Ahmetin nuk i kuptoj pse tash ju kujtohet se në Gjykatën Kushtetuese duhet të ketë badenter

Published

3 days ago

on

September 20, 2024

By

Kryetari i Aleancës për Shqiptarët,Arben Taravari nga koalicioni VLEN në një dalje për media foli edhe për vendimin e Gjykatës Kushtetuese për pauzimin e balancuesit, përcjell TV21. Taravari theksoi se ai, por askush tjetër nuk mund të përzihet në vendimet e Gjykatës Kushtetuese, por shtoi se vendimi duhej tëprolongohet dhe të sillej para ligji.

Në lidhje me këtë lexo: https://tv21.tv/pauzimi-i-balancuesit-reagojne-partite-shqiptare-pushtet-e-opozite/

“Unë nuk përzihem dhe askush nuk mund të përzihet në vendimet e Gjykatës Kushtetuese por në momente të caktuara, mendoj se duheshte të prolongoheshte pak ky vendim dhe të sillet paraligji. Por sidoqoftë, ne tani e kemi inicuar, ekspertët tonë e përgatisin ligjin. Janë nga përfundimi, vetëm duhet të ulemi me partnerët e koalicionit ta sinkronizojmë dhe ta nxjerrim në Parlament.

Unë z.Selën dhe z.Ahmetin nuk i kuptoj pse tash ju kujtohet se duheshka në Gjykatën Kushtetuese të ketë badenter. Z.Sela si mik i afërt i z.Ahmetit, 22 vjet kanë pushtet absolut, lokal e qendror. Pse nuk e sollën një ligj si duhet për gjuhën shqipe? Pse nuk e sollën që me badenter të votohet edhe në Gjykatën Kushtetuese? A tash iu kujtua? A duhet t’u japim edhe 22 vite që ta bëjnë një gjë të tillë? Pse nuk e bënë deri tash? Të shesësh mjegulla dhe filozofi është shumë lehtë”, tha Arben Taravari – ministër i Shëndetësisë – VLEN.

Continue Reading

TOP Lajme