Connect with us

Lajme

Faton Fazliu nga AlternAtivA:Punimet në Teatrin dhe Bibliotekën e Tetovës janë sinonim i korrupsionit të BDI-së

Published

7 months ago

on

Të nderuar përfaqësues të mediave, Teatri dhe Biblioteka e Tetovës, respektivisht objekti i Bibliotekës dhe Teatrit të Tetovës, kishte filluar të ndërtohet që në vitin 2014, por assesi të përfundojë. Së fundmi, nga raportimet e mediave e mësuan të gjithë se pse po zvarritet kjo punë. BDI-ja e ka shndërruar këtë projekt në strofull të korrupsionit dhe të vjeljes së parave të qytetarëve.

Sipas raportimeve të javores Fokus, gjithsej 36 milionë euro janë ndarë për këtë projekt, ndërsa deri tani janë shpenzuar plot 21,7 milionë euro. Përkundër kësaj, Teatri dhe Biblioteka e Tetovës nuk është ndërtuar as edhe pas një dekade. Prandaj, këtu ka shumë punë për prokurorinë.

Ne e përshëndesim hetimin e nisur nga Prokuroria për Përndjekjen e Krimit të Organizuar, e cila me kallëzim të Policisë Financiare ka filluar hetime për rastin dhe shpresojmë që hetimi të shkojë deri në fund dhe të gjithë ata që janë pasuruar në kurriz të këtij objekti e i lanë tetovarët pa bibliotekë e teatër të denjë për këtë qytet, të nxirren para drejtësisë. Hetimi duhet të tregojë se cilat kompani morën miliona në këtë projekt dhe çfarë lidhje kanë këto kompani me funksionarët e BDI-së.

Të nderuar,

Ata që e kanë gojën plot Europë, në të vërtetë nuk kanë asgjë të përbashkët me Europën. Ata janë sinonim i krimit korrupsionit dhe mosfunksionimit të shtetit të së drejtës. Ata, me kleptomaninë e paskrupullt, punojnë çdo ditë që të mos ndodhë integrimi në BE. Jo vetëm kaq, por kjo parti politike po dëmton rëndë interesin kombëtar, duke detyruar qindra mijëra shqiptarë ta braktisin Maqedoninë e Veriut dhe të emigrojnë, duke kërkuar mirëqenie, ndërsa – në anën tjetër – një grup i vogël njerëzish në BDI i shtojnë milionat.

Megjithatë, edhe ata e dinë se kjo rrugë përfundon më 8 maj. Prandaj po përpiqen që të vjedhin sa më shumë që munden në këto 3 muaj jo të plota që u kanë ngelur nga jeta politike. Por, le ta dinë se herëdo kurdo ata do të përgjigjen. Do të përgjigjen për çdo qindarkë të qytetarëve që e kanë përvetësuar padrejtësisht. Së pari do të dënohen me votë më 8 maj, e nga 9 maji do të përgjigjen edhe para drejtësisë.

Shkup, 24.02.2024

Faton Fazliu
Kryetari i Degës – Çair

Related Topics:
Continue Reading

Lajme

Mexhiti: Shumë deputetë të opozitës duan të jenë pjesë e qeverisë, kjo do të ndodhë!

Published

20 hours ago

on

September 22, 2024

By

Zëvendëskryeministri i parë i Maqedonisë së Veriut, Izet Mexhiti në një intervistë për Radion Evropën e Lirëka komentuar edhe zërat e rritjes së shumicës parlamentare.

Radio Evropa e Lirë: Si ju ashtu edhe kryeministri shpallni një rritje të mazhorancës parlamentare, por asnjë deputet nuk ka kaluar në anën tjetër. Keni hequr dorë nga ideja për të bindur deputetët?

Izet Mexhiti: Jo, ka komunikim. Më shumë deputetë nga opozita po komunikojnë dhe duan të jenë pjesë e mazhorancës së re. Mendoj se, nuk e di datën, por do të ndodhë.

Continue Reading

Lajme

Vendosja e tabelës me mbishkrimin edhe në gjuhën shqipe, Gadaf Uzairi: Pak fjalë e shumë punë!

Published

3 days ago

on

September 20, 2024

By

Sekretari organizativ i Aleancës për Shqiptarët, Gadaf Uzairi përmes një postimi në profilin e tij në facebook njofton se sot është vendos tabela me mbishkrimin edhe në gjuhën shqipe në vendkalimin kufitar Bllacë.

“Pak fjalë e shumë punë!!”, ka shkruar Uzairi.

Kujtojmë që para disa ditëve në këtë vendkalim ishte hequr tabela me mbishkrimin në gjuhën shqipe dhe ishte vendosur vetëm ajo në gjuhën maqedonase.

Continue Reading

Lajme

Taravari: Unë z.Selën dhe z.Ahmetin nuk i kuptoj pse tash ju kujtohet se në Gjykatën Kushtetuese duhet të ketë badenter

Published

3 days ago

on

September 20, 2024

By

Kryetari i Aleancës për Shqiptarët,Arben Taravari nga koalicioni VLEN në një dalje për media foli edhe për vendimin e Gjykatës Kushtetuese për pauzimin e balancuesit, përcjell TV21. Taravari theksoi se ai, por askush tjetër nuk mund të përzihet në vendimet e Gjykatës Kushtetuese, por shtoi se vendimi duhej tëprolongohet dhe të sillej para ligji.

Në lidhje me këtë lexo: https://tv21.tv/pauzimi-i-balancuesit-reagojne-partite-shqiptare-pushtet-e-opozite/

“Unë nuk përzihem dhe askush nuk mund të përzihet në vendimet e Gjykatës Kushtetuese por në momente të caktuara, mendoj se duheshte të prolongoheshte pak ky vendim dhe të sillet paraligji. Por sidoqoftë, ne tani e kemi inicuar, ekspertët tonë e përgatisin ligjin. Janë nga përfundimi, vetëm duhet të ulemi me partnerët e koalicionit ta sinkronizojmë dhe ta nxjerrim në Parlament.

Unë z.Selën dhe z.Ahmetin nuk i kuptoj pse tash ju kujtohet se duheshka në Gjykatën Kushtetuese të ketë badenter. Z.Sela si mik i afërt i z.Ahmetit, 22 vjet kanë pushtet absolut, lokal e qendror. Pse nuk e sollën një ligj si duhet për gjuhën shqipe? Pse nuk e sollën që me badenter të votohet edhe në Gjykatën Kushtetuese? A tash iu kujtua? A duhet t’u japim edhe 22 vite që ta bëjnë një gjë të tillë? Pse nuk e bënë deri tash? Të shesësh mjegulla dhe filozofi është shumë lehtë”, tha Arben Taravari – ministër i Shëndetësisë – VLEN.

Continue Reading

TOP Lajme