Ministri i Shëndetësisë, Arben Taravari, vizitoi shkollën e mesme teknike “Nace Bugjoni,” ku u përqendrua në kushtet e vështira në të cilat zhvillohet mësimi në paralelet në gjuhën shqipe. Gjatë vizitës, ministri pati mundësinë të dëgjonte shqetësimet e mësimdhënësve dhe nxënësve, duke parë nga afër infrastrukturën e pamjaftueshme dhe mungesën e kushteve të përshtatshme për një mësimdhënie të cilësisë së lartë.

Taravari theksoi se përmirësimi i arsimit teknik është një prioritet për qeverinë dhe premtoi mbështetje të fortë për të vazhduar me ndërtimin e një objekti të ri për këtë shkollë dhe Gjimnazin Sami Frashëri. Ai nënvizoi se investimi në arsimin teknik është jetik për përgatitjen e të rinjve për tregun e punës dhe për rritjen e cilësisë së arsimit në përgjithësi. Ministri siguroi stafin dhe nxënësit se projekti për ndërtimin e objektit të ri do të përkrahet fuqishëm nga qeveria, duke shtuar se një infrastrukturë moderne është thelbësore për përgatitjen e kuadrove të kualifikuara në fusha teknike.

Kjo vizitë është një sinjal pozitiv për qytetarët e Kumanoves dhe për studentët që kërkojnë kushte më të mira për mësim, duke shpresuar për një të ardhme më të mirë arsimore në rajon.

Krahu i z. Sela mos t’i shtrembëron fjalët siç janë mësuar t’i falsifikojnë dokumentet. Kështu i është përgjigjur avokati i palës se kryetarit Arben Taravari, reagimit të krahut të Seles se kinse seanca e sotme gjyqësore nuk ka qenë e rregullt.
Sipas tij pala tjetër po mundohet qëllimisht t’i shtrembëron faktet e fjalët, sepse dinë vetëm të falsifikojnë.

“Në asnjë moment para gazetarëve nuk kam deklaruar se seanca e sotme per ate se kush eshte kryetar legjitim i Aleances per Shqipetaret nuk ka qene e rregullt!
Kam deklaruar se pasi qe elaboruam secila palë deshmite dhe argumentet eshte anuluar dhe caktuar seance e re per me 13 Dhjetore kur do te behet kontrolli i delegateve nga Kongresi i fundit i rregullt me Kongresin e jashtzakonshem!
Mos i shtremboni fjalet ashtu si qe i falsifikoni dokumentet!!!”, ka shkruar Abduli.

Ditë më parë, zëvendëskryeminsitri Arben Fetai bëri të ditur se, përmes një adresës elektronike është kërcënuar me jetë.

Në lidhje me këtë, Fetai gjatë ditës së sotme e raportoi rastin edhe në polici ndërkohë që, u bëri thirrje organeve të rendit që të identifikojnë menjëherë autorin e këtij kërcënimi.

“Sot, në ora 11:00, në Stacionin Policor Qendër (1), kam raportuar se kam marrë një kërcënim me vdekje në emailin tim zyrtar, i cili përmbante mesazhin “PLUMB NË KOKË PËR TY SHIPO FETAI”, pas një deklarate mbi mënjanimin e përkufizimit “20 për qind” për gjuhën shqipe.

Kërcënimet dhe gjuha e urrejtjes nuk do t’i lejojmë të kalojnë. U bëj thirrje organeve të rendit që të identifikojnë menjëherë autorin e këtij kërcënimi. Kërcënuesit dhe ekstremistët qyqarë duhet të përballen me pasojat e ligjit: dënim me burg nga 6 muaj deri në 5 vjet”, ka shkruar Fetai.