Lajme
Ja si duket hoteli “burg” i Koresë së Jugut, ku klientët paguajnë për të kaluar kohën e mbyllur në qeli
Harrojeni hotelet luksoze dhe pushimet joshëse. Koreano-jugorët po i drejtohen gjithnjë e më shumë një burgu të rremë si një mënyrë për të përballuar stresin e jetës së përditshme.
“Prison Inside Me”, i lançuar në vitin 2013, ofron një përvojë burgu të jetës reale, me mysafirë që paguajnë për të kaluar 24 ose 48 orë të mbyllur në një qeli burgu. Kushtet janë kufizuese dhe pjesëmarrësit mbahen në heshtje të plotë. Ndërsa mund të mos tingëllojë si një pushim tipik, pikërisht për këtë bëhet fjalë.
Kultura shumë konkurruese midis studentëve dhe punonjësve në Korenë e Jugut është pjesërisht fajtore për shkallën e lartë të stresit, çrregullimeve të gjumit dhe vetëvrasjeve.
Bashkëpronari Noh Ji-hyang e hapi objektin për t’u ofruar njerëzve një mënyrë për t’u shkëputur plotësisht nga streset e jetës së përditshme, qoftë edhe vetëm për një ose dy ditë.
