Anketa e sotme nga Agjencia “Market Vision”, rezultate e së cilës u shpërndanë nga deputeti i VMRO-DPMNE-së, Nikola Micevski, vetëm e konfirmoi të vërtetën që me muaj e javë po përpiqen ta fshehin, e ajo është se BDI ka një epërsi bindëse ndaj koalicionit VLEN, pothuajse më shumë se dy me një. Kështu theksoi kandidati për kryetar të Çairit, Bujar Osmani, në përgjigje të pyetjeve të gazetarëve, duke shtuar se kjo është dëshmi që epërsia e BDI-së tashmë nuk mund të fshihet.

“Mëngjesin e sotëm pati debate të ndryshme se çfarë mesazhi dëshiron të japë, por ndoshta në përpjekje për të promovuar rezultatet e veta, VMRO ka harruar se po publikon një të vërtetë që përpiqen ta mbulojnë me javë e muaj, e ndoshta tashmë nuk mund ta fshehin. Një të vërtetë që tek shqiptarët këto zgjedhje po shndërrohen në një vendimmarrje plebishitare”, tha Osmani.

Ai shtoi se, edhe pse VMRO-DPMNE është përpjekur ta shfrytëzojë anketën për të promovuar rezultatet e saj, në fakt ka zbuluar të vërtetën në bllokun politik shqiptar. Megjithatë, siç potencoi Osmani, epërsia e BDI-së ndaj VLEN-it është edhe më e madhe.

“Diferenca është madje më shumë se dy me një. Aktualisht, sipas të gjitha anketave tona, tre me një dhe është e qartë se në këto zgjedhje qytetarët do të vendosin plebishitarisht”, porositi Osmani, ndërsa shtoi se BDI mbetet opsioni më i fuqishëm politik te shqiptarët, me një epërsi stabile dhe në rritje, të cilën qytetarët në zgjedhje do ta konfirmojnë me vullnetin e tyre.

Sipas anketës së “Market Vision”, agjenci e afërt me VMRO-DPMNE-në, partneri i saj aktual në koalicion, VLEN, do të humbasë me rezultat 2:1 në zgjedhje nga BDI. Në anketën më të re, qartë konfirmohet epërsia e koalicionit AKI të udhëhequr nga BDI-ja. Sipas të dhënave, BDI gëzon mbështetje prej 6,0%, që paraqet pothuajse dyfish më shumë se secila nga partitë individuale në koalicionin VLEN – Alternativa (1,4%), Lëvizja Demokratike (1,6%) dhe Besa (1,6%).

Këto shifra edhe njëherë e dëshmojnë pozitën stabile dhe udhëheqëse të BDI-së mes partive shqiptare, me një përparësi të qartë dhe të pakontestueshme ndaj konkurrencës.

Në veçanti, sipas anketës, në pyetjen “Për cilën parti politike do të votonit në zgjedhjet e ardhshme lokale?”, 22,9% e të anketuarve janë deklaruar për VMRO-DPMNE, LSDM ka marrë 5,9% mbështetje, BDI 6,0%, Aleanca për Shqiptarët (Ziadin Sela) 0,7%, Aleanca për Shqiptarët (Arben Taravari) 1,2%, E Majta 3,3%, ZNAM 1,8%, VLEN – Alternativa 1,4%, VLEN – Lëvizja Demokratike 1,6%, VLEN – BESA 1,6%.

Njëkohësisht, mbështetja prej 1,2% për krahun e Arben Taravarit në Aleancën për Shqiptarët e forcon edhe më shumë pozitën e BDI-së si e vetmja forcë reale dhe opsion fitues në zgjedhjet e ardhshme.

Gazetari Furkan Saliu ka reaguar ashpër ndaj liderëve të koalicionit VLEN përmes një statusi të publikuar në Facebook.

Në reagimin e tij, Saliu i akuzon ata për nënshtrim dhe mungesë të integritetit politik.

“Turp ju qoftë! Që në mëngjes jeni ngritur të përkulur para Mickoskit. Garë e madhe kush do të bëhet më i mirë për të. Pa pikë krenarie, pa pikë burrnie, vetëm për një zyrë 15 metra katrorë, ku mbushni egon dhe xhepat, ndërsa nuk jeni të aftë të kryeni asnjë punë. Turp!”, ka shkruar Saliu.

NdrySaliu njihet për qëndrimet kritike ndaj partive politike dhe veçanërisht ndaj lidershipit shqiptar në Maqedoninë e Veriut.

Reagimi i plotë i Saliut:

“Turp ju qoftë!
Që në mëngjes jeni ngritur të përkulur para Mickoskit.

Garë e madhe kush do të bëhet më i mirë për të.
Pa pikë krenarie, pa pikë burrnie, vetëm për një zyrë 15 metra katrorë, ku mbushni egon dhe xhepat, ndërsa nuk jeni të aftë të kryeni asnjë punë.

Turp!”, përfundon Saliu.