Lajme

Ministri Azir Aliu “bllokon” ashensorët e Klinikave Interne, pacientët vuajnë tashmë katër muaj

Published

2 months ago

10.08.2025

Admin01

Katër muaj me radhë ashensorët në Klinikat Interne nuk funksionojnë, duke e bërë të pamundur transportin e pacientëve në gjendje të rëndë dhe dorëzimin e analizave laboratorike, informon PressOnline.al. Punonjësit shëndetësorë shprehin indinjatën e tyre, duke theksuar se kjo gjendje rrezikon jetën e pacientëve dhe rëndon punën e stafit mjekësor.

Sipas gazetares me përvojë shumëvjeçare në përcjelljen e rrethanave në sektorin e shëndetësisë, Mençe Toçi, një situatë e këtillë nuk duhej lejuaj nga personat kompetentë. Buxheti për riparimin e ashensorëve ka qenë i siguruar, por ministri i Shëndetësisë, Azir Aliu, nuk e ka shpallur tenderin për shkak të kalkulimeve financiare. Me shpalljen e zgjedhjeve lokale, tani procedura nuk mund të hapet, duke e zgjatur krizën edhe më tej.

Ndërkohë, pacientët dhe mjekët mbeten të bllokuar mes katëve të Klinikave, në pritje të një vendimi që duhej marrë muaj më parë.

Në vazhdim po ua sjellim të plotë reagimin e gazetares Mençe Toçi në faqen e saj në rrjetin social Facebook:

https://www.facebook.com/share/p/19obyZ1vxd/?mibextid=wwXIfr

Ministri Azir Aliu “bllokon” ashensorët e Klinikave Interne, pacientët vuajnë tashmë katër muaj.

Lajme

Ky është ish-ushtari i UÇK-së që u gjet i vdekur pranë varrezave në Podujevë

Published

11 minutes ago

27.09.2025

Admin01

Media ka raportuar të premtën për një vetëvrasje në fshatin Përpellac të Podujevë.

Policia ka njoftuar se pranë viktimës është gjetur një pistoletë me 6 fishekë dhe një gëzhojë është sekuestruar.

“Raportohet se në varrezat e fshatit është gjetur viktima mashkull kosovar, pa shenja jete. Afër trupit të tij është gjetur një pistoletë. Pistoleta me 6 fishekë dhe një gëzhojë është sekuestruar. Me vendim të prokurorit trupi i pa jetë i viktimës është dërguar në IML për obduksion”, thuhet në njoftimin 24-orësh të policisë.

Burimet e medias kanë mësuar se viktimë është veterani i Ushtrisë Çlirimtar të Kosovës, Hamdi Zejnullahu.

Lajme

Të hënën edhe zyrtarisht fillon fushata zgjedhore

Published

20 minutes ago

27.09.2025

Admin01

Partitë dhe të pavarurit janë gati, fushata zgjedhore do të fillojë të hënën. Disa nga pjesëmarrësit në zgjedhjet lokale kanë nënshkruar një kod sjelljeje për zgjedhje të ndershme dhe demokratike.

Ata sigurojnë se nuk do të ushtrojnë asnjë presion mbi punonjësit e administratës publike gjatë procesit zgjedhor dhe do të përmbahen nga gjuha e urrejtjes.

Dhe në Komisionin Shtetëror të Zgjedhjeve, pjesëmarrësit në zgjedhje do të nënshkruajnë një kod sjelljeje për zgjedhje të drejta dhe demokratike.

Lajme

Blerant Ramadani viziton Eco Tehnix në Saraj — mbështetje e fortë për investimet ekologjike dhe inovative

Published

46 minutes ago

27.09.2025

Admin01

Kandidati për kryetar të Komunës së Sarajit, Blerant Ramadani, së bashku me bartësin e listës, Iljas Veseli, vizitoi nga afër kompaninë Eco Tehnix, një ndër të vetmet në rajon që prodhon kontejnerë inovativë me sistem të automatizuar.

Ramadani vlerësoi punën dhe vizionin e kompanisë, duke theksuar se mbështetja për investime të tilla është thelbësore për zhvillimin afatgjatë të Sarajit. Ai shprehu mirënjohje të veçantë për biznesmenin e suksesshëm, aga Sefedin nga Svillarja, i cili ka zgjedhur të investojë në vendlindje dhe të krijojë vlerë të qëndrueshme për komunën.

“Projekte si Eco Tehnix tregojnë se Saraji ka potencial të madh për t’u bërë qendër e inovacionit dhe zhvillimit të gjelbër. Si udhëheqje e ardhshme, do të qëndrojmë gjithmonë pranë çdo investitori që sjell vizion dhe ndikim pozitiv,” – theksoi Blerant Ramadani.

Vizita e Ramadanit shënon një sinjal të qartë se prioriteti i tij si kryetar i ardhshëm do të jetë mbështetja e biznesit lokal dhe nxitja e investimeve ekologjike që krijojnë vende pune dhe e modernizojnë komunën e Sarajit.