Ministria e Mbrojtjes së Maqedonisë së Veriut ka shpallur listën e oficerëve të caktuar për pozita në strukturat e NATO-s dhe OSBE-së, por asnjë shqiptar nuk është përfshirë në këtë konkurs.

Pavarësisht faktit se shqiptarët përbëjnë një përqindje të rëndësishme të popullsisë, e aq më pak janë edhe të përfaqësuar në Forcat e Armatosura të RMV-së, çuditërisht në listën zyrtare të të emëruarve nuk ka asnjë shqiptarë.

Vendimet e publikuara më 28 korrik dhe 1 gusht 2025 përcaktojnë emërime në poste të larta në Napoli, Bruksel, Vjenë dhe Selanik, siç mund të ceken:
Shtabi i Forcave Aleate të NATO-s në Napoli, Itali; Përfaqësia diplomatike të Maqedonisë së Veriut pranë NATO dhe BE-së në Bruksel, Belgjikë; Shtabi Ndërkombëtar Ushtarak i NATO-s në Bruksel; Misioni i përhershëm pranë OSBE-së në Vjenë, Austri; Shtabi i Forcave të NATO-s për dislokim të shpejtë në Selanik, Greqi.

Gjitha këto pozita përfshijnë role shumë të rëndësishme në sferën e sigurisë, por pa asnjë shqiptarë.
Lidhur me këtë rast ka reaguar edhe ish-ministri i Punëve të Jashtme të vendit, Bujar Osmani, i cili mes tjerash ka thënë: “Përjashtimi nga sektori i sigurisë është alarm shqetësues. Vasaliteti po kërcënon edhe sigurinë!”.

Sektori i Punëve të Brendshme Tetovë ka dalë me raportin zyrtar për vrasjen që ndodhi sot, njofton TV21.

Siç bëhet e ditur, një person ka vdekur në vendin e ngjarjes, ndërkaq janë regjistruar edhe gjashtë të lënduar, mes të cilëve edhe një e mitur.

Tre të lënduar ndodhen në Spitalin Klinik në Tetovë, ndërkaq dy të lënduar janë transferuar në Shkup.

Me lëndime është regjistruar edhe një kalimtar i rastit, e cila ka marrë lëndime nga aksidentimi i veturave nga ku ka pasur të shtëna me armë.

“Me date 10.08, ne SPB Tetovë, në ora 12:30, është raportuar se në kryqëzimin e rrugës “Ilinden” me rrugën “Bllagoja Toska” në Tetovë, ka ndodhur një shkëmbim zjarri mes personave nga dy automjete, me ç’rast ka ndodhur edhe një aksident trafiku, pas së cilës të dyja automjetet e kanë lëshuar vendin e ngjarjes, njëri prej tyre është drejtuar drejt rrugës “113”, ndërsa tjetri në drejtim të panjohur. Nga informatat e marra nga qytetarët dhe dëshmitarët okularë në vendngjarje, është marrë informacion se automjeti që është drejtuar drejt rrugës “113” është një automjet pasagjerësh “Ford Fiesta” me targa të Tetovës. Gjatë kontrollit është konstatuar se bëhet fjalë për targa të çregjistruara nga i njëjti automjet, në pronësi të personit E.M.(19) nga fshati Gajre e Tetovës. Gjatë marrjes së masave, në kryqëzimin e rrugës “Bllagoja Toska” me rrugën “107” është gjetur një automjet pasagjerësh “Volkswagen Golf” me targa të Tetovës, në pronësi të F.R.(46) nga Tetova, ndërsa brenda automjetit është gjetur një person i vdekur me plagë nga arma e zjarrit. Për ngjarjen është formuar një ekip i cili drejtohet nga prokurori publik kujdestar në Prokurorinë Themelore Publike në Tetovë dhe një ekip inspektues nga SPB-Tetovë. Në momentin e inspektimit, në Spitalin Klinik-Tetovë janë transferuar tre persona me lëndime nga të cilët një vajzë e mitur nga Tetova me plagë nga arma e zjarrit, e cila është mbajtur nën vëzhgim. Ndërsa dy persona të tjerë, O.O.(34) dhe R.T. me plagë nga arma e zjarrit, si raste urgjente janë transferuar në Kompleksin e Klinikave “Nëna Terezë” në Shkup. Në shkëmbim zjarri nga automjetet është lënduar edhe një këmbësor A.S.(60) nga Tetova, i cili ishte kalimtar i rastit dhe është transferuar në klinikat e Shkupit. Po ndërmerren masa për zbardhjen e rastit”, thuhet në njoftimin e SPB Tetovë.

Kryetari i Aleancës për Shqiptarët, z. Arben Taravari, në një konferencë për media ka shpalosur Pikën 5 të Platformës Kombëtare, e cila fokusohet në mbrojtjen e mjedisit, ekologjinë dhe zhvillimin e infrastrukturës moderne në komunat shqiptare.

Taravari theksoi se kjo pikë synon pastrimin e deponive ilegale, krijimin e sistemeve të riciklimit, mbrojtjen e ujërave dhe burimeve natyrore, si dhe përdorimin e energjive të ripërtëritshme.

Në planin e infrastrukturës, ai paralajmëroi investime në rrugë të rikonstruktuara me ndriçim LED, parkingje të organizuara, transport publik për nxënës e studentë, si dhe përmirësim të qasjes në zonat rurale. Taravari gjithashtu përmendi ndërtimin e tregjeve moderne me përparësi për bizneset familjare dhe lehtësira për prodhuesit e produkteve BIO, si dhe ruajtjen e arkitekturës tradicionale shqiptare.

“Motoja e kësaj pike është e qartë: Mjedis i pastër – Komunitet i shëndetshëm; Infrastrukturë moderne – Zhvillim i qëndrueshëm,” tha Taravari.