Lajme

Tensione të rrezikshme etnike në Maqedoninë e Veriut – reagim i fortë nga Këshilli i Marrëdhënieve Shqiptaro-Amerikane (AARC)

Published

2 months ago

09.08.2025

Admin01

Këshilli i Marrëdhënieve Shqiptaro-Amerikane (Albanian American Relations Council-AARC) i udhëhequr nga Martin Vulaj ka reaguar ashpër pas incidenteve të fundit me thirrje anti-shqiptare si dhe mesazhe urrejtëse e ndarëse në ndeshjet sportive në vend, duke paralajmëruar se kjo spirale urrejtjeje rrezikon të destabilizojë Maqedoninë e Veriut.

Reagimi i plotë:

Në javët e fundit, është vërejtur një rritje shqetësuese e incidenteve në ngjarjet sportive në Maqedoninë e Veriut që nxisin urrejtje dhe përçarje etnike. Në një ndeshje basketbolli mes Rumanisë dhe Maqedonisë së Veriut në Kumanovë, tifozët brohoritën slogane të tmerrshme duke thirrur për vdekjen e shqiptarëve dhe zhdukjen e tyre në dhoma gazi. Në përgjigje, disa tifozë shqiptarë në një ndeshje futbolli në Tetovë shfaqën pankarta që bënin thirrje për shkëputje.

Kjo spirale e rrezikshme duhet ndalur menjëherë. Udhëheqësit politikë nga të gjitha komunitetet duhet të veprojnë me vendosmëri për të dënuar dhe parandaluar shfaqje të tilla urrejtjeje, para se ato të destabilizojnë më tej vendin.

Brohoritjet anti-shqiptare përforcuan në mënyrë të dhimbshme perceptimin e kahershëm të shqiptarëve se trajtohen si qytetarë të dorës së dytë dhe si të huaj në atdheun e tyre. Nga ana tjetër, mesazhet për shkëputje nxiten frikë te maqedonasit sllavë për qëllimet e shqiptarëve dhe për unitetin e ardhshëm të shtetit.

Që nga nënshkrimi i Marrëveshjes Kornizë të Ohrit në vitin 2001, Maqedonia e Veriut ka bërë përparim të dukshëm drejt integrimit dhe bashkëjetesës etnike. Megjithëse sfida mbeten, shqiptarët janë zhvendosur nga margjinat drejt pjesëmarrjes aktive në institucionet politike, ekonomike dhe akademike. Ky përparim nuk duhet të prishet.

Megjithëse dënimi i qeverisë për gjuhën e urrejtjes erdhi me vonesë, ai ishte i qartë. Tani, edhe liderët shqiptarë duhet të dënojnë pa mëdyshje çdo retorikë që minon integritetin territorial të vendit.

Gjatë konfliktit, shqiptarët refuzuan ofertën për të ndarë Maqedoninë sipas vijave etnike, duke zgjedhur në vend të kësaj një të ardhme të përbashkët evropiane. Po ky parim duhet të vazhdojë të udhëheqë kombin përpara. Të gjitha palët duhet të punojnë së bashku për të eliminuar retorikën me bazë etnike dhe për të parandaluar kthimin në kapitujt e errët të së kaluarës. Vetëm përmes unitetit, respektit dhe lidershipit, Maqedonia e Veriut mund të mbetet në rrugën drejt paqes së qëndrueshme dhe integrimit evropian.

Lajme

Koalicioni i AKI-së pothuajse me epërsi të dyfishtë ndaj VLEN-it në anketën e “Market Vision”

Published

5 minutes ago

27.09.2025

Admin01

Sipas anketës së “Market Vision”, agjenci e afërt me VMRO-DPMNE-në, partneri i saj aktual në koalicion, VLEN, do të humbasë me rezultat 2:1 në zgjedhje nga BDI. Në anketën më të re, qartë konfirmohet epërsia e koalicionit AKI të udhëhequr nga BDI-ja. Sipas të dhënave, BDI gëzon mbështetje prej 6,0%, që paraqet pothuajse dyfish më shumë se secila nga partitë individuale në koalicionin VLEN – Alternativa (1,4%), Lëvizja Demokratike (1,6%) dhe Besa (1,6%).

Këto shifra edhe njëherë e dëshmojnë pozitën stabile dhe udhëheqëse të BDI-së mes partive shqiptare, me një përparësi të qartë dhe të pakontestueshme ndaj konkurrencës.

Në veçanti, sipas anketës, në pyetjen “Për cilën parti politike do të votonit në zgjedhjet e ardhshme lokale?”, 22,9% e të anketuarve janë deklaruar për VMRO-DPMNE, LSDM ka marrë 5,9% mbështetje, BDI 6,0%, Aleanca për Shqiptarët (Ziadin Sela) 0,7%, Aleanca për Shqiptarët (Arben Taravari) 1,2%, E Majta 3,3%, ZNAM 1,8%, VLEN – Alternativa 1,4%, VLEN – Lëvizja Demokratike 1,6%, VLEN – BESA 1,6%.

Njëkohësisht, mbështetja prej 1,2% për krahun e Arben Taravarit në Aleancën për Shqiptarët e forcon edhe më shumë pozitën e BDI-së si e vetmja forcë reale dhe opsion fitues në zgjedhjet e ardhshme.

Lajme

Furkan Saliu shpërthen ndaj liderëve të VLEN-it: Përkuleni para Mickoskit për një zyrë 15 m² ku mbushni egon e xhepat, pa aftësi për punë

Published

24 minutes ago

27.09.2025

Admin01

Gazetari Furkan Saliu ka reaguar ashpër ndaj liderëve të koalicionit VLEN përmes një statusi të publikuar në Facebook.

Në reagimin e tij, Saliu i akuzon ata për nënshtrim dhe mungesë të integritetit politik.

“Turp ju qoftë! Që në mëngjes jeni ngritur të përkulur para Mickoskit. Garë e madhe kush do të bëhet më i mirë për të. Pa pikë krenarie, pa pikë burrnie, vetëm për një zyrë 15 metra katrorë, ku mbushni egon dhe xhepat, ndërsa nuk jeni të aftë të kryeni asnjë punë. Turp!”, ka shkruar Saliu.

NdrySaliu njihet për qëndrimet kritike ndaj partive politike dhe veçanërisht ndaj lidershipit shqiptar në Maqedoninë e Veriut.

Reagimi i plotë i Saliut:

“Turp ju qoftë!
Që në mëngjes jeni ngritur të përkulur para Mickoskit.

Garë e madhe kush do të bëhet më i mirë për të.
Pa pikë krenarie, pa pikë burrnie, vetëm për një zyrë 15 metra katrorë, ku mbushni egon dhe xhepat, ndërsa nuk jeni të aftë të kryeni asnjë punë.

Turp!”, përfundon Saliu.

Lajme

Sot mbahet marshi i 24-të për tragjedinë e Koçanit

Published

1 hour ago

27.09.2025

Admin01

Sot, duke filluar nga ora 17:05, do të mbahet Marshi i 24-të i Engjëjve, njofton shoqata qytetare “16 Mars 2025 Koçani”, duke shtuar se marshimi i kushtohet 62 engjëjve të tyre, jeta e të cilëve u ndërpre me fatalitet më 16 mars 2025.

“Ky marsh është simbol i unitetit, dinjitetit dhe një zëri që kërkon përgjegjësi. Ia kushtojmë engjëjve që nuk do të harrohen kurrë dhe luftës për të vërtetën që ua kemi borxh”, thuhet në deklaratë.

“Marshimi do të fillojë nga Parku i Revolucionit, përmes Qendrës Tregtare dhe ndërtesës së Komunës së Koçanit.

Më pas do të vazhdojë drejt Drejtorisë së të Ardhurave Publike. Në rrethrrotullimin te PRO dhe Ministria e Brendshme, është planifikuar një ndalesë e shkurtër, pas së cilës kolona do të vazhdojë drejt stacionit të policisë. Pastaj prej andej në Gjykatën Themelore dhe Prokurorinë, duke u kthyer në Parkun e Revolucionit”, njofton shoqata “16 Mars 2025 Koçani”.