Lajme

Shefi i kabinetit të Taravarit, Arben Fetai i kujton statutin Seles: Vendimin final dhe përgjegjësine e mban Kryetari dhe askush tjetër

Published

1 year ago

February 3, 2024

Vendimin final dhe përgjegjësine e mban Kryetari dhe askush tjetër.

Statuti i Aleancës për Shqiptarët, neni 61, thotë “Kuvendi i Partisë takohet më së paku një herë në 6 muaj.” Mbledhja e fundit e Kuvendit ka qenë më 21 janar 2022, në Kumanovë. Pra, për më tepër se 12 muaj, në vazhdimësi është shtyrë thirrja e Kuvendit të Partisë.

Në anën tjetër, Kuvendi e ka vetëm një kompetencë sa u përket zgjedhjeve dhe ajo përcaktohet në nenin 67, pika 9, ku shkruhet se Kuvendi miraton listat e kandidatëve për deputetë.

Përveç dispozitave statutore, nuk ka as precedent në historinë e Aleancës për Shqiptarët ku Kuvendi i Partisë ka nxjerr vendim për koalicionime apo madje as për futje në qeveri. Në vitin 2017, në mbledhjen e Kuvendit mbajtur në Shkup, ishte miratuar lista e kandidatëve për kryetarë të komunave. Por, në rrethin e dytë të zgjedhjeve Aleanca për Shqiptarët bëri koalicion me Lëvizjen Besa për të mbështetur kandidatët e ndërsjellë. Ky vendim nuk ishte marrë në Kuvend. Po të njëjtin vit, në mbledhjen e Kuvendit mbajtur në Gostivar, vetëm është diskutuar ideja për daljen e Aleancës për Shqiptarët nga qeveria, ndërsa nuk kishte sjellë vendim. Vendimi ishte marrë nga vet Kryetari i Partisë. Në vitin 2020, vendimi për koalicionin me Alternativën, gjithashtu nuk ishte sjellë në Kuvend. Edhe në mbledhjen e Kuvendit mbajtur më 21 janar 2022 në Kumanovë, vetëm është diskutuar (arsyetuar), pjesëmarrja e ASH-së në qeveri, por Kuvendi nuk morri vendim për këtë veprim.

Rrjedhimisht, vendimi për koalicionime i takon Kryetarit të partisë si lider i partisë i zgjedhur drejtpërdrejtë nga Kongresi, në konsultim me organet tjera të partisë, gjë që Arben Taravari tanimë e ka bërë.

Lajme

Taravari: Më është propozuar të dal vet si me lista ashtu edhe me kandidatë

Published

9 hours ago

April 10, 2025

I N

Kryetari i Aleancës për Shqiptarët, Arben Taravari, në intervistën në TëVë1, ka shpalosur disa biseda mes liderëve të VLEN-it. Ai tha se në një moment kur ka propozuar që të tretë partitë të shkojnë bashkë në lista, ndërsa ASH-ja të shkoj me lista të veçanta, ndërsa kandidatin ta kemi të përbashkët, në një moment më është thënë se nëse du mund të shkojmë edhe me kandidatë të veçantë.

“Këtë unë e kuptova si porosi, si kjo që tani po ndodhë se mes tre partnereve të tjerë të koalicionit ka një sinkronizim dhe koordinim. Këtu ne ndihemi si të majorizuar. Ndjesia që çdo gjë është e koordinuar dhe kur të takohemi çdo propozim kundërshtohet”, u shpreh Taravari.

Lajme

Taravari: Kemi një koalicion qeveritar që ka shumicë parlamentare pa shqiptarët

Published

9 hours ago

April 10, 2025

I N

Kryetari i Aleancës për Shqiptarët, Arben Taravari, në intervistën në TëVë1 në Kosovë, ka deklaruar se hera e parë në demokracinë moderne në vendin tonë të kemi katër parti së bashku në koalicionin qeveritar.

Taravari tha se kjo në duke të parë nga opinioni kemi një pasqyrë jo të mirë.

“Partia më e madhe maqedonase ka 58 deputet dhe bashkë me partinë ZNAM bëjnë 64 deputet dhe krijojnë shumicë parlamentare pa shqiptarët. Por, është e pa imagjinueshme që të bëhet qeveria pa një parti politike shqiptare”, u shpreh Taravari.

Sipas tij, për momentin kemi një parti politike qeveritare maqedonase shumë e fuqishme dhe një koalicion shqiptar brenda asaj qeverie e cila është letargjike dhe rëndë funksionale për shkak fragmentarizmit në katër parti politike.

Lajme

Taravari: VLEN-i arriti ta bëjë ndryshimin e shumëpritur te shqiptarët

Published

9 hours ago

April 10, 2025

I N

Kryetari i Aleancës për Shqiptarët, Arben Taravari, në intervistën në TëVë1, ka folur për rrotacionin politik në vendin tonë. Taravari ka deklaruar se më e shëndetshme dhe më demokratike në një shoqëri që të ketë ndryshime në qeverisje nuk ka.

“Në palën maqedonase në 24-25 vitet e fundit janë ndryshuar afër nëntë kryeministra, ndërsa te shqiptarët ka mbetur një parti politike dhe kjo nuk është e natyrshme. Çdo gjë në politikë është e konsumuar. Shpeshherë e them se demokracitë më të zhvilluar në botë si SHBA, jo rastësisht e kanë kufizuar në dy mandate”, tha Taravari.

Në kushtet Ballkanike, siç tha Taravari, më shumë se 10 vite qëndrimi në pushtet teprohet. VLEN-i arriti ta bëjë këtë mrekulli dhe ta sjell ndryshimin e shumëpritur te shqiptarët.