Aktivistja e njohur Nafije Selmani ka reaguar ndaj deklaratës së ish-kryetarit të Qytetit të Shkupit, Trifun Kostovski, në lidhje me liderin e Aleancës për Shqiptarët, Arben Taravari.

Në një reagim të artikuluar me tone të respektshme, por njëkohësisht të drejtpërdrejtë, Selmani vlerëson përpjekjet e Kostovskit për të nxitur bashkëjetesën ndëretnike, por thekson se qasja e tij relativizon padrejtësitë që përjetojnë komunitetet jo-maqedonase në vend.

“Kur Arben Taravari dhe Aleanca për Shqiptarët flasin për mospranimin e statusit si qytetarë të rendit të dytë, ata nuk shpikin ndasi, por denoncojnë një realitet të hidhur që shumë shpesh injorohet,” shprehet Selmani.

Ajo thekson se barazia nuk është thjesht një ideal moral, por një domosdoshmëri institucionale që ende mungon për qytetarët shqiptarë, turq, romë, boshnjakë dhe të tjerë. Sipas saj, të kërkosh barazi nuk nxit ndasi, por është thelbi i një shoqërie të drejtë dhe funksionale.

Selmani gjithashtu thekson se z. Taravari nuk është përçarës, por përfaqësues i zërit të atyre që shpesh mbeten të paqenë në sistemin politik dhe institucional të Maqedonisë së Veriut.

Në fund të reagimit të saj, Nafije Selmani kujton me mirënjohje një moment personal kur, në vitin 2005, u punësua si një nga të parët shqiptarë në administratën e Qytetit të Shkupit gjatë kohës kur Trifun Kostovski ishte kryetar. Ajo e quan këtë një dëshmi se Kostovski ka ditur të vlerësojë profesionalizmin përtej përkatësive etnike dhe partiake.

“Ju ruani respektin tim për atë kohë, sepse nuk latë që përkatësitë fetare, etnike apo partiake të bëhen barrierë. Prandaj, pikërisht nga ju presim më shumë mirëkuptim për të drejtat e barabarta sot,” përmbyll reagimin e saj Selmani.

Aleanca për Shqiptarët krahu I Arben Taravarit ka kritikuar qasjen e qeverisë ndaj kompanive shqiptare. Sipas tyre kredia hungareze mban vulën e diskriminimit. Arben Halili nga ky subjekt tha se një vit pas nënshkrimit të marrëveshjes për kredinë 500 milionë euroshe nga Hungaria qytetarët shohin se ajo ka përfunduar vetëm tek bizneset maqedonase.

ARBEN HALILI, ASH E TARAVARIT

“Nga 250 milionë euro të dedikuara për investime, deri më tani janë ndarë 125 milionë, por taksapaguesit nuk e dinë ku kanë shkuar këto mjete. Asnjë listë përfituesish, asnjë emër, vetëm numra abstraktë dhe fjalë boshe. E ndërsa qeveria flet për ‘zhvillim’, kompanitë shqiptare mbeten të përjashtuara. Kompanitë shqiptare nuk kanë përfituar as 10% të këtyre fondeve. Ky është diskriminim me vulë shtetërore. Një padrejtësi e planifikuar, e heshtur nga institucionet dhe e justifikuar me propagandë qeveritare”.

Ai tha se si Aleancë për Shqiptarët nuk mund të qëndrojnë indiferentë përballë kësaj politike përjashtuese dhe kthimit në praktikat e të të kaluarës. Halili tha se kjo që shohim sot është një model i vjetër i diskriminimit, vetëm me fytyra të reja, një qeveri që përdor kredinë hungareze për të forcuar klientelizmin dhe varësinë politike, ndërsa shqiptarët i konsideron të tepërt.

Aleanca e Taravarit kërkon : – Publikimin urgjent të listës së plotë të përfituesve; – Sqarimin e qartë të kritereve të ndarjes së fondeve dhe projekteve të financuara; – Auditim të pavarur dhe publik të të gjithë procesit.

Aleanca për Shqiptarët, krahu i Arben Taravarit, ka akuzuar qeverinë për mos transparencë në lidhje me ndarjen e mjeteve nga kredia Hungareze. Sipas Arben Halilit, në korrik të vitit të kaluar, qeveria e Maqedonisë së veriut nënshkroi një kredi prej 500 milionë eurosh me Hungarinë, një marrëveshje që u shit si shpëtim për ekonominë vendore. Sipas ASH-së, u premtua përkrahje për ndërmarrjet e vogla dhe të mesme, zhvillim rajonal dhe barazi në shpërndarjen e mjeteve.

“Sot, një vit më vonë, qytetarët po e shohin të vërtetën e hidhur: asnjë transparencë dhe zero llogaridhënie dhe përfitime vetëm për të afërmit e pushtetit, dhe vetëm për biznesin maqedonas. Nga 250 milionë euro të dedikuara për investime, deri më tani janë ndarë 125 milionë, por taksapaguesit nuk e dinë ku kanë shkuar këto mjete. Asnjë listë përfituesish, asnjë emër, vetëm numra abstraktë dhe fjalë boshe. E ndërsa qeveria flet për “zhvillim”, kompanitë shqiptare mbeten të përjashtuara. Kompanitë shqiptare nuk kanë përfituar as 10% të këtyre fondeve. Ky është diskriminim me vulë shtetërore. Një padrejtësi e planifikuar, e heshtur nga institucionet dhe e justifikuar me propagandë qeveritare” tha Arben Halili.
Nga kjo parti më theksojnë se nuk mund të qëndrojmë indiferentë përballë kësaj politike përjashtuese dhe kthimit në praktikat e të së kaluarës.

“Ajo që shohim sot është një model i vjetër i diskriminimit, vetëm me fytyra të reja. Një qeveri që përdor kredinë hungareze për të forcuar klientelizmin dhe varësinë politike, ndërsa shqiptarët i konsideron të tepërt. Prandaj kërkojmë: – Publikimin urgjent të listës së plotë të përfituesve; – Sqarimin e qartë të kritereve të ndarjes së fondeve dhe projekteve të financuara; – Auditim të pavarur dhe publik të të gjithë procesit; Qeveria nuk mund të vazhdojë të luajë me dinjitetin e qytetarëve dhe të shesë propagandë me paratë e huazuara në emrin tonë. Nëse nuk keni çfarë të fshihni, atëherë publikoni në menyrë transparente listat. Kjo nuk është vetëm krizë ekonomike, është padrejtësi e institucionalizuar. Një borxh që shqiptarët nuk e morën, por do ta paguajnë. Dhe nëse sot heshtim, nesër do të jemi bashkëfajtorë me heshtjen tonë”.