Arben Taravari ka thumbuar ashpër VLEN nga Tearca.

Ai tha se ky koalicion janë përqarë, dhe përveç asaj që pas zgjedhjeve lokale disa parti nga ky koalicion do t’i bashkohen AKI-së, Taravari shkon më tej – thotë se ka individë që edhe pse dalin në fotografi me Izet Mexhitin, i shkruajnë atij se do ta votojnë Bujar Osmanin.

“Janë duke u përçarë. Tash do të bëhen lëmsh, disa ekipe futbolli, disa parti të vogla. Ne u themi atyre që kanë pak ndërgjegje, mos të turpërohen. Dalin me Izetin në fotografi, kurse neve na shkruajnë se na mbështesin, se do ta votojnë Bujarin”, tha Taravari, njofton Top24

Halil Snope ka kritikuar vendimin e Gjykatës Kushtetuese me të cilën mbetet në fuqi vendimi i Qeverisë për uljen e numrit të këshilltarëve, njofton Top24

Snopçe tha se kjo është një dëshmi se zgjedhjet lokale, janë antidemokratike ende pa u mbajtur.

“Nuk janë betejë kundër kundërshtarëve shqiptarë, janë një betejë me VMRO-DPMNE-në dhe me Hristijan Mickoskin. Këtë duhet ta kemi të qartë. Pra, ka një tendencë të VMRO-DPMNE-së që me alibi ta kthejnë dinjitetin e humbur të maqedonasve, tentojnë ta kthejnë situatën para Marrëveshjes së Ohrit dhe para luftës kombëtare (2001)”, tha Snopçe.

Aleanca Kombëtare për Integrim (AKI) sonte hapi shtabin zgjedhor në Tearcë, të cilin e quajti shtab të “Besëlidhjes për fitore më 19 tetor”.

“Këto nuk janë zgjedhje të zakonshme. Ky është një plebishit historik mes rrugës së dinjitetit dhe barazisë, apo rrugës së nënshtrimit dhe mohimit. Më 19 tetor, bashkë do të votojmë për të mbrojtur çdo arritje, çdo sakrificë dhe çdo të drejtë të fituar me mund dhe gjak”, u theksua në këtë tubim.

Sipas AKI-së, mobilizimi në Tearcë është dëshmi se shqiptarët kudo janë ngritur për të mbrojtur dinjitetin, barazinë dhe të ardhmen e tyre.

“Fitorja është e jona, sepse drejtësia dhe e drejta janë në anën tonë”, thuhet në mesazh.