Kryetari i Aleancës për Shqiptarët, Arben Taravari i shoqëruar nga kryetari i komunës së Vrapçishtit, Isen Shabani ka vazhduar edhe ditën e sotme vizitën e tij zyrtare në SHBA ku gjatë ditës është pritur në shtëpinë e bardhë, ku për ditën e nesërme janë paralajmëruar takime të rëndësishme me personalitete të larta të SHBA-ve, shkruan Top24

Është gjithnjë kënaqësi e madhe të jesh në shtëpinë më të rëndësishme në botë si është Shtëpia e Bardhë, ku meren vendimet e mëdha që ndryshojnë botën dhe shtëpinë tonë të vogël. Nesër takime të veçanta me zyrtarë të lartë 🇺🇸

Kryetari i komunës së Gostivarit, Valbon Limani ka takuar përfaqësuesit e SHAFM “Draudacum”-Gostivar, pas realizimit të sukseshëm të Kolonisë Artistike Ndërkombëtare GOSTIVARI ’25, një simbol i bashkëpunimit kulturor në rajon, shkruan Top24

Realizuam një takim të frytshëm me përfaqësuesit e SHAFM “Draudacum”-Gostivar, pas realizimit të sukseshëm të Kolonisë Artistike Ndërkombëtare GOSTIVARI ’25, një simbol i bashkëpunimit kulturor në rajon.
Gjatë bisedës u diskutua për rëndësinë e zbatimit të aktiviteteve të përbashkëta, përfshirja e artistëve të rinj dhe roli i artit në ndërtimin e një shoqërie më të hapur dhe më ndërkombëtare.
Faleminderit për vizitën dhe angazhimin për zhvillimin e artit në Gostivar dhe më gjerë.

Përderisa Ministria e Financave ka refuziar pëlqimet për shndërrimin e kontrave mbi vepër në marrëdhënie të rregullt pune në Qendrln Klinike të Tetovës, në të njëjtën kohë kjo ministri ka dhënë pëlqimin për punësimin e 124 personave në Spitalin e Prilepit. Të njëjtit deri më tani kanë punuar me kontrata mbi vepër. Midis tyre janë 21 mjekë të përgjithshëm.

Sipas drejtorit të spitalit të Prilepit, Kire Jonoski, kjo në masë të madhe e tejkalon problemin me personelin mjekësor dhe do të thotë ndërtim për të ardhmen.

“Morëm miratim për punësim nga Ministria e Financave për të gjithë 124 personat që ishin me marrëveshje. Shpalljet do të publikohen nesër. Pra, spitali i Prilepit do të punësojë 21 mjekë, 49 infermierë dhe kuadër tjetër mjekësor. Së bashku me tetë specializantët e mëparshëm dhe mjekët që i transformuam nga kujdesi shëndetësor privat në atë publik, kjo do të thotë se vetëm këtë vit do të punësohen 30 mjekë të përgjithshëm. Ky është një numër i madh. Përveç investimeve në pajisje, po investojmë edhe në potencialin njerëzor. Me ata 30 mjekë, kemi të ardhme”, tha Kire Jonoski, drejtor i Spitalit të Përgjithshëm me Kompetencë të Zgjeruar – Prilep, në konferencën e sotme për shtyp për një donacion për Spitalin.

Në fazën e dytë do të punësohen rreth 10 specializantë. Sa i përket problemit me numrin e specialistëve në reparte, siç tha ai, është një problem si në institucionet e tjera të shëndetit publik.

“Duhet kohë që mjekët ta përfundojnë specializimin. Prandaj është e rëndësishme që kemi punësuar 21 mjekë të përgjithshëm të cilët do të vazhdojnë specializimin e tyre, duke ndërtuar kështu kuadrin profesional”, tha drejtori i spitalit të Prilepit Jonoski./Koha.mk/