VMRO-DPMNE, në bashkëpunim me “Vlen”, ka propozuar fshirjen e nenit 96 nga Ligji për Policinë, nen që parasheh përfaqësim të drejtë dhe adekuat në këtë institucion. Propozim-ligji është sot në seancë plenare! Kështu ka reaguar nënkryetari i BDI-së, Arbër Ademi, ndërsa thotë se “kjo po ndodh në heshtje, me dorën e atyre që thonë se ‘kujdesen për shqiptarët’”.

Reagimi i plotë i Arbër Ademi:

Skandalet nuk kanë fund!

Shqiptarët dhe Marrëveshja e Ohrit po sulmohen nga çdo drejtim: institucionalisht, ligjërisht e politikisht.

Sot jemi dëshmitarë të një tjetër goditjeje të rëndë: VMRO-DPMNE, në bashkëpunim me “Vlen”, ka propozuar fshierjen e nenit 96 nga Ligji për Policinë, nen që parasheh përfaqësim të drejtë dhe adekuat në këtë institucion. Propozim-ligji është sot në seancë plenare!!

Dhe kjo po ndodh në heshtje, me dorën e atyre që thonë se “kujdesen për shqiptarët”…

Neni 96 që dëshirojnë ta fshiejnë nga Ligji ekzistues për Policinë thotë:

1) Gjatë punësimit në Polici, duhet të jenë të përfaqësuar në mënyrë të drejtë dhe të barabartë qytetarët që i përkasin të gjitha bashkësive, duke respektuar kriteret e aftësisë profesionale dhe kompetencës.

2) Gjatë punësimit në Polici duhet të respektohet parimi i barazisë gjinore.

Gazetari dhe pronari i portalit TS, Rami Mislimi përmes një postimi në profilin e tij në FB ka elaboruar se sipas të gjitha anketave kryetari i komunës së Tetovës, Bilall Kasami po e humb besimin jo vetëm te shqiptarët por edhe tek votata e premtuara në nga VMRO-DPMNE, shkruan Top24

Mislimi thekson se Sipas anketës më të fundit për Tetovën, vetëm 5% e qytetarëve maqedonas janë të gatshëm t’ia japin votën Bilall Kasamit edhe ate me urdhër nga Mickoski.

Anketa më e fundit për Tetovën!
Sipas anketës më të fundit për Tetovën, vetëm 5% e qytetarëve maqedonas janë të gatshëm t’ia japin votën Bilall Kasamit edhe ate me urdhër nga Mickoski.
Pjesa tjetër… paramendoni vetë!
Një zhgënjim i madh, jo vetëm mes shqiptarëve, por tashmë edhe te maqedonasit.
Kush nuk beson shkoni tek zyrat e Saubmarcherit, shikoni se si shahet Bilall Kasami për rritjen e faturave dhe çka thonë bashkëqytetarët maqedonas që janë në ‘izvrshitell”
Ndërkohë, kandidati i Frontit Kombëtar prin me 12% para Bilall Kasamit, sipas të njëjtës anketë.
Dhe ky është vetëm fillimi i rënies drastike që përjeton Bilall Kasami kemi edhe tre muaj deri në zgjedhje, gjatë të cilëve priten të shpërthejnë shumë skandale!
Së shpejti: Si e shiti dhe sa e shiti Bilall Kasami parkingun përballë NPK-së?
As Mickovski nuk e shpëton më!

Kreu i Aleancës për Shqiptarët, Arben Taravari, prezantoi të mërkurën shtyllën e parë të platformës së re politike të kësaj force – mbrojtjen e identitetit kombëtar shqiptar. Ai i bëri thirrje të gjithë shqiptarëve në Maqedoninë e Veriut, pa dallim partie apo bindjeje politike, që të bashkohen rreth kësaj kauze madhore.

“Mbrojtja e identitetit nuk është vetëm një çështje politike – është një detyrë dhe përgjegjësi kombëtare,” theksoi Taravari.

Në këtë drejtim, ai prezantoi katër shtylla konkrete të angazhimit politik dhe shoqëror të Aleancës për Shqiptarët:

Zbatimi real i gjuhës shqipe si gjuhë zyrtare në të gjitha institucionet shtetërore dhe administratën publike, pa kompromise dhe vonesa.

Ruajtja e emërtimeve tradicionale shqiptare të vendbanimeve, rrugëve dhe institucioneve, si element thelbësor i identitetit historik dhe kombëtar.

Mbrojtja e trashëgimisë kulturore shqiptare, përmes restaurimit dhe ruajtjes së objekteve me rëndësi historike e kulturore në mbarë vendin.

Forcimi i familjes tradicionale shqiptare dhe i vlerave morale, të cilat Taravari i cilësoi si “bazë e unitetit shoqëror dhe stabilitetit kombëtar.”

“Vetëm përmes bashkimit dhe përkushtimit mund të arrijmë barazi reale dhe përfaqësim të denjë në Maqedoninë e Veriut,” u shpreh Taravari.

Ai shtoi se këto parime janë themeli i një vizioni të ri kombëtar që synon ndërtimin e një të ardhmeje më të drejtë, më të bashkuar dhe më dinjitoze për shqiptarët në vend.