Connect with us

Lajme

Vlenizimi i hiseve të kazinove (Pjesa IX) – ASH: FLEN mbështet legalizimin e lojërave të fatit, pa kushte

Published

2 months ago

on

Aleanca për Shqiptarët shpreh shqetësim dhe indinjatë të thellë ndaj qëndrimit të grupimit politik FLEN, i cili ka dhënë pëlqimin e tij të heshtur dhe të dëmshëm për projektligjin e ri për lojërat e fatit, një iniciativë që është përgatitur dhe drejtohet nga VMRO-DPMNE, dhe që pritet të miratohet në Qeveri këto ditë për t’u proceduar më tej në Kuvend.

Ky ligj nuk sjell asnjë përmirësim real për shoqërinë shqiptare. Përkundrazi, ai përforcon dhe zyrtarizon praninë e industrisë së bixhozit në afërsi të komuniteteve tona, me pasoja të drejtpërdrejta sociale, ekonomike dhe psikologjike, sidomos për rininë shqiptare.

Narrativi i vetëm që FLEN po përgatitet për të përdorë për të arsyetuar këtë bashkëfajësi është manipulues dhe mashtrues: pretendojnë se ligji i ri do të vendosë distancë fizike prej 500 metrash mes kazinove dhe objekteve shkollore – një propozim që ka qenë edhe më parë në draftin e vjetër dhe nuk ka prodhuar asnjë rezultat në terren.

E vërteta është ndryshe: drafti aktual ka futur një klauzolë të re që shtyn në pafundësi afatin për zbatimin e kësaj distance, duke mos prekur asnjë nga objektet ekzistuese që ndodhen pranë shkollave. Me fjalë të tjera, kazinoja mbetet aty ku është, vetëm se tani do të jetë e ligjshme – me bekimin e FLEN dhe urdhrin e VMRO-së.

Është e qartë për çdo qytetar se FLEN nuk ka as fuqi vendimmarrëse, as zë, as guxim politik për të mbrojtur interesat e shqiptarëve. Po pranon çdo vendim që i servohet nga VMRO-DPMNE, duke e dëshmuar edhe një herë se është pjesë e pushtetit vetëm për interesa personale, klienteliste dhe financiare.

Ky është edhe një premtim tjetër i pambajtur nga FLEN ndaj elektoratit shqiptar, të cilin e gënjyen me premtime për “moral politik” dhe “standarde të reja”, por që sot janë shndërruar në garant të interesave të industrisë së bixhozit dhe servilë të politikave destruktive të VMRO-së.

Aleanca për Shqiptarët paralajmëron se vazhdimi i këtij kursi politik përjashtues dhe i dëmshëm do të marrë fund në tetor, kur shqiptarët do të japin një përgjigje të qartë ndaj atyre që flenë për interesin kolektiv dhe zgjohen vetëm për pazaret e tyre personale.

Lojërat e fatit nuk janë zhvillim. Janë kolaps moral, shoqëror dhe ekonomik. Pranimi i këtij ligji është pranim i kolapsit.

Aleanca për Shqiptarët

Related Topics:
Continue Reading

Lajme

“Boris Kidriç” TS nxjerr Planin Gjeneral dhe Detal. Bilall Kasami ka shkelur ligjin! (Dokument)

Published

6 minutes ago

on

08.09.2025

By

Portali TS nxjerr dokumentin e Planit Gjeneral dhe Detal të bulevardit “Boris Kidriç” në Tetovë leja e ndërtimit e dhënë në kundërshtim me ligjin.

Sipas Planit Gjeneral dhe Detal shihet qartë se si duhet të ndërtohet bulevardi “Boris Kidriç”. Megjithatë, në lejen e dhënë janë shkelur procedurat ligjore, pasi në Planin Gjeneral dhe Detal nuk parashihet trotuar në mes të rrugës.

Leja është dhënë gjithashtu pa miratimin e sektorit për rrugë dhe komunikacion.

Përveç shkeljeve flagrante në kundërshtim me Planin Gjeneral dhe Detal, Bilall Kasami, me idenë e dy projektuesve amatorë, ka mbyllur mbi dhjetëra biznese duke ngushtuar trotuaret dhe duke çuar drejt falimentimit të plotë gjithë rrugën.

Sot edhe kandidati i AKI-së, Bajram Rexhepi dëshmoi se “Bulevardi Boris Kidriç” është ndërtuar pa leje adekute dhe normave të Planit Gjeneral dhe Detal të komunës së Tetovës.

Rexhepi bëri thirrje edhe Prokurirsë Publike të Tetovës që të merr masa urgjente për të parandaluar këtë ndërtim të kësaj rruge që nesër të parandalohen fatkeqësitë në komunikacion.

Continue Reading

Lajme

Bajram Rexhepi: 12 milionë denarë për bulevard pa leje – skandal dhe abuzim me taksat e qytetarëve

Published

22 minutes ago

on

08.09.2025

By

Kandidati i AKI-së për Komunën e Tetovës, Bajram Rexhepi, ka reaguar ashpër lidhur me ndërtimin e bulevardit “Boris Kidriç”, duke e quajtur projektin një skandal të madh urbanistik dhe financiar informon Tetovasot.

Sipas tij, për këtë bulevard janë nënshkruar dy kontrata për punë ndërtimore, më 06.02.2024 dhe 07.08.2024, me një vlerë totale prej mbi 12 milionë denarësh nga taksat e qytetarëve. Megjithatë, në vend të një lejeje ndërtimi për një projekt të ri, Komuna ka marrë vetëm leje për “rikonstruksion”, e lëshuar më 16.10.2024 – gati një vit pas nënshkrimit të kontratave dhe fillimit të punimeve.

“Sigurimi i lejes së ndërtimit është procedurë që duhet bërë paraprakisht, jo pas fillimit të punëve. Ky është jo vetëm mashtrim ndaj qytetarëve, por edhe shkelje e rëndë ligjore që ngre dyshime për korrupsion dhe abuzim me procedurat,” theksoi Rexhepi.

Ai akuzoi Komunën se po përpiqet me fabrikime dhe keqinformim të manipulojë opinionin publik dhe të shmangë përgjegjësinë. “Kjo nuk kalon. Koha e përgjegjësisë po afrohet dhe përgjegjësi do të ketë,” u shpreh Rexhepi.

Continue Reading

Lajme

Faton Ahmeti në Sellcë të Tetovës, sy më sy me të vërtetën, Tetova mezi pret ndryshimin!

Published

31 minutes ago

on

08.09.2025

By

Shefi i shtabit zgjedhorë të AKI-së, Faton Ahmeti njëherit sekretar i përgjithshëm i Bashkimit Demokratik për Integrim sonte në shoqërimin e kandidatit për kryetar komune të Tetovës Bajram Rexhepi ka takuar dhjetra qytetarë duke u parë sy më sy duke përcjellur të vërtetën. Miqësia dhe sinqeriteti që përfaqëson Faton Ahmeti me bashkëpunëtorë dhe me kandidatin për kryetar komune ka bërë që populli të kuptoj se fuqia e tyre është pikërisht bashkërendimi me vëllezrit e motrat shqiptare në çdo vendbanim, shkruan Top24

Continue Reading

TOP Lajme