Lajme

Pas Edi Ramës, edhe Presidenti Bajram Begaj injoron VLEN-in: Takohet vetëm me Ali Ahmetin

Published

2 months ago

13.07.2025

Admin01

Pas kryeministrit të Shqipërisë, Edi Rama, edhe Presidenti i Republikës së Shqipërisë, Bajram Begaj, ka anashkaluar takimet me përfaqësuesit e koalicionit VLEN gjatë vizitës së tij në Ohër, në kuadër të ftesës zyrtare të Presidentes së Maqedonisë së Veriut, Gordana Siljanovska-Davkova.

Në faqen e tij zyrtare në Facebook, Presidenti Begaj ka publikuar dy albume fotografish nga vizita në Maqedoninë e Veriut. Në njërin, ai informon për takimin bilateral me Presidenten Siljanovska-Davkova, ndërsa në tjetrin, dokumenton takimin me liderin e Bashkimit Demokratik për Integrim (BDI), Ali Ahmeti.

“Me Ali Ahmetin është gjithmonë kënaqësi të takohesh e të ndash mendime. Shqiptarët në Maqedoninë e Veriut janë faktor vendimtar shtetformues dhe mbështetës të palëkundur të rrugës Euroatlantike të vendit, duke dëshmuar ngahera përkushtim ndaj paqes, stabilitetit, bashkëjetesës dhe vlerave demokratike,” ka shkruar Begaj në postimin e tij.

Mungesa e takimeve me liderët e VLEN-it vjen në një kohë kur raportet diplomatike mes Tiranës dhe përfaqësuesve të këtij koalicioni janë të tensionuara. Kujtojmë se edhe Edi Rama, gjatë samitit të fundit në Shkup, zgjodhi të takohej vetëm me liderin e BDI-së, Ali Ahmeti, me nënkryetarin dhe ministrin e Jashtëm Bujar Osmani, si dhe me liderin e Aleancës për Shqiptarët, Arben Taravari, tashmë pjesë e opozitës shqiptare.

Ndërkohë, ambasadori i Shqipërisë në Shkup, Denion Mejdani, disa herë është akuzuar, injoruar dhe përbuzur nga përfaqësues të koalicionit VLEN.

Ky zhvillim i fundit duket se konfirmon një linjë konsistente të Tiranës zyrtare, që ka zgjedhur të komunikojë vetëm me aktoret politikë që e konsideron legjitimë dhe të besueshëm, duke lënë jashtë VLEN-in – një mesazh diplomatik që tashmë po lexohet me vëmendje në Shkup. Flaka

Lajme

Vetëvendosje kopjon llogon dhe moton e AKI “Bashkë”

Published

30 minutes ago

09.09.2025

Admin01

Lëvizja Vetëvendosje ka kopjuar slloganin dhe llogon e Aleancës Kombëtarw për Integrim për fushatën e zgjedhjeve lokale. Me duar të shtrënguara dhe me slloganin “BASHKË” edhe koalicioni i udhëhequr nga Albin Kurti do të garojë në tetor në zgjedhjer për kryetarë dhe asambleist të komunave.

Shtrëngimi i duarve ka qenë edhe simbol i fushatës së Frontit Europian në zgjedhjet parlamentare në Maqedoninë e Veriut të vitit 2024, ndërsa më 18 Gusht, Aleanca Kombëtare për Integrim promovoi për herë të parë llogon e re dhe slloganin #BASHKË. Ndërkaq, tre javë më vonë Lëvizja Vetëvendose promovon moton e njëjtë me simbolin e njëjtë 🤝.

Lajme

Qytetarët: “Nga Kondova fillon epoka e ndryshimit për Sarajin me Blerandin” (Video)

Published

43 minutes ago

09.09.2025

Admin01

Gara për Sarajin dhe ëndrra e tyre që komuna të shndërrohet në një qendër turisitke është një shpresë e madhe për qytetarët e kësaj komune. Portali TS sot ka zhvilluar një anketë me qyteatët e Kondovës së Sarajit për të bashkëbiseduar se si e njohin kandidatin Blerand Ramadanin nga AKi-ja?

“Ai është super talent, është i shkolluar” tha një qytetarë. “E meriton të jetë kryetar komune në Saraj është tepër i mirë nuk e ka askush shkollën sa ka ai” thotë një banorë tjetër.

Nga ana tjetër kur vendasit të japin mbështetje të madhe, atëeher edhe fitoja është e lehtë.

Edhe në anketat e fundit që ka portali TS, Blerand Ramadani është në epërsi të madhe ndaj kundërkandidatit të tij,

Dëgjoni çka thonë qytetarët.

Lajme

RMV, shtrenjtohen çmimet e derivateve të naftës

Published

1 hour ago

09.09.2025

Admin01

Komisioni Rregullator për Energjetikë (KRRE) solli vendim, me të cilin bëhet rritja e çmimeve të shitjes me pakicë të derivateve të naftës, mesatarisht për 0,46 % në raport me vendimin e datës 01.09.2025.
Nga data 10.09.2025 nga ora 00:01 çmimet maksimale të derivateve të naftës do të jenë:

EUROSUPER BS – 95 76,00 (denarë/litër)
EUROSUPER BS – 98 78,00 (denarë/litër)
EURODIZEL BS (D-Е V) 69,50 (denarë/litër)

Vaj për djegie Ekstra i Lehtë 1 (EL -1) 69,00 (denarë/litër)
Mazut М-1 SU 37,148 (denarë/kilogram)

Çmimet e shitjes me pakicë të benzinës EUROSUPER BS – 95 dhe EUROSUPER BS – 98 si dhe të EURODIZEL (D-E-V) dhe të Vajit Ekstra të Lehtë për amvisëri (EL-1) rriten për 1,00 den/litër.

Çmimi i shitjes me pakicë të Mazut M-1 SU ulet për 1,245 den/kg dhe tani do të jetë 37,148 den/kg. Theksojmë se këto janë çmimet maksimale të derivateve të naftës që nga ora 00:01 e datës 10.09.2025.