Një i ashtuquajtur sondazh i shpërndarë nga përfaqësues të koalicionit VLEN, dhe që i atribuohet një subjekti të quajtur “UBO”, ngre dyshime serioze për vërtetësinë dhe besueshmërinë e tij. Sipas analizës së bërë, ky “sondazh” nuk ka asnjë element transparent ose metodologjik që ta klasifikojë si të besueshëm.

Nuk dihet periudha e realizimit, nuk dihet numri dhe forma e të anketuarve, nuk ka as infogramë, as tabela, as statistika, madje as emri i porositësit nuk publikohet. Ai nuk figuron as në faqen zyrtare të kompanisë së përmendur, çka e bën këtë publikim një produkt të pakontrolluar dhe jashtë çdo standardi profesional të matjeve të opinionit publik.

Ky material i dyshimtë duket se është shpërndarë me të vetmin qëllim: të relativizojë dhe diskreditojë anketën serioze të MKD.mk, e realizuar në bashkëpunim me agjencinë e njohur “Market Vision”, e cila njihet për saktësi në parashikime dhe rezultate që janë konfirmuar në ciklet zgjedhore të mëparshme.

Sondazhi i “UBO”-s, pa burime, pa metodologji, pa komunikatë zyrtare dhe pa asnjë transparencë, është një manipulim i dështuar dhe tentativë e qartë për të mashtruar opinionin publik në një moment kritik politik për koalicionin VLEN, që po përballet me rënie drastike të mbështetjes, sipas të dhënave zyrtare të sondazheve kredibile.

Arben Fetai, i vetëshpallur si trashëgimtar politik i ASH-së brenda koalicionit VLEN, nuk ka arritur të matet as në nivelin minimal të përkrahjes në mesin e liderëve shqiptarë, sipas anketës më të fundit të realizuar nga MKD.mk në bashkëpunim me agjencinë Market Vision, raporton Flaka. Kjo e bën rolin dhe peshën e tij politike brenda VLEN-it praktikisht të papërfillshme, sidomos në krahasim me rejtingun që gëzon ASH e Arben Taravarit pas ndarjes.

Sipas anketës, koalicioni VLEN ka pësuar një tkurrje drastike nga 13% në vetëm 7.7%, duke humbur 5.3% të mbështetjes brenda pak muajsh. Kjo rënie ndodh pas largimit të ASH-së së Taravarit, e cila tashmë matet veçmas dhe ka 3.6% mbështetje.

Kjo situatë tregon se një pjesë e konsiderueshme e elektoratit të dikurshëm të VLEN-it ka ndjekur Taravarin në rrugëtimin e tij opozitar, duke dëmtuar rëndë strukturën elektorale të koalicionit të mbetur.

Rezultatet ngrejnë pyetje serioze për legjitimitetin dhe fuqinë reale të VLEN-it në zgjedhjet e ardhshme dhe theksojnë nevojën për një ristrukturim të thellë politik nëse synon të mbijetojë në skenën politike shqiptare.

Në të njëjtën kohë, të dhënat tregojnë se opozita shqiptare e drejtuar nga BDI dhe ASH është tashmë dyfish më e fuqishme se vetë VLEN-i, duke përmbysur balancat politike dhe duke shënuar një moment kritik në riorientimin e skenës politike shqiptare në Maqedoninë e Veriut.

Anketa e MKD.mk në bashkëpunim me agjencinë Market Vision është realizuar në periudhën nga 20 qershori deri më 4 korrik 2025, duke përdorur metodën CATI – intervistim telefonik me ndihmën e kompjuterit, mbi një mostër prej 1.200 të anketuarve. Mostra është përfaqësuese në nivel të Maqedonisë së Veriut sipas: rajonit, gjinisë, moshës dhe përkatësisë etnike, bazuar në të dhënat për popullsinë rezidente nga regjistrimi i vitit 2021. Flaka

Sipas të dhënave më të fundit nga një anketë e realizuar nga MKD.MK, në bllokun politik shqiptar lideri i BDI-së, Ali Ahmeti, vazhdon të mbajë vendin e parë për nga niveli i besimit me 6%, duke konfirmuar epërsinë e tij ndaj rivalëve politikë shqiptarë, shkruan Flaka

Arben Taravari, lideri i Aleancës për Shqiptarët, i cili aktualisht ndodhet në opozitë, gjithashtu renditet ndër figurat më të besueshme, përpara disa prej liderëve të partive në pushtet.

Sa i përket liderëve të koalicionit VLEN, ata vijojnë të qëndrojnë në nivele të ulëta të besueshmërisë: Izet Mexhiti dhe Bilall Kasami kanë rreth 2% mbështetje secili, ndërsa Afrim Gashi (Alternativa) përmendet me vetëm 1%. Zeqirja Ibrahimi dhe Arben Fetai nuk rezultojnë në listën e liderëve me përkrahje mbi 1%.

Ndërkohë, Venko Filipçe, kryetar i ri i LSDM-së, zë vendin e tretë me 4.7%, ndërsa në kampin opozitar maqedonas, Maksim Dimitrievski (ZNAM) dhe Dimitar Apasiev (Levica) janë në nivel të barabartë me nga 3% mbështetje.

Anketa reflekton qartë fragmentimin e kampit shqiptar në pushtet dhe vazhdimësinë e dominimit të figurave tradicionale si Ahmeti dhe Taravari, pavarësisht ndryshimeve të fundit në skenën politike.

Anketa është realizuar në periudhën nga 20 qershori deri më 4 korrik 2025, duke përdorur metodën CATI – intervistim telefonik me ndihmën e kompjuterit, mbi një mostër prej 1.200 të anketuarve. Mostra është përfaqësuese në nivel të Maqedonisë së Veriut sipas: rajonit, gjinisë, moshës dhe përkatësisë etnike, bazuar në të dhënat për popullsinë rezidente nga regjistrimi i vitit 2021. Flaka

Lexo edhe: Anketa e re: Opozita shqiptare dyfish më e fuqishme se koalicioni VLEN

Anketa- VLEN pëson rënie të fortë pas largimit të ASH-së së Taravarit: Nga 13% në 7.7%